नेपालअखबार, दाङ । बैंकहरुले गरेको ब्याज वृद्धिको विरुद्धमा कडा कदम चाल्ने दाङ जिल्ला उद्योग वाणिज्य (उवा) संघ आन्दोनलमा उत्रने भएको छ । घोराहीमा पत्रकार सम्मेलन गर्दै संघले बैंकहरुले गरेको व्याजदर बृद्धिका विरुद्धमा चरणवद्ध आन्दोलन गर्ने जनाएको हो ।
दाङ जिल्ला उद्योग वाणिज्य संघका अध्यक्ष टंकसिंह बुढाथोकीले नेपालको निजी क्षेत्रलाई धरासायी बनाउने गरी बैंकहरुले गरेको व्याजदर बृद्धि गरेको बताए । ‘नेपाल राष्ट्र बैंकले जारी गरेको चालु पूँजी मार्गनिर्देशन ०७९ आडमा बैंकहरुले बृद्धि गरेको व्याजदरप्रति हाम्रो कडा आपत्ति छ’ उनले भने, ‘व्याजदर वृद्धि फिर्ता नभए बैंकहरुलाई नै पैसा नबुझाउने सम्मको आन्दोलन गर्छौ ।’
अध्यक्ष बुढाथोकीले व्याजदर बृद्धिले निजी क्षेत्र तहसनहस हुने अवस्था आएको बताए । ‘कतिपय व्यवसायीहरु बैंकबाट लिएको त्रिर्ण तिर्न सक्ने अवस्थामा छैनन्’ उनले भने ।
उवासंघका निर्वतमान अध्यक्ष नारायणप्रसाद भुसालले बैंकहरुले गरेको व्याजदर बृद्धिका विरुद्धमा उद्योग वाणिज्य महासंघलेसमेत चासो नदिएको भन्दै जिल्लाबाट उद्योग सरकारसहित वाणिज्य महासंघ, बैंकको विरुद्धमा आन्दोलनमा उत्रन लागेको बताए ।
बिहीबारदेखि २ देखि तीनवटा समूह बनाएर निर्वाचन कार्यालयका कर्मचारीहरू मोरङको १७ वटै स्थानीय तहहरूमा नमूना मतदान गराउँदै हिँड्ने उनले बताए । मतदान प्रक्रियाका बारेमा जानकारी दिने, आफ्नो भोटको महत्त्व बुझाउने, आफूले चाहेको प्रतिनिधिलाई छनोट गर्न सिकाउने र बदर मत प्रतिशत घटाउने उद्देश्यले नमुना मतदान कार्यक्रम सुरु गरिएको उनले बताए । नमूना मतदानसँगै मतदाता शिक्षा पनि सुरू गरिएको छ ।
‘नमुना मतदानमा निर्वाचन कार्यालयका कर्मचारीहरू समूह बनाएर परिचालन हुनेछन्,’ उनले भने, ‘नमूना मतदानसँगै मतदाता शिक्षा पनि सुरू हुनेछ । मतदाता शिक्षा १५ दिनसम्म सुरू हुनेछ ।’ मतदाता शिक्षामा स्वयमसेविका परिचालन हुनेछन् । ‘भ्याएसम्म घरदैलो गरेर मतदाता शिक्षा पुर्याउने लक्ष्य रहेको छ,’ उनले भने, ‘नभए सामुदायस्तरमा पुगेर मतदाता शिक्षा पनि स्वयम् सेविकाहरूले दिनेछन् ।’
