विदेश

नेपालअखबार,काठमाडौं ।भारतमा ग्यास सिलिण्डर पड्किएर सात जनाको मृत्यु भएको छ। भारतको पश्चिम बंगालको दक्षिण २४ परगना जिल्लाको पाथरप्रतिमामा एउटा घरमा खाना पकाउने ग्यास सिलिण्डर विस्फोट हुँदा ७ जनाको मृत्यु भएको बिबिसीले जनाएको छ। सुन्दरवनका एसपी कोटेश्वर रावले चार बालबालिका र दुई महिलाको घटनास्थलमै मृत्यु भएको बिबिसीलाई बताएका छन्। अर्का एक महिला गम्भीर घाइते भएका छन्। उनलाई उपचारका लागि अस्पताल भर्ना गराइएको र घटनाको अनुसन्धान भइरहेको त्यहाँको प्रहरीले जनाएको छ।...

नेपालअखबार,नयाँ दिल्ली । भारतको उत्तर प्रदेश राज्यको हापुडमा एक महिलाले ५० वर्षको उमेरमा १४ औँ सन्तानलाई जन्म दिएकी छन् ।हापुडको पिलखुवा थाना क्षेत्र अन्तर्गत बजरंगपुरीमा बस्दै आएका इमामुद्दीनकी पत्नी गुडियाले बिहीबार १४ औँ सन्तानका रूपमा छोरीलाई जन्म दिएकी हुन् । प्रसव वेदनापछि उनलाई स्थानीय सरकारी अस्पताल लगिएको थियो । उनको अवस्था गम्भीर रहेको भन्दै त्यहाँबाट जिल्लास्थित सरकारी अस्पतालमा पठाइएको थियो । एम्बुलेन्सबाट अस्पताल लैजाँदै गर्दा उनले छोरीलाई जन्म दिएकी हुन् । शुक्रबार अस्पतालबाट उनलाई घर पठाइएको भारतीय सञ्चारमाध्यमले जनाएका छन् । आमा र बच्चाको स्वास्थ्य अवस्था सामान्य रहेको जनाइएको छ ।गुडियाको पहिलो सन्तान २२ वर्षका छन् । उनका १४ सन्तानमध्ये तीन वटाको मृत्यु भइसकेको बताइएको छ ।...

नेपालअखबार, काठमाडौं ।म्यानमारमा भूकम्पमा मृत्यु हुनेको संख्या एक हजार ६ सय नाघेको छ। शुक्रबार दिउँसो राजधानी नेपिडो आसपास केन्द्रबिन्दु भएर गएको ७.७ म्याग्नेच्युडको भूकम्पमा परी मृत्यु हुनेको संख्या १ हजार ६४४ पुगेको बिबिसीले जनाएको छ। ३ हजार ४०८ जना गम्भीर घाइते भएका छन्। धेरै मानिसहरू बेपत्ता भएका छन्। भूकम्पले भत्काएका घरहरूले मानिसहरू पुरिएको बताइएको छ। उनीहरुलाई भग्नावशेषबाट उद्धार प्रयास भइरहेको बताइएको छ।  यद्यपि उद्धारका लागि आवश्यक उपकरण अभावका कारण धेरै मानिसहरूको उद्धार कुर्दाकुर्दै मृत्यु भएको बिबिसीले जनाएको छ। मानिसहरू हातैले भग्नावशेष पन्छाएर पुरिएकाहरूको उद्धार गर्न बाध्य भएका छन्। त्यसरी पनि केही मानिसहरूलाई जिवितै निकालिएको थियो। मन्डालेका एक स्थानीयले नागरिकहरू नै उद्धारमा जुटेको बताएका छन्। 'सरकारी उद्धार टोली समयमा आउँदैनन्। उनीहरुबीच समन्वय पनि छैन।...

नेपालअखबार,सिओल । दक्षिण कोरियामा अहिलेसम्मकै सबैभन्दा ठुलो डढेलोमा मृत्यु हुनेको संख्या २६ पुगेको छ । यसमा ३० जना घाइते भएका छन् जसमध्ये ८ जनाको अवस्था गम्भीर रहेको छ ।अधिकारीहरूले मृत्यु हुने अधिकांशको उमेर ६० देखि ७० वर्षको बिचमा रहेको जानकारी दिएका छन् । बुधबार डढेलो नियन्त्रणका लागि परिचालन गरेको हेलिकप्टर दुर्घटना हुँदा एक जना पाइलटको निधन भएको थियो । कम्तीमा ३ जना अग्नि नियन्त्रकहरूले पनि ज्यान गुमाइसकेका छन् । डढेलो नियन्त्रण गर्नका लागि हजारौँ अग्नि नियन्त्रकहरूका साथै सैनिक परिचालन गरिएको छ । डढेलो सांस्कृतिक सम्पदाहरूमाथि ठुलो खतरा बनेको छ । उइसोङ सहरमा आगलागीका कारण सन् ६१८ मा बनेको गौन्सा मन्दिर ध्वस्त बनेको छ । यो सो प्रान्तको सबैभन्दा ठुलो मन्दिरमध्ये एक थियो । यो डढेलो गत शुक्रबार सान्चेओङ काउन्टीबाट सुरु भएको थियो । हालसम्म यो थप ६ वटा काउन्टीमा फैलिसकेको छ । ती...

नेपालअखबार,लखनउ । एकै दिन दुई युवतीसँग बिहे गरेपछि बेहुला फरार भएका छन् । यसबारे प्रहरीमा उजुरी परेपछि उनी सम्पर्कविहीन भएको बताइएको छ ।भारतको उत्तर प्रदेश राज्यको गोरखपुरमा उक्त घटना भएको हो । हरपुर बुदहट क्षेत्रमा एक युवकले एकै दिन दुई युवतीसँग अलगअलग विवाह गरेका हुन् । बिहान प्रेमिकासँग ‘कोर्ट म्यारिज’ गरेका उनले बेलुका घर–परिवारले खोजेकी युवतीसँग धार्मिक परम्पराअनुसार विवाह गरेका हुन् । बिहान ‘कोर्ट म्यारिज’ गरेकी प्रेमिकाले यसबारे थाहा पाएपछि युवकको घरमै पुगेर आफूहरूको विवाह भइसकेको जानकारी गराएकी थिइन् । युवकका परिवारले ती युवतीलाई गालीगलौज गरेर त्यहाँबाट लखेटेका थिए । त्यसपछि ती युवती प्रहरी कार्यालयमा पुगेर घटनाबारे जानकारी गराइन् । प्रेमिकाका अनुसार उनीहरूबिच चार वर्षअघि चिनजान भएको हो । बिस्तारै आपसमा प्रेम सम्बन्ध बनेको र मन्दिरमा विवाहसमेत गरिसकेको ती युवतीको दाबी छ । ...

नेपालअखबार,काठमाडौँ । भारतको ओडिसामा एक वृद्धाले आफ्नै नातीलाई बेचिदिएको घटना सार्वजनिक भएको छ। गत बिहीबार ओडिसाको बादलिया गाउँकी ६५ वर्षीया मन्द सोरेन नाम गरेकी वृद्धाले आफ्नो ७ वर्षीया नातीलाई मात्रै २०० रूपैयाँमा बेचिदिएको भारतीय सञ्चारमाध्यमहरूले जनाएका छन्। इन्डिया टुडेका अनुसार वृद्धाले २०० रूपैयाँ लिएर आफ्नो नाती एउटा जोडीको जिम्मा लगाएकी थिइन्। गाउँलेहरूले थाहा पाएर प्रहरीलाई खबर गरिदिएपछि प्रहरीले बालकको उद्धार गरेर बाल हेरचाह गृह पठाएको थियो। त्यसपछि प्रहरीले घटनाको अनुसन्धान गरेको थियो। अनुसन्धानबाट वृद्धाले पैसाकै लागि नाती नबेचेको खुलेको छ। इन्डिया टुडेका अनुसार ती वृद्धाका घरजग्गा छैन। श्रीमान वर्षौंअघि बितिसकेका थिए भने छोरा बेपत्ता छन्। बुहारी पनि कोरोनाकालमा बितेकी थिइन्। उनले राज्यबाट पनि अहिलेसम्म कुनै सहायता नपाएको पाइएको भारतीय सञ्चारमाध्यमहरूले जनाएक...

नेपालअखबार,काठमाडौं । पाकिस्तानको बलुचिस्तान प्रान्तबाट अपहरणमा परेका ३०० जनालाई उद्धार गरिएको पाकिस्तानी सेनाले जनाएको छ । यस क्रममा ३३ अपहरणकारी मारिएका पनि छन् । मंगलबार क्वेटाबाट पेशाबरतर्फ जाँदै गरेको जाफर एक्सप्रेसको रेललाई बीच बाटोमा रोकेर बलुच लिबरेसन आर्मी (बीएलए)ले यात्रीहरुलाई अपहरण गरेको थियो । रेलमा करिब चार सय यात्रीहरु थिए । यात्रीको रुपमा १०० जना सैनिक पनि थिए । अपहरणकारीले २१ सर्वसाधारण र ४ सैनिकलाई गोली हानेर मारिदिएका बीबीसीले जनाएको छ । ३६ घण्टामा सकियो सैनिक अप्रेसन पाकिस्तानी सेनाले ३६ घण्टाको अपरेसनपछि सबै यात्रीहरुलाई सकुशल उद्धार गरिएको जनाएको छ । जति यात्रुहरुको मृत्यु भएको छ, ती अप्रेसन सुरु हुनुभन्दा अगाडि नै अपहरणकारीले मारेको सेनाका अधिकारीहरुको भनाइ छ । पाकिस्तानका सञ्चार मन्त्री अत्ता तरारले रेलमा कूल ४४० यात्रु रहेका र सेनाले सावधानी एवम् कुश...

नेपालअखबार,इस्लामावाद । पाकिस्तानमा हतियारधारी समूहले मंगलबार यात्रुवाहक एउटा रेल नियन्त्रणमा लिएको छ । समाचार एजेन्सीहरूका अनुसार ‘जाफर एक्सप्रेस’ नाम गरेको रेललाई ‘बलुच लिब्रेशन आर्मी’ नामक उग्रवादी संगठनले नियन्त्रणमा लिएको हो ।उक्त संगठनले रेलमा रहेका सुरक्षाकर्मीसहित यात्रीलाई नियन्त्रणमा लिइएको दाबी गरेको छ । उक्त रेल क्वेटाबाट पेशावरतर्फ जाँदै गरेको अवस्थामा लडाकु समूहले नियन्त्रणमा लिएको बताइएको छ । प्रान्तीय सरकारले स्थानीय प्रशासनलाई आपत्कालीन उपाय अवलम्बन गर्न निर्देशन दिएको समाचार एजेन्सीहरूले जनाएका छन् । बलुचिस्तान सरकारका प्रवक्ता शाहिद रिन्दले लडाकु समूहले रेलमा हमला गरेको पुष्टि गरे । यद्यपि, यस विषयमा उनले थप विवरण आउन बाँकी रहेको जनाएका छन् भौगोलिक विकटताका कारण सो क्षेत्रमा सरकारी अधिकारी तथा सुरक्षाकर्मी पुग्न समय लाग्ने उनको भनाइ छ । रेलवे विभागले सो क्षेत्रमा उ...

नेपालअखबार,काठमाडौं । पाकिस्तानको एक मदरसामा विस्फोट हुँदा कम्तीमा पाँचजनाको मृत्यु भएको छ । २० भन्दा बढी घाइते भएका छन् । उत्तरपश्चिम पाकिस्तानको खैबर पख्तुनख्वा प्रान्तमा रहेको तालिबान समर्थक धार्मिक विद्यालय भित्र रहेको दारुल उलुम हक्कानिया मदरसामा विस्फोट भएको हो । शुक्रबार प्रार्थनाको दिन भएकाले मदरसामा धेरेजना जम्मा भएका थिए । पाकिस्तानी सञ्चारसंस्थाहरूले जनाएअनुसार घाइतेहरूलाई सुरक्षाकर्मीले उद्धार गरेर उपचारका लागि अस्पताल पठाएका छन् । घाइतेमा केही बालबालिका पनि छन् । मदरसामा बसेर अध्ययन गर्ने बालबालिका र प्रार्थनाका लागि पुगेकाहरूलाई लक्षित गरेर विस्फोट गराइएको सञ्चारमाध्यमहरूले जनाएका छन् ।  विस्फोटको जिम्मा अहिलेसम्म कसैले लिएको छैन । पाकिस्तानमा आईसीसी च्याम्पियन्स ट्रफी चलिरहेको छ । विस्फोटको घटनापछि पाकिस्तानमा पुनः खेलाडीको सुरक्षालाई लिएर चिन्ता व्यक्त हुन थालेक...