समाजवाद
धोका र कपटसँग
साँठगाँठ गरेर
अपराध र स्वार्थका
विस्कुन सुकाएर
न्यायलाई काखी च्यापेर
वुट बजार्दैमा
आउँदैन समाजवाद ।
श्रम र पसिनाको
मूल्यसँगै स्वाभिमानमा
बाँच्न पाउनु विश्व भाइचाराको
नाता र सम्बन्ध गाँस्दै
स्वतन्त्रताको श्वास फेर्दै
हाँसीखुसी बाँच्नु र
रमाउनु हो समाजवाद ।
रोग शोक र भोकमा
कमिसनको व्यापर
शिक्षामा नवउद्धार
सबैखाले सामाजिक
विभेदको अन्त्यसँगै
समानतामा ढुकक
हुनु हो समाजवाद ।
