नेपालअखबार, काठमाडौं । नेकपा एकीकृत समाजवादीले केन्द्रीय समिति बैठक बोलाएकोक छ । यही माघ २१ र २२ गते बस्नेगरी बैठक बोलाएको पार्टीद्वारा जारी अन्तर संगठन निर्देशिका ३ मा उल्लेख छ ।
बैठकको कार्यसुचीमा निर्वाचन समीक्षा प्रतिवेदनमाथि छलफल, समसामयिक प्रस्तावर विविध रहेको जनाइएको छ । पार्टीका महासचिव डा. बेदुराम भुसालद्वारा जारी अपानी ३ मा पार्टी तथा संगठनका कमिटीहरु अद्यावधिक गर्ने,सदस्यता नवीकरण तथा वितरण गर्ने,पार्टी कमिटी गठन हुन बाँकी रहेका पालिका तथा विशेष इलाकाहरुमा २०७९ चैत मसान्तभित्र कमिटी गठन गर्ने निर्देशन गरिएको छ ।
त्यस्तै सवै वडाहरुमा २०८० वैशाख १५, पालिका अधिवेशन वैशाख मसान्तभित्र २०८० जेठ मसान्तभित्र सबै जिल्लामा जिल्ला अधिवेशन तथा २०८० कात्तिक मसान्तभित्र सबै प्रदेशमा प्रदेश अधिवेशन गर्न पार्टीले निर्देशन दिएको थियो ।
त्यसैगरी आगामी फागुन मसान्तभित्र सबै जनवर्गीय, पेशागत र सामुदायिक सङ्गठनका जिल्ला सम्मेलनर अधिवेशन, चैत मसान्तभित्र सबै जनवर्गीय, पेशागत र सामुदायिक सङ्गठनका प्रदेश सम्मेलनरअधिवेशन गरिसक्न भनेको निर्देशन दिएको छ ।