ने पाल अखबार, पाेखरा। पोखरा महानगरपालिमा थप ३ जनामा कोरोना भाइरस संक्रमण पुष्टि भएको छ । स्वास्थ्य निर्देशनालयका अनुसार पोखरा महानगरपालिका वडा नम्बर ५ का १४ वर्षीय बालक तथा १६ वर्षीय युवतीमा कोरोना संक्रमण पुष्टि भएको हो । त्यस्तै वडा नम्बर ८ का ४२ वर्षीय १ पुरुषमा समेत कोरोना भाइरस संक्रमण पुष्टि भएको छ ।
प्रदेश क्षयरोग केन्द्र पोखरामा गरिएको परीक्षणका क्रममा तनहुँको भानु नगरपालिकाका २ जना पुरुषमा कोरोना संक्रमण पुष्टि भएको छ । उनीहरु २८ र ३७ वर्षीय छन् ।
संक्रमित सबैलाई सम्बन्धित जिल्लाका आइसोलेसन कक्षमा लैजाने तयारी भइरहेको छ । योसंगै गण्डकी प्रदेशमा कोरोना संक्रमितको कुल संख्या १ हजार ८ सय १८ पुगेको छ ।