राजनीतिविचारसमाचार

जातीय, धार्मिक तथा साँस्कृतिक विद्वेष फैलाउनेविरुद्ध उभिन अध्यक्ष नेपालको आह्वान

नेपालअखबार, काठमाडौं नेकपा (एकीकृत समाजवादी) का अध्यक्ष माधवकुमार नेपालले हालै धरानमा भएको घटनाले समस्त मुलुकबासीलाई चिन्तित तुल्याएको बताउनु भएको छ ।

बुधबार एक विज्ञप्ति जारी गर्दै नेपालले जातीय, भाषिक, धार्मिक तथा साँस्कृतिक विद्वेष फैलाउने कुनै प्रकारका गतिविधिबाट प्रभावित नहुन  आग्रह गर्नुभएको छ  । बरु त्यसका विरुद्ध उभिन, संयमित हुन र राष्ट्रिय एकतामा योगदान गर्न उहाँले आह्वान गर्नुभएको छ  ।

विज्ञप्तिमा भनिएको छ “जुनसुकै जाति, भाषा धर्म र संस्कृतिको अनुयायी भए पनि हामी सर्वप्रथम नेपाली हौं भन्ने गर्ववोध गर्दै सबै क्षेत्रमा उच्च स्तरको सहिष्णुता र सहकार्यको राष्ट्रिय एकतालाई समृद्ध गर्न आम जनसमुदायलाई हार्दिक अपिल गर्दछ,”  ।

उहाँले मुलुकमा विभाजित गर्ने कुनै पनि प्रयत्नलाई विगतमा नेपालीहरूले परास्त गर्दै आएको बताउँदै त्यसरी नै अहिले देखा परेका प्रवृतिलाई पनि  धरानवासी जनसमुदायताले धैर्यता र संयमका साथ सामना गर्ने भनिएको छ ।

the authoradmin