नेपालअखबार, पोखरा । मंसिर ४ गते हुने प्रतिनिधि सभा र प्रदेश सभा सदस्य निर्वाचनको माहौल तात्दै गएको छ । नेपालीहरुको दोस्रो महान पर्व तिहार नजिकिए पनि राजनीतिक दलका नेता तथा उम्मेदवारलाई भने आउँदो चुनावले व्यस्त बनाएको छ ।
यसैविच गण्डकी प्रदेश कास्की निर्वाचन क्षेत्र नम्बर १ (ख) का प्रदेश सभाका प्रत्यक्ष तर्फ नेकपा एमालेका उम्मेदवार वेदबहादुर गुरुङ (श्याम) र प्रदेश तर्फ एमालेको समानुपातिक उम्मेदवार नन्दाकला नेपालीले बुधवार पोखरा १० का मतदाताहरुका गुनासाहरु सुन्ने र स्थानिय समस्याहरु बुझ्ने गरेका छन् । उम्मेदवारद्धयले धेरै बोलेर भन्दा पनि काम गरेर देखाउने विश्वास व्यक्त गर्दै जनगुनासो सुन्ने गरेको बताएका छन् ।
यसक्रममा वडाबासीहरुले अहिलेदेखि नै उम्मेदवारलाई भोलिका काम र समस्या समाधानका लागि वाचा गराएका थिए । वडावासीहरु गुनासो सुनिदिने एमाले उम्मेदवार पाएकोमा खुशी देखिन्थे भने एमाले उम्मेदवारलाई जिताउने प्रतिवद्धता समेत जनाएका छन् ।
