नेपालअखबार,पोखरा । बागलुङको बडिगाडमा पहिरोमा परेर घाइते भएकाको उद्धारका लागि हेलिकोप्टर त्यसतर्फ गएको छ । नेपाली सेनाको हेलिकोप्टर मंगलबार नै गएपनि मौसम प्रतिकुलताका कारण ल्याण्ड हुन नसकेर बागलुङ फर्किएको थियो ।
बुधबार बिहानै हेलिकोप्टर पुनः घटनास्थलतर्फ उडेको बागलुङ प्रहरीले जनाएको छ । केहीबेर अघि उडेको हेलिकोप्टर बडिगाडको थम्कामा ल्याण्ड भएको प्रहरीले जनाएको छ ।
बडिगाडको ९ र १० नम्बर वडाका छुट्टाछुट्टै दुर्घटनामा ८ जनाको मृत्यु भएको छ भने ४ जना बेपत्ता छन् । १० जना घाइते भएकामा केहीलाई उद्धार गरेर उपचारका लागि बुर्तिबाङ पठाइएको छ ।
