नेपालअखबार,काठमाडौं । नेपाली कम्युनिस्ट पार्टीका प्रमुख सचेतक युवराज दुलालले प्रधानमन्त्री बालेन शाहले संसद्लाई अपमान गरेको भन्दै खेद प्रकट गरेका छन् ।
प्रतिनिधिसभाको बैठकमा विशेष समयमा बोल्दै उनले राष्ट्रसंघको ८१ औं महासभामा देशको प्रतिनिधित्व गर्दै प्रधानमन्त्री बालेन शाह गएको स्मरण गरे ।
महासभामा प्रधानमन्त्री बालेनले देशको साझा राष्ट्रिय एजेण्डाहरू, हिमालमा जलवायु परिवर्तनको प्रभाव र भोटेकोशी त्रिशुली नदीमा आएको हिमालयन सुनामी र त्यसले पुराएको क्षति, जलवायु न्याय, अनुदानमा आधारित अन्तर्राष्ट्रिय सहयोग लगायतका विषयमा प्रस्तवहरू राखे ।
यसप्रति नेकपाका प्रमुख सचेतक दुलालले प्रधानमन्त्री शाह र सरकारलाई धन्यवाद दिए । तर यसबारे संसद्लाई कुनै जानकारी दिएनन् । यसप्रति सांसद दुलालले संसद्मै खेद प्रकट गरेका हुन् । ‘तर महासभामा जानु अघि र आए पछि संसदलाई जानकारी नगराएर प्रधानमन्त्रीले व्यवस्थापिकालाई गरेको अपमानप्रति खेद प्रकट गर्दछु,’ उनले भने ।
सांसद दुलाललका अनुसार, चाडपर्व नजिकिंदै गर्दा यतिबेला शुभकामना दिनसक्ने अवस्था छैन । भोटेकोशी बाढी र अन्य बाढी पहिरोका कारण सयौं नेपालीले ज्यान गुमाएका छन् र हजारौं नागरिक अझै बेपत्ताको सूचीमा छन् । जसलाई व्यवहारिक रुपमा मृत्यु स्वीकार गरिसकिएको छ ।
‘तर ती बेपत्ता नागरिकलाइ मृतक सरह कानुनी हैसियत प्रदान गर्न किन हिचकिचाहट र ढिलाइ ?,’ सरकारलाई उनको प्रश्न छ ।
यहाँनेर उनले सरकारसँग चार वटा माग राखे ।
· शिक्षक र स्कृल गुमाएका बालबालिकालेशिक्षक र स्कृल पाउन र पढ्न पाउन,
· अभिभावक गुमाएका बालबालिकाले सरकार अभिभावक रहेछ भन्ने अनुभूती गरुन्,
· छाना गुमाएका नागरिकले छाना पाउन, पीडित नागरिकले दाताले पठाएका दाना र नाना पाउन्,
· सामान गोदाममा कुहिएको र रकम प्रधानमन्त्री राहत कोषमै रोकिएको समाचार नआउन् । यो कानुन र त्यो कानुनले मिलेन भन्ने जवाफ नपाउन् ।
सरकारलाई उनले विगतमा आएका प्राकृतिक विपद् र त्यसबेला तत्कालीन सरकारले गरेका काम स्मरढा गरेर अगाडि बढ्न पनि सुझाए ।
साथै, सरकारलाई सुशासनको मार्गम हिंड्न आग्रह गरे ।
तत्कालीन प्रधानमन्त्री प्रचण्डको अनुभव, अध्ययन, परिपक्व तयारी र राष्ट्रिय आवश्यकतालाई मध्यनजर गरी योजनावद्ध तरिकाले भ्रष्टाचारसँग सम्बन्धित मुदा माथि छानविनको प्रक्रिया अगाडि बढाउँदै गर्दा उक्त सरकार ढालिएको उनले बताए । त्यसबाट पनि पाठ सिक्न सुझाए ।
‘भ्रष्टाचारका बलिया आधार सहितका फाइलहरू यो सरकारले खोलोस्, आफ्नो सरकार फाइल खोल्न नसक्ने, राज्यशक्तिको दुरुपयोग गरेर स्टण्ट गर्दै सरकार त गर्न खोज्दै थियो नि त भन्ने भ्रम सिर्जना गर्ने अनि सांसदहरू संसदमा कराएर जनतालाई भ्रमित पार्ने कार्य नहोस्,’ उनले भने ।
विधि सम्मत भ्रष्टचारीलाई कानुनी कार्वाहीको दायरामा ल्याउन माग गरे ।
यहाँनेर रास्वपा सभापति रवि लामिछानेले गत फागुन २१ को चुनाव अघि गरेको भाषण स्मरण गरे ।
‘बहुतै चर्चित र कर्णप्रीय थियोे भाषण थियो– के आशा छ जनताको ? के मागेका छन् जनताले ? बत्ति पाउँ, पानी पाउँ, सडक पाउँ, पढ्न पाउँ, उपचार पाउँ, के आशा छ जनताको ? यो पनि कुनै माग हो, २१ आंैं शताब्दिमा ?’ यो सम्झने कोशिष होस्,’ दुलालले भने, ‘सरकारवादी साथीहरूलाई आफ्नै जस्तो लाग्यो भने अन्यथा मान्नु पर्दैन । तपाईं सहि हुनुहुन्छ ।’
जनताको वर्तमान अवस्था र मनस्थितिबारे समाजमा प्रश्नहरू रहेको भनेर उनले यहाँनेर पनि साँत बुँदा सम्झिए ।
· जनताले भोगेकोआधा सिलिण्डर ग्याँसको पर्खाइको लामो लाइन सुनाउँ कि, त्रिपुरेश्वरै ढाकिएको पासपोर्ट लिने युवाको लाइन ?
· अस्पतालको लाईन सुनाउँ कि, रासायनिक मल लिन पर्खेका किसानको लाइन ?
· आकासिएको महंगि सुनाउँ कि,बेरोजगार युवाको वैदेशिक पलायन ?
· शिक्षा र स्वास्थ्यमा लगाएको कर सुनाउँ कि, घरयासी विजुलीको विलमा लगाएको भ्याट?
· मिडियाका गेट छेकेका गाडी काण्ड सुनाउँ कि, मध्यरातमा गरिएका गैरकानूनि गिरफ्तारी ?
· वा सुनाउँ, होल्डिंग सेल्टरका सुकुम्बासी नागरिकका हृदय विदारक कारुणिक व्यथा ?
· संसदको चालू अधिवेशन अन्त्य सँगै निर्वाचन क्षेत्र जाँदै छौं, जनतालाई के सुनाउँ ?