विश्व

नेपालअखबार, काठमाडौं । इसराइल र हमासबीच इजिप्टमा सोमबारदेखि जारी शान्ति वार्ता निष्कर्षमा पुगेको छैन। इजिप्टको शार्म एल शेखमा सोमबारदेखि अमेरिका, कतार, इजिप्ट र टर्कीको मध्यस्थतामा इसराइल र हमासबीच अप्रत्यक्ष वार्ता भइरहेको छ। मंगलबारसम्म सहमति हुन नसकेपछि अमेरिकी राष्ट्रपति डोनाल्ड ट्रम्पले आफ्ना मध्यपूर्व हेर्ने दूत स्टिभ विटकोफ र आफ्नो ज्वाइँसमेत रहेका यसअघिका मध्यपूर्व सल्लाहकार जारेड कुश्नरलाई इजिप्ट पठाउने भएका छन्। अमेरिकी पत्रिका न्यूयोर्क टाइम्सका अनुसार ह्वाइट हाउसका अधिकारी र इजिप्टका विदेशमन्त्री बद्र अब्देलतीले विटकोफ र कुश्नर वार्तामा सहभागी हुने पक्कापक्की भएको बताएका छन्। इसराइल र हमासबीच शान्ति वार्ताका लागि ट्रम्पले २० बुँदे प्रस्ताव तयार पारेका थिए। सेप्टेम्बर २९ मा ह्वाइट हाउस पुगेका इसराइली प्रधानमन्त्री बेन्जामिन नेतन्याहूलाई ट्रम्पले आफूले तयार पारेको प्र...

नेपालअखबार,कायरो । अमेरिकी राष्ट्रपति डोनाल्ड ट्रम्पको गाजा युद्धविराम योजनामा अन्तिम सहमति जुटाउन इजरायली र प्यालेस्टिनी वार्ताकारहरूबिच अप्रत्यक्ष वार्ता सोमबार साँझ इजिप्टमा सुरु भएको छ। अमेरिका, कतार, इजिप्ट र टर्कीका मध्यस्थकर्ताहरूको उपस्थितिमा यो वार्ता ‘केही दिन’ चल्ने अपेक्षा गरिएको छ। राष्ट्रपति ट्रम्पले वार्ता ‘छिटो अगाडि बढाउन’ आग्रह गरेका छन् र हमासले गाजामा सत्ता नछोडे ‘सफाया’ हुने चेतावनी दिएका छन्। ट्रम्पले शुक्रबार इजरायललाई गाजामा बमबारी रोक्न भने पनि त्यसयता १०० भन्दा बढी मानिस मारिएका छन्। गाजाका बासिन्दाहरूले युद्धविरामको आशाप्रति मिश्रित भावना व्यक्त गरेका छन्। इजिप्टको अल काहेरा न्यूजका अनुसार हमास र मध्यस्थकर्ताहरूबिचको वार्ता सकारात्मक माहोलमा शर्म अल-शेख मा जारी रहनेछ। अक्टोबर ७ को आक्रमणको दोस्रो वर्षगाँठमा बेलायती प्रधानमन्त्री कर स्टार्मरले बन्धकहरूको रि...

नेपालअखबार,काठमाडौं । सन् २०२४ को चिकित्सातर्फको नोबेल पुरस्कार तीन वैज्ञानिकलाई प्रदान गरिएको छ। शरीरको प्रतिरक्षा प्रणालीबारे अनुसन्धान गर्ने तीन वैज्ञानिकलाई चिकित्सातर्फको नोबेल पुरस्कार प्रदान गरिएको हो। उनीहरूमध्ये मरी ई. ब्रन्को र फ्रेड राम्सडेल अमेरिकाका हुन् भने शिमोन साकागुची जापानका हुन् । उनीहरूलाई शरीरको रक्षा प्रणाली (इम्युन सिस्टम) लाई अझ राम्ररी बुझ्न सहयोग पुर्‍याउने खोजका लागि यो पुरस्कार दिइएको हो। ब्रन्को सिस्टम्स बायोलोजी इन्स्टिच्युट, सिएटल अमेरिकाकी हुन् भने फ्रेड राम्सडेल सोनामा बायोथेराप्युटिक्स, सान फ्रान्सिस्कोका हुन् । त्यस्तै, शिमोन साकागुची ओसाका विश्वविद्यालय, ओसाका, जापानसँग आबद्ध छन् । उनीहरूलाई ‘पेरिफेरल इम्युन टोलेरेन्स’ मा महत्वपूर्ण अनुसन्धानका लागि यस वर्षको चिकित्सातर्फ नोबेल पुरस्कार प्रदान गरिएको हो। उनीहरूको अनुसन्धानले प्रतिरो...

नेपालअखबार,काठमाडौं । अमेरिकी राष्ट्रपति डोनाल्ड ट्रम्पले हमासलाई आफ्नो गाजा युद्धविराम प्रस्तावमा प्रतिक्रिया दिन ‘तीन वा चार दिन’ मात्र समय दिइएको बताएका छन्। उनका अनुसार इजरायली र अरब नेताहरूले पहिले नै यो योजना स्वीकार गरिसकेका छन् । मंगलबार ह्वाइट हाउसमा पत्रकारसँग कुरा गर्दै ट्रम्पले भने, ‘हमासले यो स्वीकार्न पनि सक्छ र नस्वीकार्न पनि । नस्वीकारे दुःखद अन्त हुनेछ।’ प्रस्तावमा वार्ताको ठाउँ छ कि भन्ने प्रश्नमा उनले भने, ‘धेरै छैन ।’ ट्रम्पले सोमबार वाशिङ्टन डीसीमा भेट भएका इजरायली प्रधानमन्त्री बेन्जामिन नेतन्याहूलाई योजना स्वीकार गरेकोमा धन्यवाद पनि दिए । यो टिप्पणी ह्वाइट हाउसले सार्वजनिक गरेको २० बुँदे दस्तावेजपछि आएको हो, जसमा गाजामा तत्काल युद्धविराम, हमासको कब्जामा रहेका इजरायली बन्दी र इजरायली जेलमा रहेका प्यालेस्टिनीबीच साटफेर र चरणबद्ध इजरायली फिर्ता लगायतका बु...

नेपालअखबार,काठमाडौं । इजरायलका प्रधानमन्त्री बेन्जामिन नेतन्याहूले आफ्नो पछिल्लो वक्तव्यमा इजरायली सेनालाई गाजाबाट फिर्ता नबोलाउने बताएका छन् । ह्वाइट हाउस भ्रमणपछि नेतन्याहूको एक भिडियो टेलिग्राममार्फत सार्वजनिक गरिएको छ। उक्त भिडियोमा उनले इजरायली सेनालाई गाजाबाट फिर्ता बोलाउन दबाब दिइरहेका शक्तिहरूलाई निसाना बनाउँदै उनीहरू लक्षित आक्रामक अभिव्यक्ति दिएका हुन् । ‘उनीहरूले हामीले हमासका शर्तहरू मान्नुपर्छ भनेर पटक–पटक भन्छन् । आईडीएफ (इजरायली डिफेन्स फोर्सेस) बाहिर निस्कनुपर्छ र हमास फेरि उठ्न सक्छ तथा गाजा पट्टीलाई पुनःनिर्माण गर्न सक्छ।’ उनले थपे, ‘त्यस्तो हुने छैन ।’ सोमबार ह्वाइट हाउसमा ट्रम्प र नेतन्याहूबीच भेट भएको थियो। उक्त बैठकमा दुवै नेताले गाजामा शान्तिका लागि ट्रम्पको २० सूत्रीय योजनामाथि छलफल गरेका थिए । यस योजनामा इजरायली प्रधानमन्त्रीले सहमति जनाइसकेका छन्, तर हमासले भ...

नेपालअखबार, काठमाडौँ । गजामा झन्डै दुई वर्षदेखि चलेको युद्ध अन्त्य गर्नका लागि अन्ततः अमेरिकी राष्ट्रपति डोनाल्ड ट्रम्पले इसराइली प्रधानमन्त्री बेन्जामिन नेतन्याहूलाई मनाएका छन्। ट्रम्पको सो योजनालाई हमासले स्वीकार गर्छ कि गर्दैन भन्ने अझै टुंगो छैन। ह्वाइट हाउसमा सोमबार नेतन्याहूसँग कुरा गरेपछि आयोजित संयुक्त पत्रकार सम्मेलनमा बोल्दै ट्रम्पले प्यालेस्टिनी भूभागका लागि शान्ति सम्झौताको ‘ज्यादै भन्दा पनि अझ नजिक’ पुगेको घोषणा गरेका छन्। हमासलाई सो योजनालाई अस्वीकार गरे इसराइलले आवश्यक जस्तोसुकै कदम चाले पनि अमेरिकाको पूर्ण समर्थन रहने चेतावनी पनि उनले दिएका छन्। ट्रम्पले जारी गरेको सो २०-बुँदे दस्तावेजमा तत्काल युद्धविराम, हमासले राखेका सबै बन्धकहरूको सट्टामा इसराइलले राखेका प्यालेस्टिनी कैदीहरूको आदानप्रदान, गजाबाट इसराइली सेनाको चरणबद्ध फिर्ती, हमासको निरस्त्रीकरण र एउटा अन्तर्रा...

नेपालअखबार,काठमाडौं । दक्षिण अमेरिकी मुलुक पेरूका जेनजी भ्रष्टाचारविरुद्ध सडकमा उत्रिएका छन्। सेप्टेम्बर २७ मा राजधानी लिमामा हजारौं युवाले राष्ट्रपति दीना बोलुआर्तेविरुद्ध नाराबाजी गर्दै विरोध प्रदर्शन गरेका छन् । प्रदर्शनका क्रममा प्रहरी र प्रदर्शनकारीबीच झडप भएको छ । प्रहरीले प्रदर्शनकारीमाथि लाठीचार्जसँगै अश्रुग्यास पनि प्रहार गरेको छ । जवाफमा युवाहरूले ढुंगा प्रहार गरेका छन् । कतिपय युवाले लाठीचार्जको विरोधमा आगजनी गरेका छन् । आन्दोलन सेप्टेम्बर २० मा पेन्सन प्रणालीमा गरिएका परिवर्तनपछि सुरु भएको हो। नयाँ नियमअनुसार, पेरूमा १८ वर्ष पूरा गरेका हरेक व्यक्तिले कुनै न कुनै पेन्सन कम्पनी/संस्थासँग जोडिनैपर्ने हुन्छ। यसबाहेक, राष्ट्रपति बोलुआर्ते र संसदविरुद्ध लामो समयदेखि जनअसन्तोष बढिरहेको छ। जेनजीले यस आन्दोलनका लागि जापानी एनिमे वन पिसको क्यारेक्टर ‘लूफी’लाई आफ्नो आदर्श बनाएका ...

नेपालअखबार,काठमाडौँ । इजरायली प्रधानमन्त्री बेन्जामिन नेतन्याहूले गाजामा हमाससँग युद्धविराम प्रस्तावमा इजरायल गम्भीरतापूर्वक विचार गरिरहेको बताएका छन् । यो वक्तव्य अमेरिकी राष्ट्रपति डोनाल्ड ट्रम्पसँगको भेटको एक दिन अघि आएको हो। उनले भने, 'हामी युद्धविराम प्रस्तावमा काम गरिरहेका छौं । यसलाई अझै अन्तिम रूप दिइएको छैन तर हामी राष्ट्रपति ट्रम्पको टोलीसँग यसमा काम गरिरहेका छौं ।' नेतन्याहूले प्रस्तावको विस्तृत विवरण सार्वजनिक गरेका छैनन्। गाजाको स्वास्थ्य मन्त्रालयका अनुसार द्वन्द्वमा अहिलेसम्म ६६ हजार जनाको मृत्यु भइसकेको छ। इजरायलको हालैको आक्रमणपछि नेतन्याहूको सरकारमाथि युद्धविरामको लागि अन्तर्राष्ट्रिय दबाब निरन्तर बढिरहेको छ। यो २१ बुँदे शान्ति सम्झौतामा अरब देशका अधिकारीहरूसँग पनि छलफल भएको छ। सम्झौतामा ४८ घण्टा भित्र सबै इजरायली बन्धकहरूको रिहाइ र गाजाबाट इजरायली सेनाको पूर्ण फ...

नेपालअखबार,वासिङ्टन डीसी । संयुक्त राष्ट्रसङ्घले गाजा क्षेत्रमा इजरायली सेनाले हरेक आठदेखि नौ मिनेटको अन्तरालमा आक्रमण गर्दै आएकाले सर्वसाधारणमा ठूलो मानवीय संकट उत्पन्न भएको जनाएको छ । संयुक्त राष्ट्रसङ्घीय मानविय सहायता समन्वय कार्यालय (ओसिएचए) ले दिएको जानकारी अनुसार, पछिल्ला २४ घण्टाभित्र गाजा सहरमा बारम्बार हवाई आक्रमण, तोपगोलाबारी, हेलिकप्टर तथा अन्य यन्त्रबाट आक्रमण भएको छ । साथै, राहत सामग्रीको प्रतीक्षामा रहेका निर्दोष नागरिकहरूमाथि गोली प्रहारसमेत गरिएको छ । यस आक्रमणमा हालसम्म दर्जनौं नागरिकको ज्यान गएको र दुई सयभन्दा बढी घाइते भएका छन् । गाजा सहरबाट ज्यान जोगाउँदै भाग्ने मानिसहरू दक्षिण गाजातर्फ सरेका छन् । ओसिएचएका अनुसार, पछिल्लो समय करिब १६ हजार ५ सय व्यक्तिहरू उत्तर गाजाबाट विस्थापित भएका छन् । तर, दक्षिण गाजाको अवस्थासमेत अत्यन्तै दयनीय रहेको छ । गाजा सहरमा अझै पन...

नेपालअखबार,न्यूयोर्क । पाकिस्तानका प्रधानमन्त्री शहबाज शरीफले अमेरिकी राष्ट्रपति डोनाल्ड ट्रम्पले भारतसँग युद्ध रोक्न निर्णायक भूमिका खेलेको बताएका छन् । संयुक्त राष्ट्र महासभालाई सम्बोधन गर्दै भारत-पाकिस्तानबीच युद्ध रोक्ने श्रेय ट्रम्पलाई जाने बताएका हुन् । उठाएर उनलाई नोबेल पुरस्कार नै दिनुपर्ने बताएका छन् । ‘यदि अमेरिकी राष्ट्रपति ट्रम्पले भारत-पाकिस्तान तनावमा दखल दिएका नभए युद्धको परिणाम विनाशकारी हुन सक्थ्यो’,  शरीफले भने, ‘त्यसैले भारत-पाकिस्तानबीच युद्ध रोक्न ट्रम्प नोबेल शान्ति पुरस्कारका योग्य छन् ।’ भारतले पहलगाम घटनालाई राजनीतिक रूपमा प्रयोग गरेको आरोप लगाउँदै शरीफले पाकिस्तानका संस्थापक मोहम्मद अली जिन्नाको दृष्टिकोणअनुसार सबै विषय वार्ता र संवादमार्फत समाधान गर्न इच्छुक रहेको बताए । उनले भने, ‘पाकिस्तान बाहिरी आक्रमणबाट आफ्नो पूर्ण रक्षा गर्नेछ। युद्धमा हामीले जित हासिल...