नेपाल अखबार, पोखरा । स्वास्थ्य निर्देशनालय गण्डकीले बिहीबार कास्कीको पोखरा महानगरका ४ जनासहित गण्डकी प्रदेशमा थप २३ जनामा कोरोना भाइरस देखिएको जनाएको छ ।
निर्देशनालयले बिहीबार बिहान पोखरा महानगरका ९ का ३५ वर्षीय पुरुष, पोखरा १० की २० वर्षीया महिला, पोखरा १५ का २९ वर्षीय पुरुष तथा पोखरा २० की २३ वर्षीया महिलामा कोरोना देखिएको जनाएको हो ।
त्यस्तै गोरखा अजिरकोट र वारपाकका ३० वर्षीया महिला र ५४ वर्षीय पुरुष, बागलुङ तमानखोलाका २३ वर्षीय पुरुष, बागलुङ ६ , १० र १३ का ३७ , १९ र ५९ वर्षका पुरुष, तनहुँ आबुखैरेनीकी ३९ वर्षीया महिला एवं नवलपुर देबचुली, गैंडाकोट र मध्यबिन्दु का ५ पुरुष तथा ७ महिलामा कोरोना पुष्टि भएको निर्देशनालयले जनाएको छ ।
याे सँगै गण्डकी प्रदेशमा कोरोना संक्रमितको संख्या ३ हजार २ सय १ पुगेको छ ।
