नेपालअखबार, बैतडी । बैतडीमा बलात्कारको आरोपमा एक वडाध्यक्षसहित दुई जना पक्राउ परेका छन्।
मेलौली नगरपालिका-१ का वडाध्यक्ष शरदसिंह नेगी र सोही ठाउँका केशवसिंह नेगीलाई पक्राउ गरेको प्रहरी निरीक्षक लोकराज जोशीले जानकारी दिए।
Advertisement
उनका अनुसार उनीहरूले २८ वर्षीया युवतीलाई गत चैत १५ गते बलात्कार गरेको आरोप छ।
पीडितको उजुरीका आधारमा उनीहरूलाई पक्राउ गरिएको प्रहरी निरीक्षक जोशीले बताए।
पीडित महिलाको स्वास्थ्य परीक्षण उजुरी दिएकै दिन जिल्ला अस्पतालमा गरिएको छ।
आरोपित दुबै जनालाई हिरासतमा राखी अनुसन्धान सुरू गरेको जिल्ला प्रहरी कार्यालयले जनाएको छ। पीडित महिला परिवारकै संरक्षणमा रहेकी छन्।