नेपालअखबार,काठमाडौं । नेकपा एकीकृत समाजवादीका उपमहासचिव तथा प्रचार विभाग प्रमुख जगन्नाथ खतिवडाले प्रधानमन्त्री पुष्पकमल दाहाल प्रचण्ड सँग भेट भएको भनिएको समाचार निराधार भएको बताउनु भएको छ ।
खतिवडाले आफू विरुद्ध पटक पटक यस्ता खालका निराधार समाचारहरू विभिन्न अनलाइनहरूमा प्रकाशन भएको भन्दै त्यसको खण्डन गर्नुभएको छ । हुँदै नभएका विषयवस्तुलाई समाचार बनाएर भ्रम छर्ने काम भएको उल्लेख गर्नुभएको छ।
खतिवडाले वर्तमान अवस्थामा आफूले प्रधानमन्त्री दाहाललाई भेट नगरेको र गर्नुपर्ने कुनै कारण समेत नभएको भन्दै सन्तुलित र भरपर्दो समाचार सम्प्रेषण गर्न सरोकारवालाहरूलाई आव्हान समेत गर्नुभएको छ ।
केही दिन अघि मात्र प्रधानमन्त्रीको निम्ता पछि विभाग प्रमुख खतिवडाले प्रधानमन्त्री निवास बालुवाटार पुगेर भेटवार्ता गर्नुभएको भन्दै विभिन्न अनलाइनमा समाचार प्रकाशित भएको थियो ।