राजनीति

नेपालअखबार, काठमाडौं । कांग्रेसको कार्यसम्पादन समिति बैठक बस्दै नेपाली कांग्रेसको केन्द्रीय कार्यसम्पादन समितिको बैठक बस्दैछ। कार्यवाहक मुख्यसचिव कृष्णप्रसाद दुलालका अनुसार सोमबार बिहान ११ बजे केन्द्रीय कार्यालय सानेपामा बैठक बस्नेछ। बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई बोलाइएको छ। कांग्रेसले संसदीय दल नेता चयन गरेको छैन। यसअघि गत शुक्रबारको केन्द्रीय कार्यसम्पादन समितिले सहमतिमै संसदीय दल नेता चयन गर्न एक कार्यदल बनाएको थियो। सो कार्यदलको सुझावका आधारमा सोमबार केन्द्रीय कार्यसम्पादन समितिमा सभापति गगन थापाले संसदीय दल नेताको नाम प्रस्ताव गर्ने र दिउँसो १ बजे निर्वाचन समितिबाट घोषणा गर्ने कार्यक्रम तय रहेको नेताहरूले जनाएका छन्। संसदीय दल नेताका लागि सांसदहरू अर्जुननरसिंह केसी, भीष्मराज आङ्देम्बे, मोहन आचार्य, योगेश गौचन थकाली, बासना थापा, निश्क...

नेपालअखबार, काठमाडौं । अमेरिकी राष्ट्रपति डोनाल्ड ट्रम्पले अन्तिम समयमा वार्ता टोलीको पाकिस्तान भ्रमण रद्द गरेका छन्। शनिबार साँझसम्म इस्लामावाद पुग्ने तयारीमा रहेको उनका मध्यपूर्व दूत स्टिभ विटकोफ र ज्वाँइ ज्यारेड कुश्नरको भ्रमण रद्द गरेका हुन्। ट्रम्पले फ्लोरिडामा सञ्चारकर्मीसँग कुरा गर्दै पाकिस्तानको इस्लामावादमा हुने वार्ताका लागि पठाइने अमेरिकी दूत स्टिभ विटकॉफ र जार्ड कुश्नर को भ्रमण अत्यधिक खर्चिलो र लामो यात्रासँग सम्बन्धित भएकाले रद्द गरिएको बताएका हुन्। उनले इरानले प्रस्तुत गरेको पछिल्लो शान्ति प्रस्ताव पनि पर्याप्त नभएको टिप्पणी पनि गरे। साथै उनले अहिलेको अवस्थामा इरानको नेतृत्व यकिन नभएको पनि बताएका छन्। 'इरानमा गम्भीर आन्तरिक विवाद र नेतृत्वबारे अन्योल छ। उनीहरूबीच नै नेतृत्व कसले गरेको भन्ने एकमत छैन। यदी कुरा गर्न चाहन्छन् भने उनीहरूले हामीलाई खबर गर्नुपर्छ,' ...

नेपालअखबार, काठमाडौं । श्रम संस्कृति पार्टीका अध्यक्ष हर्क साम्पाङले जनतालाई दुःख नदिन प्रधानमन्त्री वालेन्द्र (बालेन) शाहलाई आग्रह गरेका छन्। शनिबार काठमाडौंको सुकुम्बासी बस्ती खाली गर्न थालिएपछि सामाजिक सञ्जाल फेसबुकमा स्ट्याटस लेखेर हर्कले जनतालाई दुःख नदिन आग्रह गरेका हुन्। 'बालेन जी तपाइँलाई मेरो सुझाव जनतालाई धेरै दु:ख नदिनु।  जग्गा जमीन तेरो न मेरो कसैको हुँदैन। सबै जना एक दिन सडेर या जलेर खरानी हुँदै माटोमा विलय हुनु पर्छ! सत्य यही एउटा माटो हो! त्यसैले चुनाव चिन्ह पनि माटो नै लिएर आएको म त,' उनले लेखेका छन्। उनले प्रधानमन्त्री बालेनलाई विकासमा लाग्न पनि सुझाएका छन्। 'विकासमा लाग्नु। पुरानो जुंगाको फाइट छोड्नु। आजको मितिमा तपाईकै जुंगा लामो छ! छोड्दिनु भो,' उनले भनेका छन्।...

नेपालअखबार, काठमाडौं । इरानका विदेशमन्त्री अब्बास अराग्ची पाकिस्तान पुगेका छन्। अमेरिकासँग सम्भावित दोस्रो चरणको वार्ताका लागि इरानी विदेशमन्त्री अराग्ची शुक्रबार राति इस्लामावाद पुगेका हुन्। शुक्रबार नै उनले पाकिस्तानी समकक्षी इशाक डारसँग भेटवार्ता गरेका छन्। अराग्ची इस्लामावाद पुगेपछि अमरिकी टोली पनि आउँदै छ। शनिबार बेलुकीसम्म अमेरिकी टोली इस्लामावाद आइपुग्ने अन्तर्राष्ट्रिय समाचार संस्था रोयटर्सले लेखेको छ। अमेरिकी टोलीमा यसपालि मध्यपूर्व दूत स्टिभ विटकोफ र राष्ट्रपति डोनाल्ड ट्रम्पका ज्वाइँ ज्यारेड कुश्नर छन्। उपराष्ट्रपति जेडी भान्स भने आएका छैनन्। ट्रम्पले यसअघि भान्स नै वार्ताका लागि जाने बताएका थिए। भान्स नजाने भनेपछि प्रत्यक्ष वार्ता नहुन सक्ने बताइएको छ। इरानी विदेश मन्त्रालयका प्रवक्ताले सामाजिक सञ्जालमार्फत अमेरिकी प्रतिनिधिसँग प्रत्यक्ष भेट्ने योजना नरहेको...

नेपालअखबार,काठमाडौं । श्रम संस्कृति पार्टीका सांसद आरेन राई काठमाडौंको थापाथलीस्थित सुकुमवासी बस्तीमा पुगेका छन् । सरकारले थापाथलीमा बसेका सुकुमवासी बस्ती हटाउने तयारी गरिरहेको समयमा सांसद राई शुक्रबार सुकुमवासी बस्ती पुगेका हुन् । सरकारले बिना विकल्प आफूहरूलाई हटाउन खोजेको भन्दै सुकुमवासीहरूले प्रदर्शन गरिरहेको समयमा सांसद राई थापाथली पुगेका हुन् । थापाथलीमा रहेका सुकुमवासी बस्तीको अवलोकन गर्न पुगेका सांसद राईले भने, ‘सुकुमवासीको पक्षमा हामी हुनेछौं । हाम्रो पार्टी हुनेछ । अरू पार्टीको जिम्मा लिन सकिन्नँ । म सधैं सुकुमवासीको हकका लागि बोलिरहन्छु ।’...

नेपालअखबार,काठमाडौँ । नेपाली कांग्रेसका नेता नैनसिंह महरले अधिकार संरक्षण, जनजीविका सुधार र सुकुमबासी समस्याप्रति सरकारलाई जिम्मेवार बन्न आग्रह गरेका छन्। लोकतन्त्र दिवस २०६३ वैशाख ११ को सम्झनामा स्कुल अफ डेमोक्रेसीद्वारा काठमाडौँमा आयोजित कार्यक्रममा महरले २०६३ को ऐतिहासिक जनआन्दोलनलाई स्मरण गर्दै भने, ‘जनताको नैतिक बलले निरंकुशतालाई झुकाएको दिन हो आज। लोकतन्त्र केवल उपलब्धि होइन, निरन्तर जिम्मेवारी हो।’ उनका अनुसार लोकतान्त्रिक व्यवस्थाले संस्थागत उपलब्धि हासिल गरे पनि जनअपेक्षा अझै पूर्ण रूपमा सम्बोधन हुन सकेको छैन। जनविश्वास कमजोर हुँदा राजनीतिक सन्तुलनमा परिवर्तन आउने संकेतलाई गम्भीर रूपमा लिनुपर्ने उनले बताए। महरले राज्य संरचनामा देखिँदै गएको केन्द्रीकरण र अधिकार सङ्कुचनप्रति चिन्ता व्यक्त गर्दै लोकतन्त्रको मूल मर्म विकेन्द्रीकरण, सहभागिता र उत्तरदायित्व भएको स्पष्ट पारे। सुकुम...

नेपालअखबार,काठमाडौं ।  राष्ट्रिय सभा सदस्य एवम् लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले मधेस र नेपाल–भारत सीमा क्षेत्रमा सर्वसाधारणमाथि दुर्व्यवहार भएको बताएका छन्। सरकारले एक सय रूपैयाँभन्दा बढी मूल्यका सामान ल्याउँदा भन्सार तिर्नुपर्ने नियम लागू भएपछि सीमानामा नागरिकहरूमाथि दुर्व्यवहार भएको उनले बताएका हुन्। बुधबार राष्ट्रिय सभा अन्तर्गत विकास, आर्थिक मामिला तथा सुशासन समिति बैठकमा बोल्दै ठाकुरले सीमा नाकामा सर्वसाधारणले भोग्नुपरेको सास्ती र राज्यको उदासिनताले गर्दा आफूहरू ‘विद्रोहको नजिक’ पुगेको चेतावनीसमेत दिएका छन्। 'मन्त्रीज्युहरू मिटिङमा व्यस्त हुनुहुन्छ, हाम्रो कुरा सुन्ने समय उहाँहरूसँग छैन। हामी विद्रोही त होइनौँ, तर राज्यको यस्तै व्यवहार रहिरहने हो भने हामी विद्रोहको निकै नजिक छौं,’ उनले भने। एक सय रूपैयाँको सामान ल्याउँदा पनि भन्सार भनेर घन्टौं...

नेपालअखबार,काठमाडौं । प्रधानमन्त्री बालेन शाहका राजनीतिक सल्लाहकार असिम शाह संयोजकत्वको ‘संविधान संशोधन बहसपत्र तयार गर्ने कार्यदल–२०८२’ को दोस्रो बैठक आज बस्दै छ । बैठक दिउँसो ३ बजे बस्दैछ । प्रधानमन्त्री तथा मन्त्रिपरिषद् कार्यालयमा बस्ने बैठकमा राजनीतिक दलका लिखित धारणा समेतका आधारमा पहिचान भएका संविधान संशोधनका मुद्दाहरु र कार्यदलको आगामी कामकारवाहीका प्रस्तावित कार्ययोजनाबारे छलफल हुने बताइएको छ । यसअघि कार्यदलको पहिलो बैठक गत चैत २५ गते बसेको थियो । कार्यदलमा राष्ट्रिय स्वतन्त्र पार्टीका तर्फबाट मोहन आचार्य, नेपाल कम्युनिष्ट पार्टी (एमाले) का तर्फबाट संविधान सभाका सदस्य एवं डा. भीष्मनाथ अधिकारी, नेपाल कम्युनिष्ट पार्टीका तर्फबाट संविधान सभाका सदस्य एवं पूर्वकानुनमन्त्री देवप्रसाद गुरुङ, राष्ट्रिय प्रजातन्त्र पार्टीका तर्फबाट संसदीय दलका नेता ज्ञानेन्द्र शाही, राष्ट्रिय जनमोर्चाका ...

नेपालअखबार,काठमाडौं ।  नेपाली कांग्रेसका नेता पूर्णबहादुर खड्काले विद्यार्थी संघसंगठनहरू र स्ववियु खारेज गर्ने निर्णय गर्नु सरकारको अधिनायकवादी कदम भएको बताएका छन्। आज एक विज्ञप्ति जारी गर्दै खड्काले भनेका छन्, ‘जुन लोकतान्त्रिक स्वतन्त्रताको उपयोग गरेर आज सरकारमा बालेन शाहजस्ता युवा नेतृत्व स्थापित भएका छन् त्यही सरकारबाट लोकतन्त्रको नर्सरी मानिने विद्यार्थी संघसंगठन र स्ववियुको अस्तित्वमाथि प्रहार गरी खारेज गर्ने निर्णय गर्नु आफैमा विरोधाभाषपूर्ण मात्र होइन, सरकारको अधिनायकवादी कदमका रूपमा बुझ्न बाध्य भएका छौं।’ उनले सुधारको नाममा इतिहासको अपमान गर्ने र लोकतन्त्रको आधारस्तम्भ भत्काउने कामहरू बन्द गर्न पनि आग्रह गरेका छन्। इतिहास सम्मान र लोकतन्त्र रक्षाका लागि विद्यार्थी शक्ति पुन: सडकमा उत्रन बाध्य भएमा त्यसबाट हुने परिणामको जिम्मा स्वयम सरकारले ब्यहोर्नुपर्ने पनि खड्काको भनाइ ...

नेपालअखबार,काठमाडौं । गृहमन्त्री सुधन गुरुङको राजीनामा माग गर्दै शान्तिपूर्ण प्रदर्शन गर्ने  क्रममा पक्राउ परेका विद्यार्थी नेताहरूलाई निःसर्त रिहा गर्न नेपाल विद्यार्थी (नेवि) संघले माग गरेको छ । नेविसंघका कार्यवाहक सभापति नविन पौडेलले विज्ञप्ति जारी गर्दै यस्तो माग गरेका हुन् । विरोध लोकतन्त्रको आत्म भएको भन्दै नेविसंघले शान्तिपूर्ण आन्दोलनमा सहभागी विद्यार्थी नेताहरूलाई तत्काल निःसर्त रिहा गर्नुपर्ने माग गरेको हो । पक्राउ परेका विद्यार्थीहरूलाई अविलम्ब रिहा नगरिए थप सशक्त आन्दोलनका कार्यक्रम अघि बढाउने चेतावनी उसले दिएको छ । गृहमन्त्री गुरुङको सम्पत्तिको स्रोत सार्वजनिक गर्नुपर्ने, सत्यतथ्य स्पष्ट पार्न तथा तत्काल राजीनामा दिई निष्पक्ष अनुसन्धानमा सहयोग गर्नुपर्ने नेविसंघले माग गरेको छ । गृहमन्त्री गुरुङको राजीनामा माग गर्दै विरोध प्रदर्शन गर्ने क्रमममा नेविसंघका केन्द्री...