पोखराका २० जना सहित गण्डकी प्रदेशमा थप ४४ जनामा कोरोना भाइरस संक्रमण पुष्टि

नेपाल अखबार, पाेखरा। पोखराका २० जना सहित गण्डकी प्रदेशमा थप ४४ जनामा कोरोना भाइरस संक्रमण पुष्टि भएको छ ।
स्वास्थ्य निर्देशनालय गण्डकीका अनुसार कास्कीको पोखराका २० जना, स्याङजाका एक जना, तनहुँका दुई जना, लमजुङका १६ जना तथा नवलपुरका ५ जना गरि प्रदेशका ५ जिल्लाका थप ४४ जनामा कोरोना संक्रमण पुष्टि भएको हो ।
संक्रमण पुष्टि हुनेमा पोखरा महानगर वडा नं ५का ३५ वर्षीय पत्रकार, पोखरा ८ का ५६ वर्षीय पुरुष, १० की २८ वर्षीया महिला, १७ का २४ र २५ वर्षीय पुरुष तथा ३८ वर्षीया महिला, पोखरा २४ का ३८ वर्षीय पुरुष, पोखरा चरक मेमोरियलमा उपचाररत ३१ वर्षीय पुरुष र ७० वर्षीया महिला, गण्डकी मेडिकलमा उपचाररत ४१ र ८८ वर्षीय पुरुष तथा २६ वर्षीया महिला एवम भौतिक पूर्वाधार विकास मन्त्रालयमा कार्यरत २४, २९, ३६, ४६, ४७, ५० र ५२ वर्षीय पुरुष रहेका छन ।
त्यसै गरी स्याङजा कालीगण्डकीका ३३ वर्षीय पुरुष, तनहुं घिरिङ ४ का २० र ४३ वर्षीय पुरुष, नवलपुर विनयत्रिवेणीका १६ र ५५ वर्षीय पुरुष तथा २०, २३ र ३८ वर्षीया महिला, लमजुङ सुन्दर वजारका १९ महिनाका बालक देखि ५० वर्ष उमेर समुहका ८ पुरुष तथा २१ वर्ष देखि ५२ वर्ष उमेर समुहका ८ महिलामा कोरोना संक्रमण पुष्टि भएको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमण पुष्टि हुनेको संख्या ४ हजार ८ सय ४५ पुगेको छ ।