दाङमा एकै परिवारका ८ जनालाई कोरोना संक्रमण

नेपाल अखबार, दाङ। दाङमा एकै परिवारका ८ सहित १४ जनामा कोरोना संक्रमण पुष्टि भएको छ।
राप्ती स्वास्थ्य विज्ञान प्रतिष्ठानमा गरिएको स्वाब परीक्षणमा शान्तिनगर गाउँपालिका वडा नम्बर ४ का एकै परिवारका ८ सहित ९ जना, शान्तिनगर–३ का एक जना र शान्तिनगर–५ का एक जनामा कारोना संक्रमण पुष्टि भएको हाे।
गाउँपालिकाका स्वास्थ्य शाखा संयोजक हरि पुनका अनुसार संक्रमितमा ५ वर्षका बालकदेखि ४२ वर्षसम्म उमेरका छन्। शान्तिनगरका संक्रमित सबै यही भदौ २ गते भारतबाट आएर क्वारेन्टिनमा बसेका थिए।

Advertisement