इटलीकी प्रधानमन्त्री मेलोनीले भेटिन् ट्रम्प

मेलोनीले आफ्नो उद्देश्य ‘मेक द वेस्ट ग्रेट अगेन’ अर्थात् पश्चिमलाई पुनः महान बनाउने रहेको बताइन्।

२ अप्रिलमा अमेरिकी राष्ट्रपति ट्रम्पले विश्वका थुप्रै देशमाथि रेसिप्रोकल टैरिफ लगाउने घोषणा गरेका थिए।

ट्रम्पले चीनलाई छाडेर अन्य देशहरूलाई ९० दिनको अस्थायी बिराम लगाउँदै पारस्परिक भन्सार शुल्कलाई घटाएर १० प्रतिशत बनाएका छन्।

युरोपेली संघबाट आयात हुने सामानहरूमा २० प्रतिशत भन्सार शुल्क लगाउने र त्यसलाई ९० दिनका लागि रोक्ने निर्णयपछि मेलोनी अमेरिका भ्रमणमा जाने पहिली युरोपेली नेतृ बनेकी हुन्।