नेपालअखबार,कैलाली । मोहन्याल गाउँपालिका -७ स्थित पितमारी खोलामा आएको बाढीले मोटरसाइकलसहित बगाएका एक जना चालकको सकुशल उद्धार गरिएको छ ।
Advertisement
अविरल वर्षासँगै पितमारी खोलामा आएको बाढीले सुर्खेतबाट कैलालीतर्फ आउँदै गरेका कैलाली बर्दगोरिया गाउँपालिका-२ बस्ने ३९ वर्षीय लौटन थारु चढेको से ४ प ८६७९ नम्बरको मोटरसाइकललाई बगाएको थियो ।
Advertisement
Advertisement
बिहीबार राति करिब २०:३० बजेको समयमा इलाका प्रहरी कार्यालय चिसापानी कैलालीबाट प्रहरी निरीक्षक मीरा खड्काको कमाण्डमा खटिएको प्रहरी टोलीले खोलाले बगाएर लैजाँदै गरेको अवस्थामा घटनास्थलभन्दा करिब १५० मिटर तल भिरालो खोलाबाट चालक थारुको तत्काल सकुशल उद्धार गरेको हो ।
Advertisement
उद्धार गरिएका थारुको ढाड र दाहिने कुइनामा सामान्य चोटपटक लागेको छ भने उनको समग्र स्वास्थ्य अवस्था सामान्य रहेको छ । उद्धार पश्चात् निजलाई आफन्तको जिम्मा लगाइएको छ ।