नेपाल अखबार, पाेखरा। पोखरा महानगरमा १६ जनामा कोरोना भाइरस पुष्टि भएको छ । पोखरा महानगरको ७ नं. वार्डका १६ जनामा कोरोना पुष्टि भएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार वार्डका २३ देखि ४७ वर्ष उमेर समुहका १६ जना पुरुषमा बुधबार बेलुका कोरोना देखिएको हो ।
त्यसैगरी बुधबार बेलुका नै गण्डकी प्रदेशको बागलुङ जिल्लाका ८ वर्षीय बालक देखि ३४ बर्ष उमेर समुहका ५ जना पुरुष तथा १६ , २१ र ३५ बर्षीया ३ महिलामा कोरोना पुष्टि भएको निर्देशनालयले जनाएको छ ।
बुधबार बेलुका गण्डकीका २ जिल्लामा २४ संक्रमित थपिएका हुन् ।संक्रमितहरुलाई अहिले सम्बन्धित जिल्लाको आइसोलेसनमा लैजाने तयारी भइरहेको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको संख्या १ हजार ८ सय १२ पुगेको छ ।
Advertisement
