विश्व

नेपालअखबार,वासिङ्टन डिसी । अमेरिकी राष्ट्रपति डोनाल्ड ट्रम्पले क्यानडासँगको व्यापार वार्ता 'तुरुन्तै' अन्त्य गर्ने बताएका छन्। अमेरिका र क्यानडा जुलाईको मध्यसम्ममा व्यापार सम्झौतामा सहमति जुटाउने दिशामा काम गरिरहेका बेला राष्ट्रपति ट्रम्पले यो कदम चालेका हुन्। क्यानडाले अमेरिकी प्रविधि कम्पनीहरूलाई लक्षित गरेर कर लगाउने तयारी गरिरहेको ट्रम्पको भनाई छ  । यस वर्षको सुरुमा अमेरिकी राष्ट्रपतिको पदभार ग्रहण गरेदेखि नै ट्रम्पले 'व्यापार युद्ध' सुरु गर्दै आएका छन्। त्यस बेलादेखि दुवै देशले एक अर्काको सामानमा कर लगाएका छन्। अमेरिकी राष्ट्रपतिले शुक्रबार प्राविधिक कम्पनीहरूमाथि उच्च करको बारेमा वार्ता समाप्त गर्ने बताए । उनले अर्को हप्ता नयाँ शुल्क घोषणा गर्ने पनि जानकारी दिए । ट्रम्पले ट्रुथ सोसलमा लेखे, ‘हामी क्यानडासँगको व्यापार सम्बन्धी सबै छलफलहरू तत्काल प्रभावबाट समाप्त गर्दैछौँ। हामी क...

नेपालअखबार,काठमाडौं  ।इरानका सर्वोच्च नेता अयातोल्लाह अली खामेनीले राष्ट्रलाई सम्बोधन गर्ने भएका छन्।  अमेरिकाले इरान र इजरायलबीच युद्धविरामको घोषणा गरेपछि उनले पहिलो पटक राष्ट्रलाई सम्बोधन गर्ने भएका हुन्। अयातोल्लाह अली खामेनीले इरानी जनतालाई इजरायलमाथिको विजयका लागि बधाई दिएका थिए। उनले लेखेका छन्,‘म झूटा यहूदी शासनमाथिको विजयका लागि इरानलाई बधाई दिन्छु।’ उनले अमेरिका प्रत्यक्ष युद्धमा प्रवेश गरेको पनि बताए। उनले प्रत्यक्ष युद्धमा प्रवेश गरेन भने इजरायल पूर्ण रूपमा ध्वस्त हुने अमेरिकालाई लागेको बताए। खामेनीले भने,‘अमेरिकाले यस युद्धबाट केही पनि प्राप्त गरेन र इरान विजयी भएको छ। इरानले अमेरिकाको अनुहारमा कडा थप्पड हानेको छ।’ उनले करिब ९ करोड जनसंख्या भएको देश सशस्त्र सेनाको समर्थनमा काँधमा काँध मिलाएर उभिएको बताए। उनले भने,‘तेस्रो बधाई, इरानी राष्ट्रको एकताका लागि।’ खामेनीले ...

नेपालअखबार,काठमाडौं । इजरायली प्रधानमन्त्रीको कार्यालयले अमेरिकी राष्ट्रपति डोनाल्ड ट्रम्पले प्रस्ताव गरेको इराक-इजरायल युद्धविराम सम्झौता स्वीकार गरेको छ । प्रधानमन्त्री कार्यालयले एक विज्ञप्ति जारी गर्दै इजरायली प्रधानमन्त्री बेन्जामिन नेतन्याहुले उक्त प्रस्ताव स्वीकार गरेको जानकारी दिएको छ ।अमेरिकी राष्ट्रपति डोनाल्ड ट्रम्पले ट्रुथ सोसल मा एक पोस्ट गर्दै युद्धविराम सुरु भइसकेको जनाएलगत्तै नेतान्याहुको यो भनाइ आएको हो । ‘युद्धविराम अब सुरु भइसकेको छ। कृपया यसको उल्लंघन नगर्नुहोस्!,’ ट्रम्पले भनेका थिए । त्यस्तै, इरानको तास्नीम समाचार एजेन्सीका अनुसार देशको उत्तरपश्चिमी गिलान प्रान्तमा इजरायली हवाई आक्रमणले चारवटा आवासीय युनिटहरूलाई लक्षित गर्दा नौ जना सर्वसाधारणको ज्यान गएको छ। क्षेत्रीय गभर्नरलाई उद्धृत गर्दै समाचारमा जनाइएअनुसार, उक्त आक्रमणले वरपरका धेरै घरहरूमा क्षति पुर्‍या...

नेपालअखबार,तेहरान । इजरायलले सोमबार राति इरानको राजधानी तेहरानमा भारी आक्रमण गरेको छ । तेहरानका एक बासिन्दाले सहरका मानिसहरूले निद्रा बिना अर्को रात बिताएको बताए । रातभरि ठुलो विस्फोटको आवाज सुनेको मानिसहरूले बताएका छन् । यसअघि इजरायलले सहरका विभिन्न क्षेत्रहरू तुरुन्तै खाली गर्न तीन पटक चेतावनी जारी गरेको थियो । इरानमा इन्टरनेट सेवा अझै पनि अवरुद्ध छ, जसका कारण स्थानीय मानिसहरूलाई चेतावनीको बारेमा जानकारी प्राप्त गर्न कठिनाइ भइरहेको छ । ‘हामी किन यति ढिलोसम्म जागा बस्नु पर्छ, किन यति धेरै तनाव सहनु पर्छ, हामीलाई के हुनेवाला छ भनेर हेर्नको लागि? म स्तब्ध छु। अब म सुन्ने हरेक आवाजबाट डराउँछु ।’ अर्का बासिन्दाले बीबीसीलाई भने । रिपोर्टहरूका अनुसार इरानको सरकारी टिभीले देशका केही भागहरू आज राति जुन १३ पछिको सबैभन्दा तीव्र हवाई आक्रमणबाट प्रभावित भएको बताएको छ । तेहरानका केही बासिन्दाहरू...

नेपालअखबार,काठमाडौं । इजरायल र इरानबीच युद्धविराम भएको भन्ने अमेरिकी राष्ट्रपति डोनाल्ड ट्रम्पको भनाइलाई इरानी अधिकारीहरुले झुटो भनेका छन् । अमेरिकी राष्ट्रपति डोनाल्ड ट्रम्पले इजरायल र इरानबीच युद्धविराम भएको भने पनि, इरानी इस्लामिक रिभोल्युशनरी गार्ड कोर्प्स (आईआरजीसी) सँग सम्बद्ध फार्स समाचार एजेन्सीले उच्च स्रोतलाई उद्धृत गर्दै उक्त घोषणा ‘पूर्ण रूपमा झुट’ भएको रिपोर्ट गरेको छ । उक्त नाम नखुलाइएका स्रोतले फार्सलाई भनेका छन्, ‘इरानले कुनै औपचारिक वा अनौपचारिक युद्धविराम प्रस्ताव पाएको छैन ।’ बीबीसीका अनुसार उनले केही घन्टाभित्रै इरानले इजरायललाई ‘सैन्य प्रतिक्रिया’ मार्फत ट्रम्पको घोषणा झुट भएको प्रमाणित गर्ने बताएका छन् । स्रोतका अनुसार, अमेरिकाको यो घोषणा दोहामा रहेको आफ्नै सैन्य अड्डामा इरानी आक्रमणपछि भोगेको ‘अपमानजनक पराजय’ बाट ध्यान हटाउने प्रयास मात्र हो । यद्यपि, हाल...

नेपालअखबार,काठमाडौं । अमेरिकी राष्ट्रपति डोनाल्ड ट्रम्पको द्विविधयुक्त अभिव्यक्तिका बीच अमेरिकाले इरानमाथि हवाइ आक्रमण गर्‍यो । इजरायलसँग युद्ध गरिरहेको इरानले अमेरिकी हमलाको प्रत्युत्तरमा होर्मुज स्ट्रेट बन्द गर्ने धम्की मात्र दिएन, सोमबार यो निर्णय इरानको संसदले सर्वसम्मत रूपमा नै गर्‍यो । अब इरानको सर्वोच्च राष्ट्रिय सुरक्षा परिषद्ले अन्तिम स्वीकृति दिएसँगै यो निर्णय कार्यान्वयनमा जानेछ । इरानी संसदको यो निर्णयको प्रतिक्रियामा अमेरिकी विदेशमन्त्री मार्को रुबियोले इरानको यो निर्णय रोक्न चीनलाई गुहारेका छन् । उनले  होर्मुज स्ट्रेट बन्द गर्ने इरानी निर्णय रोक्नबाट चीनले रोक्नुपर्ने आग्रह गरेका हुन् । आइतबार फक्स न्यूजलाई दिएको अन्तर्वार्तामा रुबियोले भने, ‘म चीन सरकारलाई उनीहरूले इरानसँग फोनमार्फत कुरा गरून् भन्न चाहन्छु । किनभने चीन पनि आफ्नो तेलका लागि होर्मुज स्ट्रेटमा ठूलो ...

नेपालअखबार, इस्तानबुल  ।  इजरायल र इरानबीच बढ्दो तनावकाबीच इस्तानबुलमा इस्लामिक सहयोग संगठन (ओआईसी) को विदेशमन्त्री परिषद्को ५१ औं बैठक बसेको छ । रूपान्तरणशील संसारमा ओआईसी भन्ने विषयवस्तुमा आयोजित शिखर सम्मेलनको एजेण्डामा इरानमाथि हालैका इजरायली आक्रमणहरू र यी विकासहरूले यस क्षेत्रका लागि निम्तिएका सुरक्षा चुनौतीहरूको बारेमा छलफल भएको हो । आफ्नो उद्घाटन सम्बोधनको क्रममा टर्कीएका राष्ट्रपति रेसेप तैयप एर्दोगानले इजरायलले इरानमाथि हालै गरेको आक्रमण र यस क्षेत्रमा गरेको व्यापक सैन्य कारबाहीको कडा निन्दा गरेका छन् । कार्यक्रममा, टर्कीएका विदेशमन्त्री हाकान फिदानले यस क्षेत्रमा इजरायल समस्या बनेको बताए । यो प्यालेस्टाइन, लेबनान, सिरिया, यमन वा इरानको समस्या नभइ स्पष्ट रूपमा इजरायलको समस्या भएको बताए । दुईदिने बैठकमा ३५ भन्दा बढी विदेशमन्त्रीहरू सहभागी भएका थिए । जसमा इरानी विदे...

नेपालअखबार,काठमाडौं। इरानले अमेरिकालाई जबाफ दिने बताएको छ। अमेरिकाले इरानको आणविक भट्टीहरूमा आइतबार बिहान आक्रमण गरेपछि इरानी विदेशमन्त्री अब्बास अराघ्चीले त्यसको जबाफ दिने बताएका हुन्। हाम्रो आणविक पूर्वाधारमा आक्रमण गरेर अमेरिकाले सीमारेखा पार गर्‍यो। हामीले जबाफ दिनैपर्छ,' अराघ्चीको भनाइ उद्धृत गरेर सिएनएनले लेखेको छ। अराघ्चीले अमेरिकालाई जबाफ दिनू इरानको आत्मरक्षाको अधिकार नै हो भनेका छन्। उनले कुटनीतिक तवरबाट समाधान गर्नका लागि कति ठाउँ खाली छ भन्ने विषय आफूलाई थाहा नभएको बताए। 'तर अमेरिकाको कदम राष्ट्रसंघको घोषणापत्र र अन्तर्राष्ट्रिय कानुनका आधारभूत सिद्धान्तहरूको अकल्पनीय, गम्भीर र अभूतपूर्व उल्लङ्घन हो,' उनले भने। उनले वाशिङ्टनको कदमले निम्त्याउने आक्रामक र खतरनाक परिणामको जिम्मेवार ऊ आफै हुने पनि बताएका छन्। उनले संयुक्त राष्ट्र सुरक्षा परिषद्‌ले तत्काल आपतकालीन...

नेपालअखबार,न्युयोर्क । संयुक्त राष्ट्रसंघका महासचिव एन्टोनियो गुटेरेसले इरानको आणविक स्थलहरूमा अमेरिकी आक्रमणप्रति चिन्ता व्यक्त गरेका छन्। उनले आफ्नो एक्स अकाउन्टमा लेखेका छन् , ‘आज अमेरिकाले इरानविरुद्ध गरेको सैन्य कारबाहीप्रति म धेरै चिन्तित छु। यो कदमले यस क्षेत्रमा तनाव अझ बढाउन सक्छ, जुन पहिले नै धेरै नाजुक अवस्थामा छ । यो अन्तर्राष्ट्रिय शान्ति र सुरक्षाको लागि प्रत्यक्ष खतरा हो।’ उनले थपे, ‘यो द्वन्द्व चाँडै नियन्त्रण बाहिर जान सक्ने र नागरिक, क्षेत्र र विश्वलाई ठुलो क्षति पुग्ने डर बढ्दो छ।’ गुटेरेसले संयुक्त राष्ट्र संघका सदस्य राष्ट्रहरूलाई परिस्थितिलाई अझ बिग्रनबाट रोक्न र संयुक्त राष्ट्र संघको बडापत्र र अन्तर्राष्ट्रिय कानुनको पालना गर्न अपिल गरेका छन्। उनले लेखे, ‘यस सङ्कटको कुनै सैन्य समाधान छैन। कूटनीति नै अगाडि बढ्ने एक मात्र बाटो हो र शान्ति नै एक मात्र आशा हो।...

नेपालअखबार, काठमाडौं । अमेरिकाले इरानका परमाणु केन्द्रमा आक्रमण गरेको छ । इरानका फोर्दो, नतान्ज र एस्फाहान परमाणु केन्द्रमा अमेरिकी सेनाले आक्रमण गरेको राष्ट्रपति डोनाल्ड ट्रम्प आफैंले जानकारी दिएका छन् । इरानका परमाणु केन्द्रमा आक्रमण गरी अमेरिकी विमान इरानको हवाई क्षेत्रबाट बाहिरिसकेका जानकारी पनि उनले दिएका छन् । ट्रम्पले भनेका छन्, ‘सबै विमान सुरक्षित तरिकाले आफ्नो घरतिर फर्किरहेका छन् । हाम्रा महान् अमेरिकी योद्धाहरुलाई बधाई । विश्वमा यस्तो गर्न सक्ने सेना अरु कसैसँग छैन ।’ उनले अब शान्तिको समय पनि आएको बताएका छन् । अमेरिकाले इरानका परमाणु केन्द्रमा बंकर बस्टर बम प्रयोग गरिएको जनाएको छ । यो बम जमिन मुनि करिब ६० मिटर भित्र छिरेर विष्फोट हुन्छ । यो बमले कहाँ कति क्षति भयो भन्ने खुलिसकेको छैन । इजरायल र इरानबीच युद्ध चलिरहेका बेला अमेरिका पनि इरानविरुद्धको आक्रमणमा उत्रिएको ह...