प्रशासन

नेपालअखबार,धरान (सुनसरी) । धरान उपमहानगरपालिकाले आर्थिक वर्ष २०८२/८३ को नीति तथा कार्यक्रम र बजेट सार्वजनिक गरेको छ । आज १७औँ नगरसभामा धरानका उपप्रमुख अइन्द्रविक्रम बेघाले आव २०८२/८३ का लागि रु दुई अर्ब २० करोड ७४ लाख ५९ हजारको बजेट प्रस्तुत गरे । बजेटको स्रोतमा आन्तरिक राजस्वबाट रु ८० करोड ५३ लाख ६५ हजार, सङ्घीय सरकारबाट अनुदान रु ८९ करोड २९ लाख, प्रदेश सरकारबाट अनुदान रु सात करोड ७३ लाख ४४ हजार, राजस्व बाँडफाँटबाट रु ३४ करोड १८ लाख ५० हजार, सडक बोर्डबाट रु दुई करोड र गत वर्षको मौज्दातबाट रु सात करोड प्राप्त हुने अनुमान गरिएको छ । सहरी योजना तथा भौतिक पूर्वाधार विकासतर्पm रु ६६ करोड ९४ लाख, शिक्षा, युवा तथा खेलकुदतर्फ रु ४६ करोड ८५ लाख, स्वास्थ्यतर्फ रु छ करोड ९९ लाख ९५ हजार, सामाजिक विकासतर्फ रु चार करोड ८६ लाख ४५ हजार विनियोजन गरिएको छ । साथै आर्थिक विकासतर्फ रु एक करोड २९ लाख, वन व...

नेपालअखबार, काठमाडौं । जेनजी युवा आन्दोलनका क्रममा आगजनीबाट क्षतिग्रत भएको स्वास्थ्य मन्त्रालयको भवन प्रयोग गर्न जोखिम रहेको अध्ययन टोलीले निष्कर्ष निकालेको छ । शहरी विकास तथा भवन निर्माण विभागको अगुवाइमा नेपाल इन्जिनियर्स एसोसिएसनसहितका प्रतिनिधिहरुले गरेको प्रारम्भिक अध्ययनबाट स्वास्थ्य मन्त्रालयको भवन प्रयोग गर्न जोखिम रहेको निष्कर्ष निकालिएको हो । नेपाल इन्जिनियर्स एसोसिएसनका अध्यक्ष सुवासचन्द्र बरालले स्वास्थ्य मन्त्रालयको भवनका वालहरुमा धेरै क्षति नपुगे पनि स्ल्याबमा धेरै क्षति पुगेको बताए । उनले भने, ‘स्वास्थ्य मन्त्रालयको भवन अध्ययन गर्दा लोडबियरिङमा, वालहरुमा त्यति धेरै क्षति नभए पनि स्ल्याबहरु टोटली क्षति भएको अवस्था छ । जसले गर्दा हाललाई यसलाई प्रयोग गर्न अत्यन्त जोखिम छ ।’ नेपालको इन्जिनियरिङ इतिहास र वास्तुशिल्प (आर्किटेक्ट) को हिसाबले रामशाहपथस्थित स्वास्थ्य मन्त्रालयको भव...

नेपालअखबार,काठमाडौँ । सर्वोच्च अदालतको प्रवेशद्वारदेखि सबैले जलेको भवन प्रष्ट देख्न सक्छन् । अगाडि पुरै जलेका सवारी साधनको थुप्रो छ । आधा जलेका र भाँचिएका टेबल कुर्सी असरल्ल छन् । कर्मचारी बस्ने ठाउँ छैन । धेरै कर्मचारीको मुहार अझै खुल्न सकेको छैन । असरल्ल जलेको गाडीकै अगाडि एक छेउमा पाल टाँगिएको छ । पालमुनि काठका टेबल कुर्सी राखेर एकातर्फ न्यायाधीश र अर्को तर्फ कानुन व्यवसायी, अनि बिचमा इजलास अधिकृत बस्ने व्यवस्था गरी आजदेखि इजलास सञ्चालन गरिएको छ । सर्वोच्च अदालतको पूर्ण बैठकले जतिसुकै विषम् परिस्थितिमा पनि इजलास बस्ने निर्णय गरेसँगै आजदेखि सञ्चालन गरिएको हो । आज न्यायाधीश सपना प्रधान मल्लको इजलासमा एउटा र कुमार रेग्मीको इजलासमा दुई थान बन्दी प्रत्यक्षीकरणका निवेदनमाथि सुनुवाइ भयो । गत भदौ २४ गते जेनजी प्रदर्शनका क्रममा सर्वोच्च अदालतमा आगजनी भइ भौतिक संरचना जलेपछि इजलास राख...

नेपालअखबार,काठमाडौं ।  अन्तरिम सरकारले फागुन २१ गते आमनिर्वाचन हुने घोषणा गरेपछि धेरैलाई आफ्नो नाम मतदाता नामावलीमा छ कि छैन भन्ने चासो छ। नागरिकता बनाउँदा मतदाता नामावलीमा नाम टिपाएका जेन–जी युवाहरूलाई त आफ्नो नाम सूचीमा परेको छ कि छैन भनेर हेर्न अझै बढी उत्सुकता छ। आउँदो चुनावमा जेन–जी युवाहरूलाई जसरी पनि मतदान गर्न आह्वान गरिएकाले उनीहरू सूचीमा नाम हेरेर आश्वस्त हुन चाहन्छन्। त्यही भएर केही दिनदेखि निर्वाचन आयोगको वेबसाइटमा मतदाता नामावली खोज्ने क्रम ह्वात्तै बढेको छ। तर यहाँ समस्या के आयो भने, निर्वाचन आयोगको वेबसाइट क्लिक गरेर मतदाता नामावलीमा जाँदा एउटा सूचना देखिन्छ। त्यो सूचनामा '२०८२ कात्तिक १६ सम्म १८ वर्ष उमेर पुग्ने' भनेर लेखिएको छ। यसले नामावली खोजिरहेकाहरूलाई २०८२ कात्तिक १६ सम्म १८ वर्ष उमेर पुगेकाहरूले मात्र अर्को निर्वाचनमा भोट हाल्न पाउने हुन् कि भन्ने भ्रम सि...

नेपालअखबार,गण्डकी । ‘जेनजी’ आन्दोलनका क्रममा कारागार कार्यालय, कास्कीबाट भागेका सात सय ७३ कैदीबन्दीमध्ये बुधबारसम्ममा तीन सय ४८ जना कारागार फर्किएका छन् । चार सय २५ जना कैदीबन्दी अझै फरार रहेको कारागार कार्यालयले जनाएको छ । कतिपय कैदीबन्दी आफै कारागार फर्किएको र केहीलाई भाग्ने क्रममा नियन्त्रणमा लिइएको जिल्ला प्रहरी कार्यालय, कास्कीका सूचना अधिकारी प्रहरी नायब उपरीक्षक हरिबहादुर बस्नेतले बताए । भागेका कैदीबन्दीलाई कारागार फर्काउन प्रहरी सक्रिय रहेको उनको भनाइ छ । प्रदर्शनकारीले गत भदौ २४ गते राति कारागार तोडेर ३५ महिलासहित सात सय ७३ कैदीबन्दीलाई भगाएका थिए ।  जिल्ला प्रहरी कार्यालयको हिरासतबाट भागेका थुनुवालाई पनि खोजी गरी नियन्त्रणमा लिने काम भइरहेको सूचना अधिकारी बस्नेतले बताए। उनका अनुसार हिरासतबाट ८३ थुनुवा भागेका थिए । कारागार कार्यालयका सूचना अधिकारी महेन्द्रबहादुर कुँवरले कैदीबन...

नेपालअखबार, काठमाडौं । नेपाल प्रहरीका ४८ जना एसपीको सरुवा भएको छ । गत भदौ ३१ गतेको निर्णयले असोज १ गतेदेखि लागू हुने गरी एसपीहरुको सरुवा भएको हो । अपराध अनुसन्धान कार्यालयको अनुसन्धान शाखाका एसपी अंगुर जीसीलाई जिल्ला प्रहरी कार्यालय बाँकेमा पठाइएको छ । बाँकेका एसपी रामप्रसाद घर्तीमगरको भने कर्णाली प्रदेश प्रहरी कार्यालय मानवस्रोत व्यवस्थापन महाशाखा सुर्खेत सरुवा भएको छ । अपराध अनुसन्धान शाखा बनेपाका एसपी अनिल कुमार खड्कालाई मधेश प्रहरी गण धनुषा सरुवा भएको छ । जिल्ला प्रहरी परिसर काठमाडौंमा रहेका एसपी अपिल राज बोहराको नेपाल प्रहरीको सशस्त्र प्रहरी गण नं १ नक्शालमा सरुवा भएको छ । हेर्नुहोस् सरुवाको सूची–      ...

नेपालअखबार, जनकपुरधाम । धनुषाबाट प्रहरीले ठूलो मात्रामा लागूऔषध गाँजासहित दुईजनालाई पक्राउ गरेको छ । धनुषा बिदेह नगरपालिका–३ जोगियारा स्थित स्थानीय हनिफ मन्सुरिको भगवति फिक्स ईट्टा भट्टामा २५ वटा पोकामा लुकाएर राखिएको ४७५ किलो गाँजा बरामद गरिएको छ । इलाका प्रहरी कार्यालय ढल्केवरका अनुसार उक्त गाँजा प्र.३–०१–०२४ च ८३२५ नम्बरको पिकअपमा धरानबाट ल्याएर राखिएको थियो । उक्त पिकअप गणेशमान चारनाथ नगरपालिका वडा नं ४ विरेन्द्रबजारबाट नियन्त्रणमा लिएर चालक सहचालकलाई सोधपुछ गरेपछि सो रहस्य खुलेको थियो । चालक धादिङ बेनिघाट रोलाङ गाउँपालिका – घर भएका  २४ वर्षीय बिराज गुम्बा र सहचालक बाँके कोहलपुर पार्वतीपुर बस्ने १८ वर्षीय रोहित चमारलाई पक्राउ गरेको इलाका प्रहरी कार्यालय ढल्केपरका प्रहरी निरीक्षक जटाशंकर यादवले जानकारी दिए । उनीहरूमाथि थप अनुसन्धान गरेर कारबाही प्रक्रिया अगाडि बढाएको प्रहरीले जनाएक...

नेपालअखबार,काभ्रेपलाञ्चोक । सिन्धुली कारागारबाट फरार भएका ४७१ कैदी मध्ये २५४ जना कैदी कारागार फर्किएका छन् । गत २५ गते आगजनी र तोडफोडपश्चात सिन्धुली कारागारबाट फरार भएका कैदीमध्ये २५४ जना फर्किएको जिल्ला प्रहरी कार्यालय सिन्धुलीका प्रमुख लालध्वज सुवेदीले जानकारी दिए । केही कैदीलाई बर्दिबास, खुर्कोट तथा सिन्धुलीका विभिन्न स्थानबाट नियन्त्रणमा लिइएको थियो । सिन्धुली कारागारबाट फरार भएका मध्ये २ जना काभ्रे प्रहरीले नियन्त्रणमा लिएको छ । जिल्ला प्रहरी कार्यालय सिन्धुलीका प्रमुख सुवेदीका अनुसार फरार भएकामध्ये धेरैजसो आफैं उपस्थित भएका र केहीलाई सुरक्षाकर्मीहरूले पक्राउ गरी ल्याइएको जानकारी दिए । बाँकी कैदीहरूको खोजी कार्य अझै जारी छ ।फर्किएका कैदीहरूमध्ये धेरैले परिस्थिति असामान्य भएकै कारण भाग्न बाध्य भएको बताएका छन् । कारागार व्यवस्थापनलाई पुनः सामान्य अवस्थामा ल्याउने, बाँकी फरारलाई...

नेपालअखबार,काठमाडौँ । गृहमन्त्री ओमप्रकाश अर्यालले ७७ जिल्लाकै प्रमुख जिल्ला अधिकारी (सीडीओ)सँग छलफल गरेका छन् । भर्चुअल रुपमा गरिएको छलफल तीन कुरामा केन्द्रित भएको थियो । बैठकमा शान्ति सुरक्षा, नजिकै आएको चाडपर्व अनि संविधान दिवस मनाउने बारेमा छलफल भएको गृह मन्त्रालय स्रोतले जनाएको छ । अर्यालले सोमबार जिम्मेवारी सम्हालेपछि सबै जिल्लाका सीडीओहरुसँग त्यहाँकै अवस्थाबारे ब्रिफिङ लिएको र उनले केही निर्देशन पनि दिएको एक सीडीओले बताए । उनका अनुसार जेनजीहरु आन्दोलनपछि सुरक्षा थ्रेट महसुस गरिरहेको सूचना गृह मन्त्रालय र मन्त्रीलाई आउन थालेपछि उनीहरुको विशेष निगरानी गरी सुरक्षाको प्रत्याभूति दिने अनि सबै नागरिकको सुरक्षामा सुरक्षा निकायलाई केन्द्रित गरी काम गर्न गृहमन्त्री अर्यालले निर्देशन दिएका छन् । त्यस्तै भर्खरैमात्र अन्तरिम सरकार बनेको र देशभर नै आन्दोलन र डरको वातावरण भएकाले विशे...

नेपालअखबार,काठमाडौँ  । प्रतिनिधिसभा विघटन भई आगामी फागुन २१ गते निर्वाचनको मिति घोषणा भएपछि निर्वाचन आयोगले प्रारम्भिक तयारीका काम सुरु गरेको छ । यसअघि आगामी कात्तिक १७ गतेका लागि निर्धारित रुपन्देही निर्वाचन क्षेत्र नं ३ को प्रतिनिधिसभा सदस्य उपनिर्वाचनसम्बन्धी सम्पूर्ण कार्यक्रम रद्द गरी मध्यावधि निर्वाचनका लागि आयोगले प्रारम्भिक तयारी सुरु गरेको हो । आयोगका प्रवक्ता नारायणप्रसाद भट्टराईले निर्वाचन घोषणासँगै सरकारसँगको औपचारिक परामर्श र अन्य व्यवस्थापकीय तयारी तथा योजना तर्जुमा सुरु भएको बताए । नवनियुक्त अर्थमन्त्री रामेश्वर खनालले निर्वाचनका लागि आवश्यक पर्ने रकमको प्रबन्ध हुनेगरी बजेट परिमार्जित गर्ने घोषणा गरिसकेका छन् । यही भदौ २३ २४ गते भएको ‘जेनजी पुस्ता’को आन्दोलन र यसबाट उत्पन्न परिस्थितिका कारण तत्कालीन प्रधानमन्त्री केपी शर्मा ओलीले राजीनामा दिएपछि राष्ट्रपति रामचन...