नेपालअखबार,कञ्चनपुर । कञ्चनपुरमा दोदा नदिमा पाैडी खेल्ने क्रममा डुबेर २ जनाको मृत्यु भएको छ।
बेलौरी नगरपालिका-५ को दोदा नदीमा शनिबार पौडी खेल्ने क्रममा डुबेर २ जनाको मृत्यु भएको छ भने २ जना घाइते भएका छन्।
बेलौरी -४ शान्तिपुरका १७ वर्षीय राजेन्द्र कुँवर र विजय कुँवरको मृत्यु भएको जिल्ला प्रहरी कार्यालय कञ्चनपुरका डीएसपी उमेश जोशीले जानकारी दिए।
यस्तै सोही ठाउँका समीर सुवेदी र शिशिर विष्ट घाइते भएका छन्।
घाइतेहरूको बेलौरीस्थित प्राथमिक स्वास्थ्य केन्द्रमा उपचार भइरहेको छ।