प्रविधि

नेपालअखबार, टेक्सास । कृत्रिम बौद्धिकता (एआई) प्रविधिमा आधारित डाटा सेन्टरका लागि आवश्यक उच्च क्षमताका मेमोरी चिपको तीव्र मागका कारण दक्षिण कोरियाली प्रविधि कम्पनी सामसुङ इलेक्ट्रोनिक्सले सन् २०२६ को दोस्रो त्रैमासिकमा ऐतिहासिक वित्तीय उपलब्धि हासिल गरेको छ । कम्पनीको परिचालन मुनाफा गत वर्षको सोही अवधिको तुलनामा झन्डै १९ गुणाले बढ्दै ८९५ खर्ब वोन पुगेको छ र यो करिब एक हजार ८०० प्रतिशतको वार्षिक वृद्धि हो । यद्यपि वित्तीय नतिजा अत्यन्त बलियो देखिए पनि एआई क्षेत्रमा भइरहेको तीव्र लगानी दीर्घकालसम्म टिकाउ हुने वा नहुने भन्ने चिन्ताका कारण दक्षिण कोरियाको सेयर बजारमा भने ठूलो उतारचढाव देखिएको छ । यही कारण सामसुङ तथा प्रतिस्पर्धी कम्पनी एसके हाइनिक्सको सेयरमा तीव्र गिरावट आएको छ । सामसुङले सार्वजनिक गरेको विवरणअनुसार अप्रिल–जुन अवधिमा कम्पनीको राजस्व एक हजार ७१५ खर्ब वोन पुगेको छ । यो अ...

नेपालअखबार, काठमाडौं । इरानले अमेरिका र इसराइलसँगको युद्धपछि कमजोर बनेको आफ्नो हवाई प्रतिरक्षा प्रणालीलाई सुदृढ बनाउन चीनबाट हतियार किन्ने भएको छ। इरानले चीनसँग ३०० देखि ४०० वटा हवाइ प्रतिरक्षा मिसाइल किन्ने सम्झौता गरेको भनेर समाचार संस्था रोयटर्सले स्रोतहरूलाई उद्धृत गरेर लेखेको छ। यो सम्झौता हङकङस्थित झोङकिङ बाओशाङ इन्टरनेसनल इन्भेस्टमेन्टसँग भएको थियो।  कम्पनीले इरानी पक्ष र चिनियाँ आपूर्तिकर्ता बीच मध्यस्थकर्ताको रूपमा काम गरेको हो। इरानले किन्न लागेको मिसाइल डिफेन्स सिस्टम काँधमै बोकेर प्रहार गर्न मिल्ने खालका हतियार हुन्। यसलाई म्यानप्याड्स भनिएको छ। यसमा क्युडब्ल्यु-१२ र एफएन-१६ मिसाइल प्रणाली समावेश छ।  यो मिसाइलको पहिलो खेप केही साताभित्रै इरान पुग्ने रोयटर्सले जनाएको छ। ती हतियारको मूल्य ६ देखि ७ करोड अमेरिकी डलर बराबर हुने बताइएको छ। युद्ध सुरु भएयता छोटो दूरी...

नेपालअखबार, पेरिस । फ्रान्सले १५ वर्षमुनिका बालबालिकालाई सामाजिक सञ्जाल प्रयोग गर्न प्रतिबन्ध लगाउने ऐतिहासिक कानुन पारित गरेको छ । यो कानुन लागू भएपछि फ्रान्स यस्तो कदम चाल्ने पहिलो युरोपेली देश बनेको छ । फ्रान्सको संसद्ले मंगलबार उक्त कानुन पारित गरेको हो । राष्ट्रपति इमानुएल म्याक्रोँले आफ्नो कार्यकाल समाप्त हुनुअघि यो प्रतिबद्धता पूरा भएको भन्दै स्वागत गरेका छन् । कानुनअनुसार सेप्टेम्बर २०२६ देखि १५ वर्षमुनिका बालबालिकाले नयाँ सामाजिक सञ्जाल खाता खोल्न पाउने छैनन् । नयाँ खाता खोल्ने सबैले उमेर प्रमाणित गर्नुपर्नेछ । त्यस्तै, जनवरी २०२७ देखि यो नियम सबै विद्यमान खातामा पनि लागू हुनेछ । त्यसपछि फ्रान्समा सामाजिक सञ्जाल प्रयोग गर्ने प्रत्येक व्यक्तिले आफू १५ वर्ष वा सोभन्दा माथिको भएको प्रमाणित गर्नुपर्नेछ । सामाजिक सञ्जाल कम्पनीहरूले फ्रान्सको गोपनीयता नियामक निकायबाट स्वीकृत उम...

नेपालअखबार, काठमाडौं । प्रहरी हुँ भन्दै धम्क्याउने व्यक्ति वाकिटकी र पत्रकार परिचयपत्रसहित पक्राउ गरेका छन् । पक्राउ पर्नेमा काठमाडौं महानगरपालिका–३ घर भएका ४७ वर्षीय शैलेश डंगोल छन् । उनीबाट प्रभाव दैनिकको नवीकरण नगरेको पत्रकार परिचयपत्र र वाकिटकी बरामद भएको जिल्ला प्रहरी परिसर काठमाडौंका एसपी पवनकुमार भट्टराईले बताए ।बुधबार राति साढे ९ बजेतिर काठमाडौं–३२ को फुटबल ग्राउण्डमा धम्की दिएको भन्ने सूचना पाएपछि प्रहरीले उनलाई पक्राउ गरेको हो । उनीबाट प्रदेश ३–०१–०२३ च २५३० नम्बरको सवारी पनि बरामद भएको छ । उनीविरुद्ध ५ दिनको म्याद लिएर अनुसन्धान अघि बढाइएको प्रहरीले बताएको छ ।...

नेपालअखबार, काठमाडौं । संयुक्त अरब इमिरेट्स (युएई) लाई इरानी ड्रोन आक्रमणबाट जोगाउन इसराइलले अत्याधुनिक लेजर प्रणाली पठाएको खुलेको छ। अमेरिका र इसराइलले इरानमा आक्रमण गरेपछि इरानले युएई लगायत छिमेकी राष्ट्रहरूमाथि भीषण मिसाइल र ड्रोन आक्रमण गरेको थियो। सो आक्रमणबाट बचाउन इसराइलले लेजर सहितका अत्याधुनिक हतियार प्रणालीहरू पठाएको फाइनान्सियल टाइम्सले लेखेको छ। सन् २०२० मा अमेरिकी राष्ट्रपति डोनाल्ड ट्रम्पको मध्यस्थतामा गरिएको 'अब्राहम एकोर्ड्स' अघि यी दुई देशबीच औपचारिक कूटनीतिक सम्बन्ध समेत थिएन। अहिले भने इरानको हमलाबाट जोगाउन इसराइलले अत्याधुनिक हतियार प्रणालीहरू पठाएको हो। फाइनान्सियल टाइम्सका अनुसार इसराइलले 'स्पेक्ट्रो' नामक एउटा निगरानी प्रणाली तुरुन्तै पठाएको थियो।  यसले युएईलाई २० किलोमिटर टाढाबाटै आउँदै गरेका इरानी साहिद ड्रोनहरू पत्ता लगाउन मद्दत गर्‍यो। यसका साथै, इ...

नेपालअखबार, चितवन । चितवन र पर्सा राष्ट्रिय निकुञ्ज कम्प्लेक्समा बाघ गणनामा प्रयोग गरिएका ६० वटा क्यामरा हराएका छन्। चितवन राष्ट्रिय निकुञ्जका सूचना अधिकारी अविनास थापा मगरले ८५ क्यामेरामध्ये ६० वटा हराएका र २५ वटा बिग्रेका छन्। उनले चितवन र पर्सा राष्ट्रिय निकुञ्जमा एक हजार ७८० वटा क्यामेरा प्रयोग गरिएको बताए। गत पुस ३ गतेदेखि सुरू गरिएको बाघ गणना बिहीबार सम्पन्न भएको छ। थापा मगरका अनुसार दुई वटा राष्ट्रिय निकुञ्जलाई एउटा कम्प्लेक्स र एउटा कम्प्लेक्सलाई तीन ब्लकमा विभाजन गरी बाघ गणना गरिएको थियो। यस कम्प्लेक्सलाई ९५८ वटा ग्रिड बनाएर बाघ गणना गरिएको थियो। ती ग्रिडमा प्रयोग गरिएका क्यामेरामध्ये ८५ क्यामेरा समस्याग्रस्त भएका थापा मगरले बताए। उनका अनुसार एउटा ब्लकमा १७ रात क्यामेरा राखेर काम गरिएको हो। दुई वर्ग किलोमिटर क्षेत्रलाई एउटा ग्रिड बनाएर गणना गरिएको हो। यसअघि सन् २...

नेपालअखबार, गुल्मी । गुल्मी जिल्लाको विद्युत सेवालाई दीर्घकालीन रूपमा भरपर्दो, स्थिर र गुणस्तरीय बनाउने उद्देश्यले १३२ केभीका दुई महत्वपूर्ण सबस्टेशन सञ्चालनमा आएका छन् । जिल्लाको उनाएचौर र पौदीअमराईमा निर्माण सम्पन्न भई सञ्चालनमा आएका सबस्टेशनलाई गुल्मीका लागि ऊर्जा क्षेत्रको ऐतिहासिक उपलब्धि मानिएको छ । यसअघि बुटवलस्थित १३२ केभी लाइनबाट पाल्पा हुँदै गुल्मीमा विद्युत सेवा वितरण हुँदै आएको थियो । नेपालका कतिपय जिल्लामा अझै १३२ केभी प्रसारण लाइन नपुगेको अवस्थामा गुल्मीमा भने दुई स्थानमा उच्च क्षमताका सबस्टेशन सञ्चालनमा आउनु जिल्लाको ऊर्जा पूर्वाधार विकासको दृष्टिले सुखद पक्ष भएको नेपाल विद्युत प्राधिकरण गुल्मी वितरण प्रमुख मनोज अर्यालले बताए । ‘नयाँ १३२ केभी सबस्टेशन सञ्चालनमा आएसँगै जिल्लामा दीर्घकालीन रूपमा भरपर्दो विद्युत आपूर्ति सुनिश्चित भएको छ,’ उनले भने, ‘यसले विद्युत आपूर्तिको व...

नेपालअखबार,वासिङ्टन डीसी । अमेरिकी प्रशासनसँग लामो समयदेखि चल्दै आएको वार्तापछि टिकटकले आफ्नो अमेरिकी कारोबारलाई विश्वव्यापी व्यवसायबाट अलग गर्ने सम्झौता टुङ्गोमा पुर्‍याएको छ। टिकटकका अनुसार अमेरिकास्थित यसको सञ्चालनमा बहुमत हिस्सा अमेरिकी तथा अन्तर्राष्ट्रिय लगानीकर्तालाई बिक्री गरिएको छ। यसअनुसार सिल्भर लेक, ओराकल र एमजिएक्सले जनही १५ प्रतिशत सेयर लिने भएका छन्। यसबाहेक डेल फ्यामिली अफिस र भास्टेमेयर स्ट्राटेजिक इन्भेस्टमेन्ट्स पनि लगानीकर्ताका रूपमा सहभागी छन्। टिकटकले जारी गरेको वक्तव्यमा यो सम्झौताले २० करोडभन्दा बढी अमेरिकी प्रयोगकर्ता र ७५ लाखभन्दा बढी व्यवसायलाई टिकटकको प्रयोग निरन्तर गर्न सहज बनाउने बताइएको छ। “यसले प्रयोगकर्तालाई टिकटकको जीवन्त विश्वव्यापी समुदायमा सामग्री खोज्न, सिर्जना गर्न र फस्टाउन मद्दत गर्नेछ,” कम्पनीले भनेको छ। यो सम्झौताको मुख्य उद्देश्य टिकटकमा...

नेपालअखबार,काठमाडौं । निर्वाचन आयोगले प्रतिनिधिसभाको निर्वाचनलाई स्वच्छ र मर्यादित बनाउने उद्देश्यका साथ सामाजिक सञ्जालमा हुने गतिविधिलाई पनि आचारसंहिताको दायरामा ल्याएको छ । प्रतिनिधिसभाको निर्वाचन आगामी फागुन २१ गते हुँदैछ । आयोगका अनुसार आचारसंहितामा निर्वाचनाई प्रतिकूल प्रभाव पार्ने उद्देश्यका साथ कोही कसैले पनि सामाजिक सञ्जालमा एकाउन्ट सञ्चालन गर्न वा नक्कली साइट खोल्न नपाइने व्यवस्था गरिएको छ । आचारसंहिताले सामाजिक सञ्जालमा ‘आर्टिफिसियल इन्टिलिजेन्स’ (एआई) को प्रयोग गरी वा नगरी निर्वाचनलाई प्रभाव पार्ने उद्देश्यका साथ होच्याउने, दुष्प्रचार गर्ने काम गर्न नपाउने प्रबन्ध गरेको छ । त्यस्तै, भ्रामक सूचना सम्प्रेषण गर्ने, अपमान गर्ने, द्वेषपूर्ण भाषणजस्ता भ्रामक टीकाटिप्पणी गर्न वा गराउन नपाइने व्यवस्था आचारसंहितामा समावेश गरिएको छ । त्यसैगरी, कुनै प्रयोजनका लागि  प्रकाशन वा प्रस...

नेपालअखबार, दार्चुला । दार्चुलाको व्यास गाउँपालिका–१ छाङरुमा सौर्य ऊर्जामार्फत विद्युत् आपूर्ति सुरु गरिएको छ । वैकल्पिक ऊर्जा प्रवर्द्धन केन्द्रको सहयोग र स्थानीय उपभोक्ताको श्रमदानमा निर्माण गरिएको ५३ किलोवाट क्षमताको सौर्य मिनिग्रिडबाट १२० परिवार लाभान्वित भएका छन् । मिनिग्रिड सञ्चालनमा आएसँगै १२० परिवार, तीन व्यावसायिक फर्म र चार वटा सरकारी कार्यालयमा विद्युत् सेवा पुगेको व्यास–१ का वडाध्यक्ष अशोकसिंह बोहराले जानकारी दिए । उक्त सौर्य मिनिग्रिड सञ्चालनमा आएपछि स्थानीयले नियमित रूपमा विद्युत् प्रयोग गर्न पाएका छन् । चिसो मौसमका कारण ब्याट्रीका लागि बेलुका ९–१० बजेदेखि राति २ बजेसम्म विद्युत् आपूर्ति बन्द गरिने वडाध्यक्ष बोहराले जानकारी दिए । मिनिग्रेडबाट उत्पादित विद्युत् वितरणका लागि एक दशमलव ११३ किलोमिटर ‘थ्रीफेज’ र ४३२ मिटर ‘सिङ्गलफेज’ प्रसारण लाइन निर्माण गरिएको छ । सशस्त्र ...