मौसम सुधारसँगै आन्तरिक उडान नियमित

नेपालअखबार, काठमाडौं । काठमाडौंको मौसममा केही सुधार देखिएसँगै आन्तरिक उडान पुन: सुरू भएको त्रिभुवन अन्तर्राष्ट्रिय विमानस्थलले जनाएको छ।

यतिबेला विभिन्न विमानस्थलमा रोकिएका जहाजले यात्रु लिएर काठमाडौंका लागि उडान गरिरहेको विमानस्थलका प्रवक्ता रिन्जी शेर्पाले बताए।

उनका अनुसार मौसम खराब नभएमा अब नियमित उडान हुनेछ।

खराब मौसमका कारण शनिबार बिहानैदेखि आन्तरिक उडान बन्द गरिएको थियो।