५० हजार घुस लिएको आरोपमा इन्सपेक्टरविरुद्ध भ्रष्टाचारको मुद्दा

सेवाग्राहीको उजुरीको आधारमा आयोगको टोलीले प्रहरी निरीक्षक कार्की र कानुन व्यवसायी विष्टलाई ५० हजार रुपैयाँ घुस लिइसकेको अवस्थामा नियन्त्रणमा लिएर अनुसन्धान अघि बढाएको थियो । अनुसन्धानको क्रममा प्रहरी निरीक्षक कार्कीले कानुन व्यवसायी हिमालय बिक्रम विष्टमार्फत सेवाग्राहीसँग घुस लिएको दाबी अख्तियारले गरेको छ ।
जबरजस्ती करणी मुद्दामा अनुसन्धान अधिकृत तोकिएका प्रहरी निरीक्षक कार्कीलाई कानुन व्यवसायी विष्टले घुस लिन मन्जुरी गराएको भन्दै आयोगले उनीविरुद्ध पनि ५० हजार मागदाबीसहित मुद्दा दायर गरेको आयोगका प्रवक्ता प्रदीपकुमार कोइरालाले जानकारी दिए ।