समाज

नेपालअखबार,काठमाडौँ ।  हाल मनसुनको न्यून चापीय रेखा सरदर स्थानको आसपास रहेको मौसम पूर्वानुमान महाशाखाले जनाएको छ । आज दिउँसो देशभर साधारणतया बदली हुनेछ । कोशी, वाग्मती, गण्डकी र लुम्बिनी प्रदेशलगायत देशका पहाडी भेगका केही स्थानमा र तराईका केही भागमा मध्यम वर्षाको सम्भावना छ । कोशी, वाग्मती र गण्डकी प्रदेशका पहाडी भेग तथा लुम्बिनी प्रदेशका तराई एवं पहाडी क्षेत्रका एकदुई स्थानमा भारी वर्षाको सम्भावना छ । महाशाखाका अनुसार आज राति देशका पहाडी भागमा साधारणतया बदली रही बाँकी भागमा आंशिक बदली हुनेछ । साथै पहाडी भागका केही स्थानमा मध्यम वर्षाको सम्भावना छ । गण्डकी र सुदूरपश्चिम प्रदेशका पहाडी भेगका एकदुई स्थानमा भारी वर्षा हुनसक्ने छ । महाशाखाले वर्षाका कारण देशका पहाडी भागमा पहिरो तथा गेग्रान बहाव (डेब्रिज फ्लो)को जोखिम रहेको, ठूला तथा साना नदीनाला र खोलाहरूमा पानीको सतह बढ्न सक्ने त...

नेपालअखबार,काठमाडाैँ । एथेल क्याटरह्याम संसारकै सबैभन्दा वृद्ध जीवित महिला बनेकी छिन्। इङ्गल्याण्डको सरेमा बस्ने क्याटरह्याम अहिले ११६ वर्षकी छिन्।यसअघि यो रेकर्ड ब्राजिलियन नन सिस्टर इना क्यानबेरा लुकासको नाममा थियो। उनको निधनपछि अब क्याटरह्यामलाई संसारकै सबैभन्दा वृद्ध जीवित व्यक्तिका रूपमा मान्यता दिइएको हो। क्याटरह्यामको जन्म २१ अगस्ट १९०९ मा भएको थियो। उनको जन्म टाइटानिक दुर्घटनाभन्दा तीन वर्ष अगाडि र रुसी क्रान्तिभन्दा आठ वर्ष अगाडि भएको हो। जीवनयात्रामा उनले दुवै विश्वयुद्धका कठिन क्षणहरू प्रत्यक्ष देखेकी छिन्। ११६ वर्ष पार गरेकी क्याटरह्याम अहिले स्वस्थ्य अवस्थामै जीवन बिताइरहेकी छिन्। उनको लामो आयु र जीवनअनुभवलाई सम्मान गर्न विभिन्न अन्तर्राष्ट्रिय संचारमाध्यमहरूले रिपोर्ट प्रकाशित गरेका छन्।...

नेपालअखबार,काठमाडौँ ।  खडेरीले रोपाइँ गर्न नपाएका किसानको सहायतार्थ गोलबजार नगरपालिका वडा नम्बर २ निपनियामा डिप बोरिङ गरिएको छ। ७० लाखको लागतमा डिप बोरिङ गरिएको हो। साथै १० हजार लिटर क्षमताको ट्याङ्की पनि निर्माण गरिएको छ। कमला सिँचाइ कार्यालययका अनुसार यो बोरिङबाट ७० बिघामा सिँचाइ सेवा उपलब्ध हुनेछ। बुधबारदेखि प्रारम्भ भएको बोरिङ सेवाको पूर्वमन्त्री लीलानाथ श्रेष्ठले उद्घाटन गरेका छन्। त्यस अवसरमा गोलबजार नगरका प्रमुख श्यामकुमार श्रेष्ठले हालसम्म ६ वटा डिप बोरिङ खनिएको बताए।...

नेपालअखबार, टोकियो । जापान प्रहरीले उत्तरी अकिता प्रिफेक्चरबाट आफ्नै पिताको हत्या गरेको आरोपमा मंगलबार ५१ वर्षका फुजियुकी शिन्दोलाई पक्राउ गरेका छन् । ९३ वर्षका फुजियोशी शिन्दो भालुको आक्रमण परेर मरेको ठानिएको थियो । वृद्ध पतिलाई पत्नीले भुँइमा रगतमा लतपतिए बेहोस अवस्थामा भेटेकी थिइन् । सो आक्रमणलाई भालुले गरेको हुन सक्ने मानेर प्रहरीले पनि मेलमा स्थानीय बासिन्दालाई अलर्ट पठाएको थियो । तर अनुसन्धानका क्रममा वृद्धको शरीरमा भएका चोट चक्कु प्रहारसँग मेल खाने खालको पाइयो । उत्तरी जापानमा भालुको आक्रमण पछिल्लो समय बढेको छ । वृद्ध जनसंख्या धेरै भएको अनि खेतियोग्य जमिन खुम्चिँदै गएकोले पनि जंगली जनावरहरूले आफ्नो बासस्थान विस्तार गरेर मानव बस्ती नजिकसम्म ल्याइ पुर्‍याएका छन् । शिन्दो आफ्नो मातापिताको साथमा बस्थे । आक्रमणको समयमा आफूले घरमा खासै असामान्य केही नदेखेको उनले प्रहरीलाई शुरु...

नेपालअखबार, नुवाकोट। नुवाकोटमा बाँदर धपाउन जाँदा एक पुरूषको हृदयघात भएर मृत्यु भएको छ। पन्चकन्या गाउँपालिका-२ कविलास कोटथोकका ५८ वर्षीय गोकर्ण नेपालीको बुधबार बिहान मृत्यु भएको हो। जिल्ला प्रहरी कार्यालय नुवाकोटका एसपी दुर्गाराज रेग्मीका अनुसार नेपाली बाँदर धपाउन भनेर गएका थिए। त्यही बेला हृदयघात भएको एसपी रेग्मीले बताए। ‘प्रेसर र पहिले पनि हृदयघात भएका बिरामी रहेछन्। बाँदर धपाउन भनेर जाँदा हृदयघात भएको भनेर परिवारले भनेका छन्,’ उनले भने। बाँदरले आक्रमण गरेको कुनै चोट भने नरहेको प्रहरीले जनाएको छ। हृयदघातबाट अचेत भएपछि परिवारले उनलाई काठमाडौंस्थित अस्पताल ल्याउँदै थियो। त्यसक्रममा बाटोमै मृत्यु भएपछि अन्त्येष्टिका लागि फिर्ता लगिएको थियो। ‘बाँदरले आक्रमण नै गरेर मृत्यु भएको हो कि भनेर बुझेका थियौं। तर आक्रमण नै भएको होइन रहेछ। धपाउन जाँदा चाहि हृदयघात भएको हो,’ एसपी रे...

नेपालअखबार, सप्तरी । सप्तरीको राजगढ गाउँपालिका ५ का अध्यक्ष देवेन्द्र साहको निधन भएको छ। उनको ७० वर्षको उमेरमा निधन भएको हो। अर्बुद रोगबाट पीडित उनको उपचारका क्रममा चिवनको भरतपुर क्यान्सर अस्पतालमा बुधबार बिहान निधन भएको सोही गाउँपालिकाकी उपाध्यक्ष रेणुदेवी मण्डलले जानकारी दिइन्। साह २०७९ वैशाखमा भएको स्थानीय तह निर्वाचनमा जनता समाजवादी पार्टीबाट उम्मेदवार भई निर्वाचित भएका थिए। उनी तीन वर्षदेखि क्यान्सरबाट पीडित थिए। उनका दुई छोरा र तीन छोरी छन्।...

नेपालअखबार,चितवन। करेन्ट लगाइ संरक्षित वन्यजन्तु एकसिंगे गैडा मारेको अभियोगमा माडीका किसान हरिभक्त श्रेष्ठलाई पूर्पक्षका लागि थुनामा पठाउन आदेश भएको छ। चितवन जिल्ला अदालतका न्यायाधीश दयाराम ढकालको इजलासले श्रेष्ठलाई थुनामा पठाउन आदेश दिएको हो। गत साउन २१ गते चितवनको माडीमा बाली जोगाउन छाडिएको करेन्ट लागेर एकसिंगे गैंडाको मृत्यु भएको थियो। माडी–२ भैरवपुरका किसान हरिभक्त श्रेष्ठको खेतमा करेन्ट छोडिएको तारमा गैंडा अल्झिएको थियो। गैंडा मरेपछि चितवन राष्ट्रिय निकुञ्ज प्रशासनले सोही दिन हरिभक्तलाई नियन्त्रणमा लिएको थियो। सरकारी वकिलको कार्यालयले सोमबार मात्रै जिल्ला अदालतमा उक्त मुद्दा अभियोजन गरेको थियो। हरिभक्तलाई राष्ट्रिय निकुञ्ज तथा वन्यजन्तु संरक्षण ऐन, २०२९ अनुसार करेन्ट लगाई संरक्षित वन्यजन्तु एकसिंगे गैडा मारेको अभियोग लगाइएको थियो।...

नेपालअखबार,अबुजा । नाइजेरियाको उत्तरपश्चिमी राज्य कात्सिनाको उन्गुवान मान्टाउ सहरमा अज्ञात बन्दुकधारीहरूले एक मस्जिदमा आक्रमण गरेर कम्तीमा २७ जनाको हत्या गरेका छन् । ठुलो सङ्ख्यामा मानिसहरू मस्जिदमा भएको समयमा मंगलबार बिहानको नमाजको समयमा यो आक्रमण भएको थियो । स्थानीय प्रशासनका अनुसार, अहिलेसम्म कुनै पनि संगठनले आक्रमणको जिम्मेवारी लिएको छैन । तर यस क्षेत्रमा किसान र गोठालाहरू बिच जमिन र पानीलाई लिएर लामो समयदेखि तनाव चलिरहेको थियो । सञ्चार माध्यमहरूमा छापिएका समाचारलाई पत्याउने हो भने, यो विवादका कारण प्रायः हिंसात्मक झडप र हत्याहरू हुने गरेका छन् । यस आक्रमण पछि बढ्दो तनावलाई ध्यानमा राख्दै, अरु आक्रमण हुन नदिन सो क्षेत्रमा सेना र प्रहरीलाई क्षेत्रमा तैनाथ गरिएको राज्य आयुक्त नासिर मुआजुले बताए । वर्षाको समयमा, बन्दुकधारीहरू प्रायः खेतमा बालीनालीहरू बीचमा लुकेर गाउँहरूमा आक्र...

नेपालअखबार, सिरहा । जिल्लामा सिँचाइका लागि गाडिएका चार सय ३३ वटा डिप बोरिङमध्ये आधाभन्दा बढी हालसम्म सञ्चालनमा आउन सकेका छैनन् । कृषि ज्ञान केन्द्रका अनुसार प्राविधिक संरचना, विद्युत् ट्रान्सफर्मर, पाइपलाइनको अभाव र स्थानीय समिति गठनमा चासो नहुनुजस्ता प्रमुख कारणले बोरिङ सञ्चालनमा आउन नसकेका हुन् । केन्द्र प्रमुख नरेन्द्रकुमार महासेठले यहाँको गोलबजार नगरपालिकामा गाडिएका एक यस ५४ डिप बोरिङमध्ये ३२ वटा, धनगढीमाई नगरपालिकामा २४ मध्ये १७, भगवानपुर र नवराजपुर गाउँपालिकामा सात–सात वटा बोरिङमध्ये पाँच–पाँच, कर्जन्हा नगरपालिकामा २८ मध्ये १६, विष्णुपुर गाउँपालिकामा पाँचमध्ये तीन र सखुवानन्कारकटी गाउँपालिकामा १० वटामध्ये एउटासमेत सञ्चालनमा नआएको बताए । यस्तै बरियारपट्टी गाउँपालिकामा १७ मध्ये १०, मिर्चैया नगरपालिकामा ३३ मध्ये २४, अर्नमा गाउँपालिकामा १५ मध्ये १४, सिराहा नगरपालिकामा २६ मध्ये १...

नेपालअखबार,काठमाडौं । नेपाली कांग्रेसका युवा नेता तथा समाजसेवी अबुल हुसेन अन्सारीले नेपाल महिला संघ केन्द्रीय समितिलाई  एक थान ल्यापटप र एक सेट मोबाइल फोन नेपाल महिला संघलाई  सहयोग प्रदान गर्नु भएकाे छ । महिला संघको चौथो महाधिवेशन तयारीलाई लक्षित गर्दै नेता अन्सारीले उक्त सहयोग सामग्री महिला संघकी अध्यक्ष उषा राउतलाई औपचारिक रूपमा हस्तान्तरण  गर्नु भयाे । यस सहयोगका लागि महिला संघले अन्सारीप्रति हार्दिक आभार प्रकट गरेको छ।...