समाचार

नेपालअखबार, मकवानपुर । मकवानपुरका स्थानीयवासीले बाढी प्रभावित जिल्लामा गएका ४० जनाको अवस्था बुझिदिन जिल्ला प्रशासन कार्यालयमा आग्रह गरेका छन् । जिल्लाका विभिन्न स्थानबाट उक्त क्षेत्रमा गएका तर सम्पर्क हुन नसकेका आफ्ना आफन्तहरू बारे बुझिदिन स्थानीयवासीले प्रशासनसँग अनुरोध गरेको प्रमुख जिल्ला अधिकारी बसन्त अधिकारीले जानकारी दिए । “उक्त क्षेत्रमा मकवानपुर स्थायी बसोबास भई गोसाइकुण्ड लगायत स्थानमा दर्शन गर्न तथा घुम्न गएका, उक्त क्षेत्रमा सवारी साधन चलाउँदै आएका तथा अन्य विभिन्न पेशामा आवद्ध ४० जना व्यक्तिका सम्बन्धमा आफन्तहरूले सम्पर्क हुन नसकेको जनाउँदै प्रशासनमा बुझिदिन अनुरोध गर्नुभएको छ”, उनले भने, “उक्त क्षेत्रमा सहज सञ्चार सम्पर्क नभएका कारण कतिपयको अवस्था जानकारी नभएको पनि हुनसक्छ, हामीले अनुरोध भए अनुसार सम्बन्धित निकायसँग बुझ्ने प्रयास गरिरहेका छौं ।”हेटौंडा प्रदेशको राजधानी समेत ...

नेपालअखबार, काठमाडौं । अप्रत्यासित रूपमा भोटेकोशीमा आएको बाढीले रसुवा र नुवाकोटका ८ विद्यालयमा क्षति पुगेको छ । ती मध्ये ७ वटा विद्यालय रसुवाका छन् । रसुवाको गोसाईकुण्ड गाउँपालिका विद्यालयमा सर्वाधिक क्षति पुगेको छ । गोसाईकुण्डा गाउँपालिका टिमुरेस्थित टिमुरे सामुदायिक विद्यालयको भवन ठूलो क्षति भएको छ । रसुवाकै उत्तरगया गाउँपालिकाममा रहेको उत्तरगया विद्यालयमा क्षति पुगेको छ भने विद्यार्थीहरूले भागेर ज्यान बचाएका छन् । नुवाकोटको विदुर नगरपालिका–५ को त्रिभुवन त्रिशूल माध्यमिक विद्यालय भौतिक रूपमा व्यापक क्षति भएको छ । यो विद्यालयमा हिलो र लेदो पस्नुका साथै बाढीले बगाएर ल्याएका बाढीजन्य सामग्रीले विद्यालय परिसर भरिएको छ । रसुवाको टिमुरेमा रहेका तीन बोडिङ स्कुल र दुई सामुदायिक विद्यालयमा क्षति पुगेको छ । ती विद्यालयको नाम भने खुल्न बाँकी छ । प्रारम्भिक विवरण अनुसार ती चार विद्यालयलाई बाढीले ...

नेपालअखबार, काठमाडौं । रसुवामा आएको बाढीका कारण विभिन्न क्षेत्रमा ३ सय ८४ आन्तरिक तथा वाह्य पर्यटक सम्पर्कविहिन भएका छन् । नेपाल पर्यटन बोर्डले ट्राभल एजेन्सीहरूबाट प्राप्त तथ्यांक उद्धृत गर्दै जनाए अनुसार झन्डै ४ सय पर्यटक सम्पर्कविहीन छन् । सम्पर्कविहीनमध्ये २ सय ९१ विदेशी र ९३ नेपाली पर्यटक छन् । ट्राभल एजेन्सी, गाइड, स्थानीय निकाय र सुरक्षा निकायसँग पुष्टि गरेपछि पर्यटन बोर्डल पर्यटक सम्पर्कविहीन भएको जनाएको हो । तीमध्ये सम्राट टुर्स एन्ड ट्राभल्सबाट ७१ जना (५९ भारतीय र १२ नेपाली) सम्पर्कविहीन भएका छन् । काठमाडौं होलिडेजबाट गएका १७ जना सम्पर्कविहीन छन् । जसमा १ विदेशी र १५ नेपाली छन् । त्यस्तै लिफ होलिडेजका ५५ जना (४६ भारतीय र ९ नेपाली) सम्पर्कविहीन छन् । कैलास जर्नीबाट ३१ जना बेपत्ता छन् । जसमा २६ विदेशी र ५ नेपाली छन् । यसैगरी एक्स्प्लोर भ्याकेसनबाट ७ नेपाली सम्पर्कविहीन रहेको ब...

नेपालअखबार, काठमाडौँ । सरकारले रसुवाको भोटेकोशी नदीमा आएको भीषण बाढीबाट प्रभावित क्षेत्रका स्थानीय तहहरूलाई तीन महिनाका लागि 'विपद् सङ्कटग्रस्त क्षेत्र' घोषणा गरेको छ। परराष्ट्रमन्त्री शिशिर खनालले बुधबार प्रतिनिधि सभाको बैठकमा सम्बोधन गर्दै रसुवा र नुवाकोट लगायतका जिल्लामा जनधनको ठूलो क्षति भएको जानकारी दिएका हुन्। मन्त्री खनालका अनुसार बुधबार बिहान ८ बजेर ३७ मिनेटमा गएको भूकम्प र त्यसपश्चात् झरेको हिमपहिरोका कारण भोटेकोशी नदीमा भीषण बाढी आएको प्रारम्भिक अनुमान छ। बाढीले रसुवा र नुवाकोटका टिमुरे, स्याफ्रुबेँसी, बेत्रावती, त्रिशूली, बट्टार र देवीघाट लगायतका क्षेत्रमा ठूलो भौतिक तथा मानवीय क्षति पुर्‍याएको छ। बाढीका कारण हालसम्म ९ जनाको शव फेला परेको र उनीहरूको सनाखत हुन बाँकी रहेको छ। विपद्‌मा परी टिमुरे र मैलुङ पोस्टका ४४ जना नेपाली सेना, २६ जना नेपाल प्रहरी र ९ जना सशस्त्र प्रहर...

नेपालअखबार, काठमाडौँ ।  चिनियाँ राष्ट्रपति सी चिनफिङले नेपाल-चीन सीमा क्षेत्रमा गएको बाढी परेकाहरूको खोजी र उद्धार तीव्र पार्न निर्देशन दिएका छन्। बुधबार बिहान ९ बजे चीनको तिब्बतमा आएको बाढीले सीमावर्ती रसुवादेखि चितवनसम्म क्षति गरेको छ। राष्ट्रपति सीले बुधबार नै सम्बन्धित निकायहरुलाई खोजी र उद्धारमा खटिन निर्देशन दिएको चिनियाँ अनलाइन ग्लोबल टाइम्सले जनाएको छ। राष्ट्रपति सीले घटनापछि बेपत्ता भएका व्यक्तिको खोजी तथा उद्धारलाई प्राथमिकता दिन र राहत तथा उद्धारका सबै प्रयासलाई तीव्र बनाउन निर्देशन दिएका छन्। उनले प्रभावित क्षेत्रमा उद्धार टोली परिचालन गरी बेपत्ताको खोजी, घाइतेको उपचार तथा प्रभावित नागरिकलाई आवश्यक सहयोग उपलब्ध गराउन जोड दिएका छन्। घटनापछि स्थानीय अधिकारी तथा उद्धार टोलीहरू खोजी तथा राहत कार्यमा परिचालित भएका छन्। पहिरोका कारण सीमा क्षेत्रमा भएको क्षति र मानवी...

नेपालअखबार, काठमाडौँ । नेपाली कम्युनिस्ट पार्टी (नेकपा) ले तिब्बततर्फबाट रसुवाको भोटेकोसी नदीमा आएको भीषण बाढीका कारण रसुवा, नुवाकोट र धादिङ लगायतका तटीय क्षेत्रमा ठुलो क्षति पुगेकाले तत्काल राहत र उद्धार गर्न सरकारसँग आग्रह गरेको छ । बुधबार एक विज्ञप्ति जारी गर्दै नेकपाले विपदमा परेका नागरिकको जीवन रक्षा पहिलो दायित्व भएकाले विपद् व्यवस्थापनका लागि सम्पूर्ण संयन्त्र परिचालन प्रयोग गर्न सरकारसँग आग्रह गरेको हो । ‘विपद्मा परेका नागरिकको जीवन रक्षा पहिलो दायित्व भएको उल्लेख गर्दै पार्टीले विपद् व्यवस्थापनका सम्पूर्ण संयन्त्र, साधन–स्रोत र विकल्पहरू परिचालन गरी प्रभावकारी उद्धार तथा राहत कार्य अघि बढाउन सरकारसँग विशेष आग्रह गरेको छ’, विज्ञप्तिमा भनिएको छ । साथै, विपद्को यस कठिन घडीमा सङ्घ, प्रदेश र स्थानीय सरकार, जनप्रतिनिधि, सुरक्षा निकाय, राजनीतिक दल, नागरिक समाज तथा आम नागरिक सबैल...

नेपालअखबार,काठमाडौं । प्रधानमन्त्री बालेन शाहलाई सामाजिक सञ्जालमार्फत ज्यान मार्ने धम्की धम्की दिन् युवक पक्राउ परेका छन्। पक्राउ पर्नेमा झापाको भद्रपुर–९ घर भई कीर्तिपुर बस्दै आएका २३ वर्षीय पुस्कर दहाल छन्। उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । कीर्तिपुर नयाँ बजारबाट पक्राउ परेका उनलाई थप अनुसन्धान तथा कारबाहीका लागि साइबर ब्यूरो भोटाहिटी पठाइएको छ। उनले इन्स्टाग्राममा स्टाटस गर्दै प्रधानमन्त्री शाहलाई २३ भदौमा सिध्याइदिने भनेर लेखेर प्रहरीलाई ट्याग गरेका थिए।उनले प्रहरीलाई समेत गाली गरेका थिए । उनी कुलमान घिसिङ नेतृत्वको उज्यालो नेपाल पार्टीमा आबद्ध रहेको प्रहरी स्रोतले बतायो।...

नेपालअखबार,काठमाडौं । नेपाली सेनाका दुई वटा हेलिकप्टर रसुवाका लागि उडेका छन् । नेपाली सेनाका प्रवक्ता तथा सहायक रथी राजाराम बस्नेतका अनुसार दुई वटा हेलिकप्टर बाढी प्रभावित क्षेत्र रसुवातर्फ गएका छन् । थप अर्को हेलिकप्टर पनि जाने तयारीमा रहेको उनले बताए । साथै स्थलमार्गबाट पनि सेनाको टोली घटनास्थलतर्फ गएको छ । थप विवरण आउन बाँकी रहेको उनले बताए ।...

नेपालअखबार, काठमाडौँ । रसुवाको सीमावर्ती क्षेत्र टिमुरे हुँदै भोटेकोशी र त्रिशूली नदीमा भीषण बाढी आएको छ। तिब्बततर्फुहिमताल विस्फोट भएको आशंका जल तथा मौसम विज्ञान विभागले गरेको छ । विभागले नदीको बहाव अचानक बढेपछि तटीय क्षेत्रमा उच्च सतर्कता अपनाउन अपिल गरेको छ। बाढी पूर्वानुमान शाखाका प्रमुख विनोद पराजुलीका अनुसार आज भदौ १० गते बिहान करिब ९ बजेको समयमा तिब्बततर्फबाट टिमुरे नाका हुँदै ठूलो बाढी नेपाल प्रवेश गरेको हो। यो बाढी वर्षाका कारण नभई आकस्मिक रूपमा आएकाले तिब्बतमा हिमताल विस्फोट भएको हुनसक्ने प्रारम्भिक अनुमान गरिएको पराजुलीले बताए । बाढीको वास्तविक कारण पत्ता लगाउन विभागले चिनियाँ अधिकारीहरूसँग समन्वय गरिरहेको पराजुलीको भनाइ छ। उपग्रह बाट खिचिएका तस्बिरहरू र अन्य प्राविधिक माध्यमबाट हिमताल विस्फोटको पुष्टि गर्ने प्रयास भइरहेको पराजुलीले जानकारी दिए ।...

नेपालअखबार,ओखलढुंगा । ओखलढुंगाको सिद्धिचरण नगरपालिका–४ चार्खुमा मंगलबार साँझ विद्युत् सर्ट भएर आगलागी हुँदा दुई घर जलेर पूर्ण रूपमा नष्ट भएको छ । स्थानीय कोटमाया कार्कीको ढुङ्गामाटोको गारो र खरको छानो भएको दुईतले घरमा बिजुलीको तार सर्ट भएर आगलागी भएको थियो । उक्त आगो फैलिएर उनकी बुहारी ज्ञानकुमारी कार्कीको दुईतले घरमा समेत क्षति पुगेको जिल्ला प्रहरी कार्यालयका प्रहरी निरीक्षक शेखरकुमार साहले जानकारी दिए । आगलागी नेपाल प्रहरी, सशस्त्र प्रहरी, सिद्धिचरण नगरपालिकाको दमकल र स्थानीयवासीको सहयोगमा तीन घण्टापछि नियन्त्रणमा आएको थियो । आगलागीबाट कोटमाया कार्कीको घरसँगै अन्नपात, भाँडाबर्तन, लत्ताकपडा, एक तोला सुनजस्तो देखिने गहना र २० हजार रुपैयाँ नगद जलेर नष्ट हुँदा करिब  १२ लाख रुपैयाँ बराबरको क्षति भएको जनाइएको छ । त्यस्तै ज्ञानकुमारी कार्कीको घरसँगै अन्नपात, लत्ताकपडा, दुई तोला द...