के छ भिडियोमा ?
सोसल मिडियामा भाइरल भिडियोमा कंगनाले भनेकी छिन्, ‘म घरबाट भागेको डेढ–दुई वर्षमा फिल्म स्टार बनेकी थिएँ, एक ड्रग एडिक्ट बनेकी थिएँ । मेरो जीवनमा धेरै कुरा चलिरहेका थिए । म यस्ता मानिसहरुको हातमा परेकी थिएँ जहाँ यस्ता प्रकारका खतरनाक कुरा मेरो जीवनमा चलिरहेको थियो ।’
एक प्रयोगकर्ताले भिडियो सेयर गरेः
“Main drug addict thi” pic.twitter.com/0m7GeVyde3
Advertisement
Advertisement
बलिउडमाथि लगाएकी थिइन् आरोपः
कंगनाको भिडियो यस्तो समय भाइरल भइरहेको छ जब उनले बलिउडमा भारी मात्रामा ड्रगको उपयोगको विषयमा आरोप लगाएकी थिइन् । केहि दिन अघि मात्रै कंगनाले ९९ प्रतिशत फिल्म इन्डष्ट्रि कोकिनको आडमा चलेको आरोेप लगाएकी थिइन् । नायिकाले रणवीर सिंह, रणबीर कपुर, विक्की कौशलजस्ता ठूला कलाकार र फिल्म निर्माता आयान मुखर्जीले आफ्नो रगत परीक्षण गर्नुपर्ने बताएका थिइन् ।
कंगनाले भनेकी थिइन्, ‘लागुऔषध कारोबारीसँग कुनै सम्बन्ध भए मुम्बई छोडिदिन्छु’
केहि दिन अघि कंगनाले ट्वीटरमा मुम्बई प्रहरीले उनको रगत परीक्षण गराओस् भनेकी थिइन् । यसो भए, उनी निकै खुसी हुने उनले बताएकी थिइन् । उनको कल रेकर्डको अनुसन्धान गरियोस् भनेर पनि इच्छा जताएकी थिइन् । यसमा उनले भनेकी थिइन्, ‘यदि मेरो लागुऔषध कारोबारीसँग कुनै सम्बन्ध निस्किए र यदि म गलत प्रमाणित हुन्छु भने म सधैंका लागि मुम्बई छोड्नेछु ।’
