समानुपातिकतर्फ सूची बुझाउने समय सार्न कांग्रेस सहमहामन्त्री यादवको प्रस्ताव

नेपालअखबार,काठमाडौं । नेपाली कांग्रेसका सहमहामन्त्री महेन्द्र यादवले प्रतिनिधि सभा समानुपातिक बन्द सूची बुझाउने कार्यतालिका हेरफेर गर्न प्रस्ताव गरेका छन्।

बालुवाटारमा आज प्रधानमन्त्री र निर्वाचन आयोगसहित सरोकारवालाहरूको छलफलमा सहमहामन्त्री यादवले समानुपातिक उम्मदेवारको बन्द सूची पेस गर्ने समय केही दिन पर सार्न आग्रह गरेका हुन्।

‘समानुपातिकको समय पुस १३ र १४ गतेका लागि छ, यो समय अपुग भयो। त्यसलाई दुई चार दिन पर सार्नुपर्छ,’ उनले भने, ‘तर फागुन २१ को निर्वाचन सोही मितिमा हुनुपर्छ।’्