राजनीति

नेपालअखबार, काठमाडाैं । नेकपा (एकीकृत समाजवादी) का अध्यक्ष माधवकुमार नेपालले सभामुखमा आफ्नो पार्टीले उम्मेदवारी नदिने बताएका छन्। अन्य संवैधानिक पदमा कांग्रेससँग मिलेर जाने कुरा भएको उनले बताए। बुधबार नेपालले धुम्बाराहीमा कांग्रेस सभापति शेरबहादुर देउवासँग भेट गरेका थिए। भेटपछि  संक्षिप्त प्रतिक्रिया दिँदै अध्यक्ष नेपालले सभामुख र राष्ट्रपतिको निर्वाचनमा मिलेर जाने विषयमा सकारात्मक छलफल भएको बताए। ‘हाम्रो पार्टीले सभामुखमा उम्मेदवारी दिँदैन। सभामुख र राष्ट्रपतिसहित अन्य संवैधानिक पदमा मिलेर अघि बढ्ने सवालमा सकारात्मक छलफल भयो,’ उनले भने। प्रधानमन्त्रीले मंगलबार आयोजना गरेको सर्वदलीय बैठकमा कांग्रेसले सभामुख र राष्ट्रपतिको निर्वाचनबारे छलफलका लागि तयार रहेको जानकारी गराएको थियो। बुधबार कांग्रेस सभापति देउवाले अध्यक्ष नेपाल र जनता समाजवादी पार्टीका अध्यक्ष उपेन्द्र यादवसँग छलफ...

नेपालअखबार, काठमाडौँ । उपप्रधान तथा गृहमन्त्रीको जिम्मेवारी सम्हालिरहेका राष्ट्रिय स्वतन्त्र पार्टीका सभापति रवि लामिछानेले अमेरिकी नागरिकका हैसियतमा नेपाली भिसामा आएका बेला पुरानो नागरिकता पेस गरेर पासपोर्ट लिएको स्वीकार गरेका छन् । नागरिकतासम्बन्धी विवादलाई लिएर संसद् सदस्यका रूपमा अयोग्य रहेको दाबीसहित परेका रिटको जवाफमा उनले सर्वोच्च अदालतलाई यस्तो जवाफ पठाएका हुन् । युवराज पौडेलको एकल तथा अधिवक्ताद्वय रविराज बसौला र नानीबाबु खत्रीले दायर गरेको रिटमा सर्वोच्चले लामिछानेबाट लिखित जवाफ पेस गर्न आदेश दिएको थियो । लामिछानेले जवाफमा भनेका छन्, ‘मैले नेपाली नागरिकता प्राप्त गरेपछि अध्ययन तथा रोजगारीका सिलसिलामा अमेरिका पुगेको र त्यहाँ बस्दै जाने क्रममा स्थायी बसोबास अनुमति (पीआर) तथा २१ फेब्रुअरी २०१४ (२०७० फागुन ९) मा अमेरिकाको नागरिकता प्राप्त गरेको थिएँ ।’ लामिछानेले २०५० फागुन १०...

नेपालअखबार, काठमाडौँ । नेपाली कांग्रेसले अन्य सहयोगी दलको सहयोगमा सभामुखको उम्मेदवार उठाउने भएको छ ।  बुधबार बिहान सभापति शेरबहादुर देउवाको निवासमा बसेको कांग्रेस पदाधिकारी र पूर्व पदाधिकारीको छलफलले यस्तो निष्कर्ष निकालेको प्रवक्ता डा.प्रकाशशरण महतले जानकारी दिए । ‘सभामुखको निर्वाचनका लागि उम्मेदवारी मनोनयन गर्ने समय अझै केही घण्टा बाँकी छ । यसबीचमा हामी सहयोगी दलहरुसँग छलफल गर्छौ र उम्मेदवारीबारे टुंगो लगाउछौ’, महतले जसपा, एकीकृत समाजवादी र माओवादीसँग समेत छलफल गरेर अघि बढ्ने बताए । उनले भने, ‘अन्य दलहरुको सहयोग लिएर उम्मेदवारी दर्ता गर्ने निष्कर्ष निकालेका छौँ ।’ समग्र समझदारी बन्ने अवस्था आए आफ्नो पार्टीले उम्मेदवार नउठाउने भन्दै उनले त्यो अवस्था नआए भूमिकाविहिन भएर कांग्रेस नबस्ने बताए । प्रवक्ता महतले मंगलबारको सर्वदलीय बैठकमा प्रधानमन्त्री प्रचण्डले पनि सहमतिबाट कसरी अघि बढ्न सकि...

नेपालअखबार,काठमाडाैं । सिके राउत नेतृत्वको जनमत पार्टीबाट मन्त्री बनेका अब्दुल खानले उद्योग र सहरी विकास मन्त्रालयमध्ये एउटा नदिए सरकारमा नबस्ने चेतावनी दिएका छन्। जनमत पार्टीका उपाध्यक्षसमेत रहेका खानले आफूहरूलाई उद्योग मन्त्रालय दिने सहमति भएको र त्यस्तो नभए सहरी विकास मन्त्रालय चाहिने बताए। उनले खानेपानी मन्त्रालय मात्रै दिने भए अर्को मन्त्रालयसमेत चाहिने बताए। ‘म अहिले बालुवाटारमै छु। प्रधानमन्त्रीसँग छलफल गरेपछि बेलुकासम्म एउटा निष्कर्ष आउला,’ उनले भने, ‘हामीसँग भएको सहमतिअनुसार अगाडि बढ्नुपर्छ भन्ने हो।’ आफूले पाएको मन्त्रालयमा असन्तुष्टि जनाउँदै खानले पदभार सम्हाल्न अस्वीकार गरेका छन्। मंगलबार नवनियुक्त र पहिला नियुक्त भएर कार्यभार तोकिएका अरू सबै मन्त्रीहरूले मन्त्रालयमा पुगेर पदभार सम्हाले पनि खान भने सिंहदरबार गएनन्। उनले आज पनि सिंहदरबार नजाने बताए। पुस ११ गते नै ...

नेपालअखबार, काठमाडाैं । नेकपा एकीकृत समाजवादीका अध्यक्ष माधवकुमार नेपाल र जनता समाजवादी पार्टी (जसपा) का अध्यक्ष उपेन्द्र यादवले नेपाली कांग्रेसका सभापति शेरबहादुर देउवासँग छलफल गरेका छन्। आज बिहान कांग्रेस पदाधिकारी बैठक बस्नुभन्दा पहिले नेपाल र यादवले सभापति देउवासँग भेटवार्ता गरेका हुन्। उनीहरूले सभामुख निर्वाचनलगायत समसामयिक राजनीतिक घटनाक्रमबारे कुराकानी गरेका हुन्। सभामुख पदका लागि आज दिउँसो १ बजेदेखि अपरान्ह ४ बजेसम्म मनोनयन दर्ता र बिहीबार निर्वाचनको कार्यक्रम छ। उनीहरूबीच समामुख निर्वाचनमा मिलेर जाने विषयमा पनि कुराकानी भएको स्रोतको भनाइ छ। गत पुस २६ गते कांग्रेस, एकीकृत समाजवादी र जसपाले प्रधानमन्त्री पुष्पकमल दाहाल प्रचण्डलाई विश्वासको मत दिए पनि यी दल सरकारमा भने सहभागी भएका छैनन्। प्रतिनिधि सभामा कांग्रेसका ८९, जसपाका १२ र एकीकृत समाजवादीका १० सांसद छन्।...

नेपालअखबार, काठमाडाैं । सभामुखको उम्मेदवारीबारे निर्णय लिन नेपाली कांग्रेसको पदाधिकारी बैठक  सुरु भएको छ।  सभापति शेरबहादुर देउवाको निवास धुम्बाराहीमा पदाधिकारी बैठक सुरु भएको हो । बैठकमा सभामुखमा उम्मेदवारीबारे निर्णय हुने संसदीय दलका मुख्य सचेतक रमेश लेखकको भनाइ छ । सर्वदलीय बैठकमा सभामुखबारे कुनै सहमति नभएकाले कांग्रेसले पनि उम्मेदवारी दिने सम्भावना छ । प्रतिनिधिसभाका सभामुखको निर्वाचन माघ ५ गते बिहान ११ बजे गर्ने गरी निर्वाचन कार्यतालिका सार्वजनिक भएको छ । संघीय संसद्को पहिलो बैठक बसेको १५ दिनभित्र प्रतिनिधिसभाका सदस्यमध्येबाट सभामुख निर्वाचित गर्ने संवैधानिक व्यवस्था छ । सभामुख र उपसभामुखमध्ये एकजना महिला र फरक दलको हुनुपर्नेछ ।...

नेपालअखबार, काठमाडौं । संघीय संसद् सचिवालयले सभामुखको निर्वाचनसम्न्धी कार्यक्रम सार्वजनिक गरेको छ । संघीय संसद् सचिवालयले मंगलबार सार्वजनिक गरेको कार्यक्रमअनुसार माघ ४ गते बुधबार १  देखि ४ बजेसम्म सभामुखका लागि उम्मेदवारी दर्ता, सोही दिन सवा ४ बजे उम्मेदवारको सूची प्रकाशन र माघ ५ गते ११ बजे बस्ने प्रतिनिधि सभा बैठकमा सभामुख पदमा निर्वाचित गरियोस् भनी प्रस्तावकले प्रस्ताव गर्ने र समर्थकले समर्थन गरेपछि उम्मेदवारको सूचनामाथि सामूहिक छलफल गर्ने कार्यक्रम रहेको छ ।...

नेपालअखबार, काठमाडौँ । प्रधानमन्त्री पुष्पकमल दाहाल ‘प्रचण्ड’ले आव्हान गर्नुभएको सर्वदलीय बैठक सम्पन्न भएको छ। पुस २६ गतेको संसद्मा सरकारलाई विश्वासको मत दिने दलहरूलाई प्रधानमन्त्री प्रचण्डले मंगलबार दिउँसो बालुवाटार बोलाएका थिए सञ्चारमन्त्री रेखा शर्माका अनुसार बैठकमा प्रधानमन्त्री प्रचण्डले आफूलाई विश्वासको मत दिएकोमा सबै दलहरूलाई धन्यवाद दिएका थिए । प्रधानमन्त्री प्रचण्डले सरकारलाई दिएको विश्वासको मतलाई सम्मान गर्नु र सबैलाई मिलाएर अघि बढ्नु आफ्नो जिम्मेवारी भएको बताउँदै प्रतिपक्षले पनि सरकारलाई विश्वासको मत दिने परिस्थिति मौलिक भएको र त्यसले राष्ट्रिय सहमतिको सन्देश दिएको बताए। प्रधानमन्त्रीले सरकार गठनदेखि विश्वासको मत प्राप्त गर्दासम्म राजनीतिक परिस्थितिमा फेरबदल आएको भन्दै बदलिएको परिस्थितिमा के–कसरी अगाडि बढ्न सकिएला भन्ने विषयमा नेताहरूको सुझाव मागेका थिए प्रधानमन्त्रीले ...

नेपालअखबार, काठमाडौँ  ।  नागरिकता र पासपोर्टसँग जोडिएको कसुर गरेको आरोप लागेका रवि लामिछानेलाई गृहसहित उपप्रधानमन्त्री बनाएको विषय सेलाउन नपाउँदै मंगलबारको मन्त्रिपरिषद् विस्तार थप भद्रगोल बन्न पुगेको छ। प्रत्यक्ष वा अप्रत्यक्ष रुपमा स्वार्थ जोडिने विषयसँग सम्बन्धित जिम्मेवारी लिन नहुने मान्यताविपरीत मंगलबार स्वार्थ बाझिने मन्त्रालयकै जिम्मेवारी पाउने गरी मन्त्रिपरिषद् विस्तार गरिएको हो। यसअघि पुस ११ गते दोहोरो पासपोर्ट र नागरिकता लिएको आरोपमा छानबिन गरिरहेको गृह मन्त्रालयकै नेतृत्व गर्ने गरी रास्वपाका लामिछानेलाई जिम्मेवारी दिइएको थियो। लामिछानेले आफूमाथि भइरहेको अनुसान्धनलाई प्रभावित पार्ने आशंका गरिएकै बेला त्यस्तै स्वार्थ जोडिने गरी थप मन्त्रीहरु नियुक्त भएका छन्। पुराना दलले राजनीतिमा विकृति ल्याएको दाबी गर्ने राष्ट्रिय स्वतन्त्र पार्टी नै यो मामिलामा सबैभन्दा बढी विकृत भए...

नेपालअखबार, काठमाडौं । जनता समाजवादी पार्टी जसपा र लोकतान्त्रिक समाजवादी पार्टी लोसपाले सर्वदलीय बैठक बहिष्कार गरेका छन् । प्रधानमन्त्री पुष्पकमल दाहाल प्रचण्डले सभामुख चयनका बारेमा छलफल गर्न मंगलबार बालुवाटारमा बोलाएको बैठकलाई जसपा र लोसपाले बहिष्कार गरेका हुन् । लोसपाका नेता शरतसिंह भण्डारीले अध्यक्ष नजानुको कारण आफूलाई थाहा नभएको बताए । यस्तै जसपाका नेता पूर्ण बस्नेतले पार्टीको संसदीय दलको बैठक भएकाले सर्वदलीय बैठकमा नगएको बताए । सरकारमा सहभागी नगराएका कारण दुबै दल असन्तुष्ट छन् । जनमत पार्टीबाट भने मन्त्री अब्दुल खान बैठकमा सहभागी भएका छन् ।...