राजनीति

नेपालअखबार, काठमाडौं । नेपाली कांग्रेसको केन्द्रीय निर्वाचन समितिले अधिवेशनका लागि तोकिएका निर्वाचन अधिकृतहरूलाई प्रशिक्षण दिने भएको छ । समितिले १५औं महाधिवेशन अन्तर्गत जिल्लाहरूमा तोकिएका निर्वाचन अधिकृतहरूलाई मंगलबार प्रशिक्षण दिने भएको हो । निर्वाचन समितिका संयोजक प्रेमबहादुर खड्काका अनुसार मंगलबार दिउँसो २ बजे सानेपामा प्रशिक्षण कार्यक्रम राखिएको छ । उनका अनुसार प्रशिक्षण कार्यक्रममा सभापति गगन थापा पनि उपस्थित हुनेछन् ।कांग्रेस केन्द्रीय कार्यसमितिले आगामी १६ देखि १९ असोजमा १५औं केन्द्रीय महाधिवेशन गर्ने निर्णय गरेको छ ।...

नेपालअखबार,काठमाडौँ। अमेरिकी राष्ट्रपति डोनाल्ड ट्रम्पले युद्ध अन्त्य गर्न आवश्यक सम्झौता इरानले गर्छ भन्ने आफूलाई नलागेको बताएका छन्। ओभल अफिसमा सोमबार पत्रकारहरूसँग कुरा गर्दै इरानले आत्मसमर्पण गर्नुपर्नेमा पनि उनले जोड दिए। ‘उनीहरूले मैले आवश्यक ठानेजस्तो सम्झौता गर्ने छैनन्। हेर्नुहोस्, हामी त्यहाँ एउटै कारणले छौं: इरानले आणविक हतियार राख्न पाउँदैन,’ उनले भने। के अमेरिकाले इरान सँगको अन्तरिम सम्झौता लम्ब्याउन खोजिरहेको हो भनी सोधिएको प्रश्नमा ट्रम्पले ‘होइन’ भनेका थिए। जुन महिनामा भएको अन्तरिम सम्झौताले ‘सबै मोर्चामा सैन्य कारबाहीको तत्काल र स्थायी अन्त्य’ घोषणा गरेको थियो। तर अन्तरिम सम्झौता असफल भयो। ट्रम्पले जुलाई ७ मा नै सो अन्तरिम सम्झौता समाप्त भयो भनेका थिए। इरानको परराष्ट्र मन्त्रालयले भने त्यसको एक साता पछि यसलाई निलम्बन गरिएको घोषणा गर्‍यो। उक्त समझदारी पत्र...

नेपालअखबार,काठमाडौं । प्रधानमन्त्री बालेन शाह र भारतीय स्थल सेना प्रमुख धिरज सेठबीच आज भेटवार्ता हुँदै छ । भेटवार्ता आज दिउँसो साढे २ बजे सिंहदरबारमा हुने छ । भारतीय स्थल सेना प्रमुख सेठ चारदिने भ्रमणका लागि आइतबार काठमाडौं आएका थिए । सोमबार उनलाई राष्ट्रपति रामचन्द्र पौडेलले नेपाली सेनाको मानार्थ प्रधानसेनापतिको दर्ज्यानी चिह्न प्रदान गरेका थिए । साथै प्रधानसेनापति अशोकराज सिग्देलसँग दुईपक्षीय भेटवार्ता समेत गरेका थिए । प्रधानमन्त्री बालेन शाहले सत्ता सम्हालेयता भारतबाट उच्चस्तरीय भ्रमणमा आउने सेठ अहिलेसम्मको सबैभन्दा वरिष्ठ अधिकारी हुन् । उनले नेपालबाट आफ्नो पहिलो विदेश भ्रमण थाल्नुलाई कतिपयले अर्थपूर्ण रूपमा लिएका छन् ।आज प्रधानमन्त्री शाहलाई भेटेर उनी भोलि बुधबार स्वदेश फर्किने छन् ।...

नेपालअखबार,काठमाडौं । प्रतिनिधिसभा अन्तर्गतका विभिन्न ५ वटा संसदीय समितिको बैठक आज बस्दै छ । कृषि तथा प्राकृतिक स्रोत समिति, पूर्वाधार विकास समिति, विधायन व्यवस्थापन समिति, सार्वजनिक नीति तथा प्रत्यायोजित विधायन समिति र संघीयता सवलीकरण तथा राष्ट्रिय सरोकार समितिको बैठक बस्दैछ । मंगलबार बिहान साढे ९ बजे बस्ने कृषि तथा प्राकृतिक स्रोत समितिको बैठकमा कृषि, वन तथा पर्यावरण मन्त्रालयद्वारा गठित मानव-वन्यजन्तु द्वन्द्व व्यवस्थापन प्राविधिक कार्यदलद्वारा तयार पारिएको प्रतिवेदन माथि छलफल हुने कार्यसूची छ । छलफलमा उठेका विषयवस्तुमाथि जवाफ  दिन समितिले कृषिमन्त्री, मन्त्रालयका सचिवलगायतलाई डाकेको छ । यस्तै बिहान १० बजे बस्ने पूर्वाधार विकास समितिको बैठकमा स्वतन्त्र ऊर्जा उत्पादकहरूको संस्था (इप्पान) र यसले भोग्नुपरेका समस्याहरूबारे छलफल गर्ने कार्यसूची छ । यस्तै बिहान साढे १० बजे बस्ने स...

नेपालअखबार,काठमाडौँ ।  कोशी प्रदेश सरकार सोमबार पुनर्गठन हुँदैछ। नेपाली कांग्रेस सरकारबाट बाहिरिएपछि नेपाली कम्युनिष्ट पार्टी (नेकपा) प्रदेश सरकारमा सहभागी हुन लागेको हो। नेकपाले सरकारमा पठाउने मन्त्रीहरूको नाम टुंगो लगाएको छ। नेकपाका अनुसार मोरङका जीवन आचार्यलाई भौतिक पूर्वाधार, इलामकी खिनु लङ्वा लिम्बूलाई वन, पर्यटन तथा वातावरण, सोलुखुम्बुका गोम्बु शेर्पालाई आन्तरिक मामिला तथा कानुन र मोरङकै गीता तिम्सिनालाई सामाजिक विकासमन्त्री बनाइने भएको छ। मोरङका आचार्य नेकपा संयोजक पुष्पकमल दाहाल 'प्रचण्ड' का ज्वाइँ हुन्। सुनसरीकी सपना परियारलाई राज्यमन्त्री बनाउने निर्णय भएको छ। नवनियुक्त मन्त्रीहरूको सोमबार अपराह्न ३ बजे शपथ हुने तयारी छ। नेकपामा मन्त्री बन्न चाहने सांसदको संख्या धेरै भएपछि नाम छनोटमा ढिलाइ भएको थियो। नेकपा कोशीका इन्चार्ज तथा पूर्वमुख्यमन्त्री राजेन्द्र राई, ...

नेपालअखबार,काठमाडौँ। शिक्षा तथा खेलकुदमन्त्री सस्मित पोखरेलसँग नेपालका लागि युरोपेली सङ्घ (इयू) का राजदूत भेरोनिक लोरेन्जोले शिष्टाचार भेट गरेकी छिन्। सिंहदरबारस्थित शिक्षा मन्त्रालयमा साेमबार भएको भेटमा नेपाल र इयूबीचको लामो समयदेखिको मैत्रीपूर्ण सम्बन्ध, शिक्षा क्षेत्रमा भइरहेको सहकार्य तथा आगामी दिनमा सहयोग र सहकार्य विस्तार गर्न सकिने क्षेत्रका विषयमा छलफल भएको थियो। त्यस अवसरमा मन्त्री पोखरेलले विद्यालय शिक्षाको सुधारका लागि मन्त्रालयले विभिन्न नीतिगत तथा संरचनागत काम अघि बढाइरहेको जानकारी दिए। उनले विद्यालय शिक्षासम्बन्धी महत्वपूर्ण नीतिगत दस्तावेजका रूपमा शिक्षा ऐन तथा प्राविधिक तथा व्यावसायिक शिक्षा ऐन अघि बढाइएको र सुधार गर्नुपर्ने विषयलाई पनि समेटिएको बताए। मन्त्री पोखरेलका अनुसार राष्ट्रिय पाठ्यक्रम प्रारूप परिमार्जनको कामसमेत अघि बढिरहेको छ। प्राविधिक तथा व्यावसायिक ...

नेपालअखबार, विराटनगर । नेपाली कम्युनिस्ट पार्टी (नेकपा) आज कोशी प्रदेश सरकारमा सहभागी हुने भएको छ । नेकपा एमाले र नेपाली कम्युनिस्ट पार्टीबीच साउन पहिलो साता भएको तीनबुँदे सहमतिपछि आज नेकपा प्रदेश सरकारमा सहभागी हुने तयारी गरेको हो । ९ मन्त्रालय रहेको प्रदेशमा नेकपाबाट ४ जना मन्त्री सहभागी हुनेछन् । मुख्यमन्त्रीसहित ५ मन्त्रालयको नेतृत्व एमालेले गर्नेछ। नेकपाभित्र आकांक्षी धेरै भएका कारण मन्त्री छान्नका लागि नेकपाका नेताहरू छलफलमा छन् । नेकपा संसदीय दलका नेता इन्द्रबहादुर आङ्बोका अनुसार दलले आजै सरकारमा पठाउने मन्त्री छान्नेछ । नेकपाले मन्त्री छानेपछि  आज दिउँसो ३ बजेपछि शपथ कार्यक्रमको तयारी गरिएको छ ।...

नेपालअखबार,काठमाडौं । संयुक्त अरब इमिरेट्स (यूएई) ले इरानले हर्मुज जलमार्गमा आफ्नो सरकारी तेल कम्पनी अबु धाबी नेसनल आयल कम्पनी (एडीएनओसी) को एक जहाजमाथि आक्रमण गरेको आरोप लगाएको छ। शुक्रबार हर्मुज जलमार्गबाट पार हुँदै गरेको एडीएनओसीको जहाजमाथि इरानले आक्रमण गरेको युएईले आरोप लगाएको हो। एडीएनओसीले घटनामा कुनै पनि व्यक्ति घाइते नभएको र अवस्था नियन्त्रणमा रहेको जनाएको छ। यूएईको विदेश मन्त्रालयले तेहरानलाई जहाजहरूमाथि आक्रमण तत्काल रोक्न तथा शत्रुता अन्त्य गरी र हर्मुज जलमार्ग पूर्ण रूपमा पुनः खोल्न आग्रह गरेको छ। घटनाबारे इरानले तत्काल कुनै प्रतिक्रिया जनाएको छैन। इरानको रिभोलुसनरी गार्ड्सले यसअघि हर्मुज जलमार्गबाट आवतजावत गर्ने जहाजहरू तेहरानका विरोधी देशसँग सम्बन्धित भए वा इरानका निर्देशन पालना नगरे कारबाही गर्ने चेतावनी दिँदै आएको छ। यो एक साताभन्दा कम अवधिमा एडीएनओसीका जहाज...

नेपालअखबार,काठमाडौँ। गृहमन्त्री सुधन गुरूङले सार्वजनिक लेखा समितिमा गृह सचिव राजकुमार श्रेष्ठ र आइजिपी दानबहादुर कार्कीमाथि भएको घटनामा आफ्नो ध्यानाकर्षण भएको बताएका छन्। प्रतिनिधि सभाको कानून, न्याय तथा मानव अधिकार समितिमा आज बोल्दै गृहमन्त्री गुरूङले गृह सचिव र आइजिपीमाथि गरिएको व्यवहार आफ्नो ध्यानाकर्षणमा रहेको बताए। ‘मेरो अनुपस्थितिमा गृह सचिव र नेपाल प्रहरीका आइजिपीलाई जुन व्यवहार सार्वजनिक लेखा समितिमा भयो, त्यसमा मेरो ध्यानाकर्षण भएको छ,’ उनले भने, ‘यो राम्रो भएन। उजुरीको भरमा न्यायाधीश बन्न मिल्दैन। आरोप लगाउन पाइयो भन्दैमा चरित्र हत्या गर्न पाइँदैन। यसबारे गृह मन्त्रालयको ध्यानाकर्षण भएको छ। हामी खुसी छैनौं।’ उनले आइजिपीको कामको आफू प्रत्यक्षदर्शी रहेको र गृह मन्त्रालयको निर्देशनमा दिनरात खटिरहेको बताएका थिए। लेखा समितिमा सत्तारूढ रास्वपा सांसद खगेन्द्र सुनारले गृहसचिव...

नेपालअखबार, काठमाडौँ । सभामुख डोलप्रसाद (डीपी) अर्यालले व्यावसायिक तथा पेसागत संस्थाभित्र राजनीतिक गतिविधि गर्न नहुने बताएका छन् ।  नेपाल एसोसिएसन अफ टुर एन्ड ट्राभल एजेन्ट्स (नाट्टा) को ५९औँ साधारण सभालाई शुक्रबार उद्घाटन समारोहलाई सम्बोधन गर्दै सभामुख अर्यालले नाट्टा व्यावसायिक संस्था भएकाले यसलाई राजनीतिक विवाद र स्वार्थबाट टाढा राख्नुपर्ने बताए । ‘यो व्यावसायिक संस्था हो, यसमा राजनीति नगरौँ । पर्यटन क्षेत्रको विकास, व्यवसायको प्रवर्द्धन र व्यावसायिक हितका विषयमा केन्द्रित भएर अघि बढौँ’ सभामुख अर्यालको भनाइ छ । सभामुख अर्यालले पर्यटकका लागि सबैभन्दा महत्त्वपूर्ण विषय सुरक्षा रहेको उल्लेख गर्दै हवाईजहाज, ट्याक्सी तथा होटललगायत पर्यटन सेवाका हरेक क्षेत्रमा पर्यटकले सुरक्षित महसुस गर्ने वातावरण बनाउनुपर्ने बताए । त्यसपछि मानिसको व्यवहार, सेवा र सुविधाले पर्यटकलाई आकर्षित गर्ने उनको भनाइ...