अमेरिकाबाट फर्कँदा जहाजभित्रै अचेत भएका व्यक्तिको मृत्यु

नेपालअखबार,काठमाडौं ।अमेरिकाबाट नेपाल फर्किँदै गरेका एक व्यक्तिको मृत्यु भएको छ।

टर्किस एयरलाइन्सको जहाजमार्फत नेपाल फर्किएका गोरखाका ७३ वर्षीय श्यामहरि मरहट्टाको मृत्यु भएको हो।

आज बिहान अवतरण गरेको जहाजमा उनी अचेत भेटिएका थिए। उनलाई तत्काल अस्पताल पुर्‍याउँदा चिकित्सकले मृत घोषणा गरेको त्रिभुवन विमानस्थल कार्यालयका प्रवक्ता सञ्जय कुमारले जानकारी दिए।