प्रदेश ४

मोहसिन अलि मियाँगोरखा । गण्डकी गाउँपालिका ६ भुम्लिचोकका दिनेश चेपाङ उमेरले २१ बर्ष लागे । गाउँभरीका युवा विदेशीने क्रम बढेसंगै केहि समययता उनलाई घर र आफन्तको पनि दवाव बढ्दै थियो । गाउँमै बसेर केहि गर्ने सोच नभएपनि हातमा सीप नभएकाले के गर्ने भन्ने अन्योलता थियो । परिवारको आर्थिक समस्याका कारण गाउँबाट बाहिर गएर सीप सिक्न असमर्थ रहेका चेपाङ बुधबार गाउँकै एक कार्यक्रममा भन्दै थिए ‘जिवनमा केहि गर्न सक्दिन कि भन्ने चिन्ता थियो, अब आशा पलाएको छ ।’ गाउँका धेरैजसो साथीभाई पैसा कमाउन भन्दै विदेशिएका छन् । तर अवसर पाए आफ्नै गाउँमा केहि गर्न सक्ने सपना बुनेका चेपाङले सम्भावनाको ढोका खुलेको बताउछन् । हाउस वाइरिङ तालिमको प्रमाणपत्र लिदै उनले भने ‘अब म गाउँमै बसेर काम गर्छु, हातमा एउटा सीप भयो, आफुले सिकेको सीपको सदुपयोग यहि गर्छु ।’ उनीसंगै गाउँका अन्य ३ जनाले समेत ४५ दिने हाउस वाइरिङको तालिम लि...

गोरखा । राज्यले अपाङ्गता भएका व्यक्तिहरुका लागि दिएको अधिकार नारामा मात्र सिमित रहेको एक कार्यक्रमका सहभागीहरुले बताएका छन् । ह्यान्डिक्याप ईन्टरनेशल फेडेरेशनको सहयोगमा एकिकरण नेपाल गोरखाले सञ्चालन गरेको ‘स्वास्थ्य र सामाजिक सुरक्षा अपाङ्गता भएका महिला तथा बालबालिकाहरुको पहुँचमा सहजीकरण परियोजना’ ले गरेको छलफल कार्यक्रममा बोल्दै सरोकारवालाहरुले कानूनले निर्दिष्ट गरेको व्यवस्था व्यवहारमा लागु हुन नसकेको बताएका हुन् । ‘गोरखाका अधिकाशं कार्यालयहरु अपाङ्गतामैत्री छैनन्, अपाङ्गता भएकाहरुका लागि शौचालयहरु बन्न सकेका छैनन' नेत्रहिन संघ गोरखाका अध्यक्ष पवन बस्नेतले भने 'यातायातमा सहुलियत छ । न अन्य सुेवा सुबिधामा अपाङ्गता भएकाहरुको प्रतिनिधित्व नै हुन्छ ।’ अधिकाशं सरकारी कार्यालयका प्रमखको कार्यकक्ष माथिल्लो तल्लामा हुँदा अपाङ्गता भएका व्यक्तिहरुले सेवा सुबिधा लिन समस्या भएको उनले बताए । स...

पर्वत– प्याजको अभाव झेल्दै आएका पर्वतवासीले यसको विकल्पमा विभिन्न चीज प्रयोग गर्न थालेका छन् । मुख्यगरी तरकारीजन्य परिकार, मासुजन्य परिकार, अचार, मःम, चुकौनी लगायतमा प्याजको प्रयोग हुने गर्दछ । प्याजको विकल्पमा जिरा, मेथी लगायत अन्य चिज प्रयोग गर्न थालिएको सदरमुकामस्थित हिमाल होटलका सञ्चालक झलक आचार्यले जानकारी दिए । उनले भने “तरकारी तथा अचारमा प्याजको सट्टा जिरा, मेथी, दालमा लम्बु, प्रयोग गर्न सुरु गरेका छौ ।” कुखुराको मासु र प्याजको मूल्यसमेत बराबरी जस्तै भएपछि होटलमा खान आउने ग्राहकलाई समेत प्याज प्रयोग नहुने परिकार खान आग्रह गरिदै आएको छ । पर्वतको ठूलीपोखरीकी राधा सापकोटाले भने, “घरमा लगाएको प्याज असारमै सकियो । बजारमा महङ्गीले प्याज किनिसाध्ये छैन । अहिले लसुन, मेथी, जिरा पड्काउन थालिएको छ ।” कटुवाचौपारीकी शोभा ढकालले पनि प्याज राखेको परिकार नखाएको लामो समय भएको बताइन् । ...

गोरखा । गोरखा नगरपालिका–१ ताप्लेका १९२ जनाको निशुल्क आँखा जाँच गरिएको छ । गोरखा नगरपालिका र लायन्स क्लव अफ गोरखाको आयोजनामा आइतबार भएको शिविरमा उनीहरुको आँखा परीक्षण गरिएको हो । आँखा जाँच गराउनहरुमा पूरुषको तुलनमा महिला दोब्बर बढि देखिएका छन् । सो अवसरमा १२१ महिलाले र ७१ पूरुषले आँखा जाँच गराएको वडा नम्बर १ का अध्यक्ष हिक्मतबहादुर कुँवरले जानकारी दिए । परीक्षण गराएका मध्ये ९ जनामा मोतिबिन्दुको समस्या देखिएको छ । शिविर विरामीहरुका लागि निशुल्क औषधी र चस्मा वितरण गरिएको थियो । मोतिविन्दु भएका विरामीहरुको पनि क्रमश अपरेसन गर्दै लैजाने तयारी गरिएको छ । गोरखा नगरपालिकाले क्रमश हरेक वडामा उक्त शिविर गर्ने योजना बनाएको छ । ‘कोही पनि नगरबासीले आँखाको समस्याका कारण दुखः पाउनु नपरोस्’ नगरप्रमुख राजनराज पन्तले भने ‘सोही अनुरुप गोरखा नगरपालिकका १४ वटै वडामा शिविर सञ्चालन गर्न लागेका हौं ।’ ...

मोहसिन अलि मियाँगोरखा । इतिहासमा गोरखाले कसैलाई अन्याय नगरेको संस्कृति, पर्यटन तथा नागरिक उडड्यन मन्त्री योगेश भट्टराईले बताएका छन् । ‘न्याय नपाए गोरखा जानू’ भन्ने उखान सम्झदै उनले भने ‘गोरखा इतिहास हो, गोरखाले कहिल्यै अरुलाई अन्याय गर्दैन, बरु अरुलाई न्याय दिलाउछ ।’ पूर्खाले जोगाएको नेपाली भूमिमा छिमेकीले आँखा लगाएको मन्त्रीले भट्टराईले बताए । भीमसेन थापाको स्मृतिमा गोरखा नगरपालिकाले निर्माण गरेको पार्क उद्घाटन तथा शालिक अनावरण गर्दै मन्त्री भट्टराईले भारतका कारण सिमा क्षेत्रमा बर्षेनी समस्या हुने गरेको बताएका हुन् । ‘हाम्रा पूर्खाले ब्रिटिसलाई जितेर जोगाएको भूमिमा अहिले छिमेकीको आँखा परेको छ’ उनले भने ‘कहिले कालापानी दुख्छ त कहिले लिपुलेक, अब कुटनीतिक रुपमा सिमा विवाद मिलाउनुपर्छ ।’ देशका लागि भीमसेन थापाले गरेको योगदानका बारे आफुले स्कुले जिवनका कितावमा पढेको स्मरण गर्दै मन्...

गाेरखा : भीमसेन थापाको सम्झनामा गोरखा नगरपालिकाले निर्माण गरिएको पार्क र शालिकको संस्कृति पर्यटन तथा नागरिक उड्डयनमन्त्री योगेश भट्टराईले उद्घाटन एवं अनावरण गरेका छन् । गोरखा नगरपालिका वडा नम्बर ४ पिपलथोकमा निर्माण गरिएको भीमसेन पार्क र उनको शालिकको मन्त्री भट्टराईले शनिबार एक कार्यक्रमका बिच अनावरण गरेका हुन् । गोरखा नगरपालिकाको २२ लाख ८४ हजार रूपैयाँ लगानीमा शालिक निर्माणमा भएको हो । पार्क भित्र झण्डै ५ फिट अग्लो शालिक निर्माण गरिएको छ । करिब साडे ३ रोपनी क्षेत्रफलमा फैलिएको पार्कले आन्तरिक तथा बाह्य पर्यटक आकर्षित गर्ने अपेक्षा गरिएको नगरप्रमुख राजनराज पन्तले बताए ।...

गोरखा । गोरखा नगरपालिकाले निर्माण गरेको भीमसेन थापाको शालिक अनावरण संस्कृति, पर्यटन तथा नागरिक उड्डयन मन्त्री योगेश भट्टराईले गर्ने भएका छन् । गोरखा नगरपालिका ४ स्थित भिमसेन पार्कमा निर्माण गरिएको शालिकको आउदो शानिबार एक कार्यक्रमका बिच मन्त्री भट्टराईले अनवरण गर्ने भएका हुन् । राष्ट्रिय विभूती भीमसेन थापाले नेपाल राज्यको एकिकरण र रक्षाका निम्ति महत्वपूर्ण योगदान पु¥याएको भन्दै उनको सम्मानमा नगरपालिकाले पार्कभित्र पूर्णकदको सालिक निर्माण गरेको हो । ‘गोरखाको मुख्य चिनारी भनेको इतिहास हो’ नगरप्रमुख राजनराज पन्तले भने ‘नेपाल एकिकरणदेखिका इतिहास हामीसंग छन्, अब यसैको संरक्षण र प्रचार गरेर पर्यटक भित्राउने हाम्रो लक्ष्य हो ।’ ऐतिहासिक धरोहरहरुको संरक्षणमा बिशेष कार्ययोजना सहित अघि बढेको नगरपालिकाले जनाएको छ । करिब २० लाख लागतमा निर्माण भएको ५ फिट १० इन्च अग्लो पूर्णकदको सालिक नविन आर्टसले तय...

मोहसिन अलि मियाँ गोरखा । वडा कार्यालयको भवन नहुँदा चुमनुब्री गाउँपालिका ७ मा समस्या भएको छ । भएको भवन गत बर्षको हावाहुरीले उडाएपछि छेकमपारमा रहेको गुम्बाबाट कार्यालयले सेवा दिनुपर्ने बाध्यता छ । साविक छेकमपार ६ ल्हारमा रहेको वडा कार्यालय भवनमा अघिल्लो बर्षको हावाहुरीले पूर्ण क्षती पुरयाएपछि हाल चुम गुम्बाबाट वडा कार्यालयको काम चलाउनु परेको हो । ‘भएको भवन हावाले उडायो’ वडाध्यक्ष पासाङ फुञ्जो लामाले भने ‘के गर्ने भवन छैन भनेर सेवा रोक्ने कुरा भएन, अहिले गुम्बाबाट सेवा दिइरहेका छौ ।’ भूकम्पले भत्काएको साविकको गाविस भवनलाई पुनर्निमाण गर्न भन्दै छेकमपार पुगेको पिन नामक संस्थाले अघिल्लो बर्ष मात्रै वडा कार्यालय बनाइदिएको थियो । तर निर्माण भएकै बर्ष हुरीले छानोसंगै भवनमा क्षती पु¥याएपछि वडा कार्यालयको बिचल्ली परेको हो । ‘भवन बनाउन अरु संस्था पनि आएका थिए, पिन भन्ने संस्थाले हामी बनाइदिन्छौ भनेर ज...

गोरखामा बिभिन्न कार्यक्रम गरी ७० औं विश्व मानवअधिकार दिवश मनाइएको छ । दिवशको अवसरमा मानव अधिकार तथा शान्ति समाज गोरखाले जिल्ला प्रशासन चोकमा धर्ना दिएको छ । भारतले नेपालको सिमा मिचेको बिरोधमा समाजले धर्ना दिएको हो । नेपालको लिपुलेक, कालापानी, लिम्पिया धुरा लगायतका भुमी मिचेको विरोधमा धर्ना दिइएको समाजका केन्द्रिय अनुसन्धान संयोजक स्थानेश्वर दुवाडीले जानकारी दिए । धर्ना कार्यक्रममा मानव अधिकारकर्मी, सञ्चारकर्मी, नागरिक समाज लगायतको सहभागिता रहेको थियो । त्यस्तै नेपाल मानवअधिकार संगठन गोरखाले दिवशकै अवसरमा जिल्ला लगायत देशका समसामयिक बिषयहरुमा छलफल गरेको छ । बुढीगण्डकी आयोजना, सिमा विवाद, निर्मला पन्त बलत्कार घटना लगायतका बारेमा सरोकारवालाहरुका बिच अन्तरकृया सम्पनन गरेको हो । जिल्ला अध्यक्ष दिलबहादुर बस्नेतको अध्यक्षतामा भएको कार्यक्रममा सहायक प्रमुख जिला अधिकारी तुलसीराम पौडेलको प्रमुख आतिथ...

एशियाली विकास बैंक (एडिबी)ले पोखरा–मुग्लिन सडकखण्डको स्तरोन्नतिका लागि २२ अर्ब ३५ करोड उपलब्ध गराउने भएको छ । त्यस्तै चारवटा नयाँ परियोजना कार्यान्वयन गर्न एडिबी नेपाल सरकारलाई ४० अर्ब ४५ करोड ४० लाख रुपैयाँ ऋण सहयोग गर्ने भएकाेछ । बैंकले खाद्य व्यवस्थापन सुधार तथा प्रदूषित बागमती नदी सरसफाइका लागि अतिरिक्त लगानीस्वरुप सात अर्ब ११ करोड ९० लाख, जीविकोपार्जन सुधार तथा साना किसानको आयआर्जन वृद्धिका लागि पाँच अर्ब ६५ करोड र कृषि तथा खाद्य सुरक्षासम्बन्धी नेपाल सरकारका नीतिगत सुधारका कार्यक्रममा सघाउन पाँच अर्ब ६५ करोड रुपैयाँ प्रदान गर्नेछ ।...