Thursday, November 19

समाचार

बुटवलमा सुरु भयो साइबर सुरक्षा प्रतियोगिता, विजेतालाई एक लाख पुरस्कार
प्रविधि, समाचार, समाज

बुटवलमा सुरु भयो साइबर सुरक्षा प्रतियोगिता, विजेतालाई एक लाख पुरस्कार

नेपालअखबार,बुटवल । साइबर सुरक्षा तथा सूचना प्रविधिमा रुचि राख्ने विद्यार्थी, युवा तथा प्रविधिप्रेमीलाई लक्षित गरी बुटवलमा राष्ट्रियस्तरको नेपाल साइबरसिल्ड-२०२६ प्रतियोगिताको तयारी सुरु भएको छ । नेपालमा साइबर सुरक्षाप्रति युवाको रुचि र सीपलाई प्रोत्साहन गर्ने उद्देश्यले रोट्रयाक्ट क्लब अफ लुम्बिनी स्टार्सले ‘क्याप्चर द फ्ल्याग’ थिममा प्रतियोगिता आयोजना गरेको हो । साइबर सुरक्षासम्बन्धी व्यावहारिक ज्ञान, समस्या समाधान गर्ने क्षमता तथा प्राविधिक दक्षता परीक्षण गरिने प्रतियोगिताको पहिलो चरणको छनोट असोज १७ गते अनलाइन माध्यमबाट हुने कार्यक्रम संयोजक सन्देश आचार्यले पत्रकार सम्मेलनमा जानकारी दिए । प्रतियोगितामा एक्लै वा चार जनासम्मको टोली बनाएर सहभागी हुन सकिने उनले बताए । छनोट चरणमा उत्कृष्ट प्रदर्शन गर्ने १० टोली बीच आगामी कार्तिकमा फाइनल प्रतिस्पर्धा हुने आचार्यले बताए । प्रतियोगिता...
दोधारा चाँदनी र भीमदत्तनगरलाई जोड्ने झोलुङ्गे पुल चुँडियो, आवतजावत ठप्प
समाचार, समाज

दोधारा चाँदनी र भीमदत्तनगरलाई जोड्ने झोलुङ्गे पुल चुँडियो, आवतजावत ठप्प

नेपालअखबार,कञ्चनपुर । कञ्चनपुरको दोधारा चाँदनी र भीमदत्तनगरलाई जोड्ने महाकाली नदीमाथिको पुल चुँडिएको छ। बुधबार बिहान पुलको बिचको एक पोल महाकाली नदीले बगाएपछि पुल चुँडिएको हो। नेपालको सबैभन्दा लामो झोलुङ्गे पैदलयात्री पुलमध्ये एक मानिने यो पुललाई एसियाकै दोस्रो लामो झोलुङ्गे पुलका रूपमा समेत चिनिन्छ।पुलको लम्बाइ १ हजार ४५२।९६ मिटर र चौडाइ १.६ मिटर रहेको छ। महाकाली नदीले छुट्याएको दोधारा र चाँदनी क्षेत्रलाई जोड्ने यो पुलले भारत–नेपाल सीमासँग जोडिएको नेपाली भूभागमा आवतजावत सहज बनाउँदै आएको थियो।...
भोटेकोशी बाढी : कास्कीबाट पौने तीन करोड बढी सहयोग
प्रशासन, समाचार, समाज

भोटेकोशी बाढी : कास्कीबाट पौने तीन करोड बढी सहयोग

नेपालअखबार,कास्की । रसुवाको भोटेकोशी नदीमा गत भदौ १० गते आएको बाढीबाट प्रभावित परिवारको राहत, उद्धार तथा पुनःस्थापनाका लागि कास्कीबाट रु दुई करोड ८३ लाख ५३ हजार ९७७ सहयोग जुटेको छ । जिल्ला प्रशासन कार्यालय कास्कीका अनुसार विभिन्न सङ्घसंस्था, व्यवसायी, सामाजिक संस्था, क्लब, सहकारी, होटल तथा व्यक्तिहरूले राहतस्वरूप उक्त रकम प्रधानमन्त्री दैवी प्रकोप उद्धार राहत कोषमा जम्मा गरेका हुन् । सहायक प्रमुख जिल्ला अधिकारी चित्राङ्गत बरालका अनुसार हालसम्म जिल्लाका विभिन्न ८१ सङ्घसंस्थाबाट सहयोग गरिएको विवरण प्रशासनमा प्राप्त भएको छ । उनले सहयोगदाताहरूलाई आफूले प्रदान गरेको सहयोगको विवरण प्रशासनलाई जानकारी गराउन अनुरोध गरिएको बताए । “विपद् प्रभावित नागरिकका लागि जिल्लामा स्वतःस्फूर्त रूपमा ठूलो रकम जम्मा भएको छ । कतिपयले प्रशासनमा जानकारी गराएका छन् भने कतिपयले जानकारी नगराई आफ्नै हिसाबले समेत...
पृथ्वी र बीपी राजमार्ग एकतर्फी सञ्चालनमा
समाचार, समाज

पृथ्वी र बीपी राजमार्ग एकतर्फी सञ्चालनमा

नेपालअखबार,काठमाडौँ । बाढी र पहिरोका कारण अवरुद्ध भएका पृथ्वी र बीपी राजमार्ग एकतर्फी सञ्चालनमा आएका छन् । नेपाल प्रहरीका अनुसार पहिरो पन्छाएपछि यी राजमार्ग एकतर्फी सञ्चालनमा आएका हुन् । गण्डकी प्रदेशमा पनि पहिरोका कारण सडक सञ्जाल अस्तव्यस्त बनेको छ। मनाङको चामे-बेशिसहर, बागलुङको कालिगण्डकी करिडोर, म्याग्दीको बेनी–जोमसोम र बेनी–दरबाङ सडक खण्ड पूर्ण रूपमा बन्द छन्। मुस्ताङको जोमसोम–कोरला, पर्वतको मालढुङ्गा–बेनी, नवलपरासी पूर्वको कालिगण्डकी करिडोर, लमजुङको मध्य पहाडी लोकमार्ग र तनहुँको पृथ्वीराजमार्ग (घाँसीकुवा) मा पनि पहिरोले गर्दा यातायात पूर्ण रूपमा ठप्प भएको छ। यसैगरी लुम्बिनी प्रदेशको गुल्मीस्थित कालिगण्डकी करिडोर तथा कर्णाली प्रदेशको कालिकोटस्थित कर्णाली राजमार्ग (गगने खोला) र मुगुको नाग्म–गमगढी सडक खण्ड पनि पहिरोका कारण पूर्ण रूपमा अवरुद्ध भएका छन्। प्रहरी तथा स्थानीय प्रश...
डडेलधुरामा एक प्रहरी जवान मृत फेला
समाचार, समाज

डडेलधुरामा एक प्रहरी जवान मृत फेला

नेपालअखबार,धनगढी । डडेलधुरामा एक प्रहरी जवान मृत अवस्थामा फेला परेका छन्। बैतडीको सिगास गाउँपालिका–३ घर भएर जिल्ला प्रहरी कार्यालय डडेलधुरामा कार्यरत प्रहरी जवान ठगेन्द्रसिंह बोहरा मृत फेला परेका हुन्। चितवन दरबन्दी भएका बोहरा डडेलधुरामा कार्यरत थिए। उनी अमरगढी नगरपालिका–५ को ऋषि खोला सामुदायिक वनमा झुन्डिएको अवस्थामा मृत भेटिएको डडेलधुरा प्रहरीले जनाएको छ। प्रहरी स्रोतका अनुसार घटनाअघि उनले झुन्डिन लागेको तस्बिर समेत आफ्नी श्रीमतीलाई पठाएका थिए। श्रीमतीले जिल्ला प्रहरी कार्यालयमा खबर गरेपछि खोजी थालिएको थियो। खोजीका क्रममा उनी मृत भेटिएका हुन्। घटनाबारे अनुसन्धान भइरहेको प्रहरीले जनाएको छ।...
प्रतिनिधिसभाको बैठक बस्दै
राजनीति, समाचार

प्रतिनिधिसभाको बैठक बस्दै

नेपालअखबार,काठमाडौं । प्रतिनिधिसभाको बैठक आज बस्दैछ । बैठक बिहान १० बजे सिंहदरबारमा बस्ने छ । संघीय संसद सचिवालयका अनुसार आजको बैठकमा प्रधानमन्त्री वालेन्द्र शाहकोतर्फबाट कानुन, न्याय तथा संसदीय मामिलामन्त्री सोविता गौतमले ‘राष्ट्रिय प्रतिरक्षा विश्वविद्यालय विधेयक, २०८३’ प्रस्तुत गर्ने सम्भावित कार्यसूची छ । यसैगरी, बैठकमा कानुनमन्त्री गौतमले नै ‘केही नेपाल ऐनको व्यवस्था जगाउने विधेयक, २०८३’ माथि विचार गरियोस् भन्ने प्रस्ताव पनि प्रस्तुत गर्नेछिन् । बैठकमा शिक्षा, स्वास्थ्य तथा सूचना प्रविधि समितिका सभापति ओजस्वी शेरचनले राष्ट्रिय सभामा उत्पत्ति भएको ‘राष्ट्रिय विधि विज्ञान प्रयोगशाला (स्थापना र सञ्चालन) विधेयकसम्बन्धी समितिको प्रतिवेदन, २०८३’ प्रस्तुत गर्ने सम्भावित कार्यसूची पनि छ । त्यस्तै, पूर्वाधार विकासमन्त्री सुनिल लम्सालले ‘डिप्लोमा इन्जिनियरिङ परिषद् विधेयक, २०८३’ प्रस्तुत गर...
चाडपर्वमा खाद्यान्नको मूल्य बढ्न नदिन प्रशासनको सक्रियता
प्रशासन, समाचार, समाज

चाडपर्वमा खाद्यान्नको मूल्य बढ्न नदिन प्रशासनको सक्रियता

नेपालअखबार,झापा । दसैँ, तिहार र छठ पर्व नजिकिएसँगै झापामा खाद्यान्नको मूल्यवृद्धि, कृत्रिम अभाव तथा कालोबजारी रोक्न जिल्ला प्रशासन कार्यालयले बजार अनुगमनलाई तीव्र पारेको छ । चाडपर्वका समयमा दैनिक उपभोग्य वस्तुको माग बढ्ने भएकाले बजारमा कृत्रिम अभाव सिर्जना गरी मूल्य बढाउने तथा कालोबजारी गर्ने प्रवृत्ति नियन्त्रण गर्न प्रशासनले सरकारी स्वामित्वका संस्थानसँग समन्वय गरी खाद्यान्नको सहज आपूर्तिको व्यवस्था मिलाएको हो । प्रमुख जिल्ला अधिकारी श्रवणकुमार पोखरेलले चाडपर्वका समयमा बजारमा खाद्यान्नको अभाव तथा कालोबजारी हुन नदिन नियमित बजार अनुगमनलाई प्रभावकारी बनाइने बताए । उनले सरकारी संस्थानसँग समन्वय गरी सहुलियत दरमा दैनिक उपभोग्य वस्तुको बिक्रीवितरणको व्यवस्था मिलाइएको जानकारी दिए । “चाडपर्वका बेला बजारमा अभाव र कालोबजारी हुन नदिन सरकारी संस्थानसँग समन्वय गरेर सहुलियत दरमा दैनिक उपभोग्य ...
चीनमा एकैदिन चार ठूला उच्चगतिका रेलमार्ग सञ्चालन
प्रविधि, विश्व, समाचार

चीनमा एकैदिन चार ठूला उच्चगतिका रेलमार्ग सञ्चालन

नेपालअखबार, बेइजिङ । चीनले एकैदिन चार ठूला उच्चगतिका रेलमार्ग सञ्चालनमा ल्याएको छ । सञ्चालनमा आएका नयाँ रेलमार्गहरुमा हेबेई प्रान्तको स्युङआनदेखि हेनानको साङछिउ, शान्सीको सिआनदेखि आनकाङ, हुबेईको यिछाङदेखि सिङसान र हेइलोङजियाङको हार्बिनदेखि यिछुन छन् । यी नयाँ रेलमार्गले चीनका विभिन्न क्षेत्रबीचको यातायात सम्पर्क थप सहज बनाउनुका साथै क्षेत्रीय आर्थिक विकासमा समेत योगदान पुर्‍याउने अपेक्षा गरिएको चिनियाँ समाचार एजेन्सी सिन्ह्वाले जनाएको छ । चीन विश्वकै सबैभन्दा ठूलो उच्चगतिको रेल सञ्जाल भएको देश हो । उत्तरी चीनमा रहेको स्युङआन–साङछिउ खण्डको मुख्य रेलमार्ग ५५२ किलोमिटर लामो छ । यो रेलमार्ग स्युङआन नयाँ क्षेत्र हुँदै हेबेई, शानडोङ र हेनानका विभिन्न शहर जोड्दै साङछिउ पुग्छ । चीन रेलवे बेइजिङ ग्रुपका अनुसार यस खण्डमा रेल सञ्चालन भएपछि स्युङआनदेखि साङछिउसम्मको यात्रा समय घटेर २ घण्टा २७ म...
कर्णालीमा साउनयता १७५ विपद्‍का घटना, १० जनाको मृत्यु
समाचार, समाज

कर्णालीमा साउनयता १७५ विपद्‍का घटना, १० जनाको मृत्यु

नेपालअखबार, सुर्खेत । कर्णाली प्रदेशमा प्राकृतिक विपद्का घटनाले जनधनमा क्षति पुगेको छ । प्रदेशका १० जिल्लामा साउनयता मात्रै १७५ वटा विपद्का घटना भएका छन्। ती घटनामा १० जनाको मृत्यु, ३१ जना घाइते र दुई जना बेपत्ता भएका छन्। विपद्का कारण १५२ घरधुरी विस्थापित भएका छन् भने २१ वटा उद्योगमा क्षति पुगेको प्रदेश प्रहरीले जनाएको छ। प्रदेश प्रहरीको तथ्यांकअनुसार साउनयता पहिरोका घटना सबैभन्दा धेरै भएका छन्। यस अवधिमा ११८ वटा पहिरोका घटना भएका छन्। यस्तै बाढीका ४२, आगलागीका १७, अविरल वर्षाका ५४ तथा चट्याङ र हावाहुरीका सात–सात वटा घटना भएका छन्। वर्षायाममा लगातार पानी पर्दा पहाडी जिल्लाका सडक तथा ग्रामीण बस्तीमा पहिरो जाने क्रम बढेको प्रहरीले जनाएको छ। बाढी र पहिरोका कारण सडक अवरुद्ध हुँदा यातायात सेवा प्रभावित हुनुका साथै कतिपय बस्तीमा दैनिक उपभोग्य वस्तुको आपूर्तिसमेत प्रभावित हुने गरेको छ। ...
बेलायतको अमेरिकी सैन्य अड्डानजिक शंकास्पद गतिविधिको आरोपमा ५ जना पक्राउ
विश्व, समाचार

बेलायतको अमेरिकी सैन्य अड्डानजिक शंकास्पद गतिविधिको आरोपमा ५ जना पक्राउ

नेपालअखबार, काठमाडौँ । बेलायतस्थित अमेरिकी सैन्य अड्डामा शंकास्पद गतिविधि गरेको आरोपमा ५ जना पक्राउ परेका छन्। आरएएफ फेयरफोर्ड हवाई आधार नजिकैको ह्वेलफोर्ड क्षेत्रबाट पाँच जना पक्राउ परेको अन्तर्राष्ट्रिय सञ्चारमाध्यमहरूले लेखेका छन्। अमेरिकी वायु सेनाको ५०१ औं कम्ब्याट सपोर्ट विंग र ४२० औं एयस बेस स्क्वाड्रनको मुख्यालय रहेको क्षेत्रमा आतंकवादी गतिविधि गरेको आरोपमा उनीहरूलाई पक्राउ गरिएको हो। इरानविरुद्धको युद्धमा अमेरिकी बमवर्षकहरूले यही सैन्य अड्डा प्रयोग गरेका थिए। लन्डनको मेट्रोपोलिटन प्रहरीले आइतबार बिहान करिब १२:४५ बजे तीनवटा शंकास्पद ट्रक हवाई आधारतर्फ जाँदै गरेको सूचना पाएपछि कारबाही गरिएको जनाएको छ। पक्राउ परेका पाँचै जनालाई प्रारम्भमा विस्फोटक पदार्थसम्बन्धी कानुन उल्लंघन गरेको आशंकामा नियन्त्रणमा लिइएको थियो। ती ट्रकहरू बेलायतको स्वामित्वमा रहेको तर अमेरिकी सेन...