राजनीतिविचारसमाचार

आफूलाई प्रधानमन्त्रीबाट हटाउन ओली आफै कस्सिएर लाग्नुभएको छः लोहनी

Nepal Akhabar

नेपाल अखबार, काठमाडाैं। राप्रपा अध्यक्ष प्रकाशचन्द्र लोहनीले प्रधानमन्त्री पदबाट आफूलाई हटाउन प्रम केपी शर्मा ओली आफै प्रधानमन्त्री ओलीले कस्सिएर लागेको बताएका छन् । आइतबार नेपालको नयाँ नक्सा जारी गरेबापत आफूलाई हटाउन स्वदेशी तथा विदेशी मिलेर लागेको बताएका थिए ।
यसबारे जवाफ दिँदै लोहनीले सामाजिक सञ्जालमा लेखेका छन्, ‘विदेशी र स्वदेशी मिलेर नेपालको नयाँ नक्सा जारी गरे बापत तपाईंलाई हटाउने प्रयास हुँदैछ भन्ने तपाईंको आरोप पढियो । तपाईंको विश्लेषण गलत छ किनभने तपाईंलाई हटाउन तपाईं आफै कसिएर लाग्नुभएको छ, एकपटक शान्त भएर आफूले आफूलाई हेर्नुस् थाहा पाउनुहुनेछ ।’

‘ठीक कुरामा जनता र दलहरुले तपाईंलाई सधैँ साथ दिएका छन् । तपाईंले भद्र–भलादमी प्रतिपक्ष पाउनुभएको छ । नयाँ नक्साको बारेमा तपाईंको पार्टी र अन्य सबै पार्टी तथा आम नेपाली जनताले तपाईंलाई साथ दिएका छन् । विचार गर्नुस्, कुनै विदेशी को मुख हेरेको भए यो एकता सम्भव हुने थिएन,’ उनले लेखेका छन्, ‘संसदबाट सीमासम्बन्धि प्रस्ताव निर्विरोध पारित हुने थिएन । यो देख्दादेख्दै अरुलाई बिदेशीबाट सञ्चालित भन्नु तपाईंबाहेक अरु कोहि नेपालमा देसभक्त छैनन् भन्नु हो । यो भनाइ ले तपाई सबै नेपाली जनता को अपमान गर्दै हुनुहुन्छ । आफूबाहेक अरु सबैलाई विदेशी बाट संचालित छन् भन्ने दृष्टिकोण तपाईंको कम्जोर र हतास मनस्थिति को परिचय हो ।’
लोहनीका अनुसार श्री ३ शैलीको अधिनायकवादी र सर्वसत्तावादी संस्कार, भ्रष्टाचारलाई राजनीति को प्रमुख अंग सम्झने प्रवृत्ति र आफ्ना भारदारहरुलाई देस जति लुटे पनि लुट्न भने र छुट दिने तपाईंको नव सामन्ती प्रवृत्तिका कारण प्रधानमन्त्रीको विरोध भइरहेको हो ।
लाहनीका अनुसार प्रधानमन्त्रीका शुभ चिन्तकहरु पनि ओलीबाट देश चल्दैन भन्ने निचोडमा पुगिसकेका छन् ।साेत राताेपाटी
the authoradmin

Leave a Reply