नेपालअखबार, काठमाडौँ । सरकारसँग भौतिक पूर्वाधार तथा यातायात मन्त्रालयमा जारी वार्तामा यातायात मजदुर सङ्गठन र राष्ट्रिय यातायात व्यवसायी महासङ्घबीच आपसमा आरोप–प्रत्यारोप चलेको छ ।
अखिल नेपाल स्वतन्त्र मजदुर सङ्गठनका अध्यक्ष भीम ज्वालाले ल्होत्से मलको गुन्डागर्दी विरुद्धको आन्दोलन गरिएको बताएपछि यातायात व्यवसायी महासङ्घका अध्यक्ष विजय स्वाँरले हिजोको आन्दोलनको जिम्मा मजदुरले लिनु पर्ने बताएका थिए । त्यसपछि मजदुर र व्यवसायीबीच आरोप प्रत्यारोप चलेको थियो ।
Advertisement
महासङ्घले मजदुरले गरेको आन्दोलनका कारण सडकमा आतङ्क सृजना भएको आरोप लगाएको थियो । मजदुरहरूले भने व्यवसायीले मजदुरको सुरक्षामा ध्यान नदिएको आरोप लगाएका थिए ।
व्यवसायी र सरकारबीच यति वेला वार्ता जारी छ ।