अर्थ

साताको अन्तिम दिन शुक्रबार सुनचाँदीको मूल्य बढेको छ । शुक्रबार एकैदिन प्रतितोला १ हजार ८ सय रुपैयाँ बढेको छ भने चाँदी १० रुपैयाँले बढेको छ । बिहीबार ८० हजार ७ सयमा कारोबार भएको छापावाला सुन शुक्रबार १ हजार ८ सयले बढेर प्रतितोला ८२ हजार ५ सयमा कायम भएको नेपाल सुनचाँदी व्यवसायी महासंघले जनाएको छ । त्यस्तै, तेजावी सुन प्रतितोला ८२ हजार २ सयमा कारोबार भइरहेको छ । पछिल्लो समय सुनको मूल्यले एकपछि अर्को गर्दै नयाँ कीर्तिमान बनाइरहेको छ । चाँदी पनि आज १० रुपैयाँले बढेर प्रतितोला ८ सय ९० रुपैयाँमा कारोबार भइरहेको महासंघले जनाएको छ ।...

गोरखा । गोरखाको पालुङटार र तनहुँको तुरतुरे जोड्ने निर्माणाधिन पुल भत्किएको छ । ढलानको तयारीका लागि निर्माण गर्दै गरेको फर्मामा लगाइएको टेका मंगलबार बेलुका करिब साडे ५ बजे एक्कासी भाँचिएको थियो । मस्र्याङ्दी नदीमाथी बन्दै गरेको सो पुलको फलामे फर्मा भत्किदा काम गर्दै गरेका तिन जना कामदार घाइते समेत भएका छन् । ठेकेदारकाे चरम लापरवाही भयाे : स्थानीय ठेकेदार कम्पनीको लापरवाहीका कारण पुल भत्किएको स्थानीयले आरोप लगाएका छन् । ‘हिजो बेलुकातिर म तुरतुरे जादा बाइक रोकेर पुलको मुखमा सेल्फी खिचेको गएको हो, फर्किदा त पुल पुरै लडिसकेछ’ पालुङटारका दिपेन्द्र गिरीले भने ‘ठेकेदारको चरम लापरवाहीका कारण घटना भएको हुन सक्छ, पुलको काममा त इन्जिनियरको निगरानी चाहियो नि, कामदारलाई जिम्मा लगाएर हुन्छ ?’ उनले प्रश्न गरे । २०७२ साल असारमा सम्झौता भई गौरी पार्वती निर्माण सेवाले सो पुल निर्माण गरिरहेको छ । ३ ...

प्रधानमन्त्री केपी शर्मा ओलीले डा.युवराज खतिवडालाई अर्थमन्त्रीमा पुनः नियुक्त गरेका छन् । मिर्गौला प्रत्यारोपणका लागि अप्रेसन थिएटरमा जानुअघि प्रधानमन्त्री ओलीले खतिवडालाई अर्थमन्त्रीमा पुनः नियुक्त गरेका हुन् । खतिवडालाई अर्थमन्त्रीमा नियुक्तिका लागि राष्ट्रपतिसमक्ष सिफारिस गरिएको प्रधानमन्त्रीको सचिवालयले जनाएको छ । खतिवडाले आजै अपराह्न ४ बजे राष्ट्रपति भवन शीतलनिवासमा पद तथा गोपनीयताको सपथग्रहण लिनेछन् । राष्ट्रियसभा सदस्यको दुईवर्षे कार्यकाल सकिएकै दिन मंगलवार खतिवडाले मन्त्रीबाट राजीनामा दिएका थिए ।...

जिल्ला प्रहरी कार्यालय मकवानपुरले ६ किलो २ सय ८९ ग्राम ९५३९ तोला सुनसहित एक भारतीय नागरिकलाई पक्राउ गरेको छ । बरामद सुनको मूल्य करिब ४ करोड २७ लाख रुपैयाँ छ । नियमित चेकजाँचका क्रममा प्रहरीले हेटौंडा–१५ स्थित रातोमाटेमा काठमाडौंबाट वीरगन्जतर्फ जाँदै गरेको बसमा सवार भारत कर्नाटक राज्यका ४२ वर्षीय अब्दुल मजिद अनेकलको साथबाट उक्त परिमाणको सुन बरामद गरिएको जिल्ला प्रहरी कार्यालय मकवानपुरका एसपी सुशिलसिं राठौरले जानकारी दिए । एसपी राठौरले बरामद सुनको बजार मूल्य करिब चार करोड २७ लाख ५८ हजार ७ सय ७४ रुपैयाँ रहेको बताए । अब्दुलले मोटर पार्टसभित्र जडान हुने फालामको ब्यरिङ, फलामको पास्ताको ब्यरिङ, फलामको मिटर ब्यरिङमा सुन लुकाएर ल्याएका थिए । प्रहरीले मंगलबार बिहान साढे ४ बजे उनलाई पक्राउ गरेको थियो ।...

नेपालको निजी अन्तर्राष्ट्रिय एअरलाइन्स हिमालय एअरलाइन्सले आफ्नो पाँचौ वार्षिकोत्सवको अवसर पारेर नयाँ ए ३१९–११५ विमान थप गरेको घोषणा गरेको छ । क्याप्टेन हाओ दीले चीनको तियानजिन बिन्हाई अन्तर्राष्ट्रिय विमानस्थलबाट नेपालको काठमाडौं स्थित त्रिभुवन अन्तर्राष्ट्रिय विमानस्थलमा भित्र्याएका छन् । धेरै पखाईमा रहेको नयाँ विमान एमएसएन ९०२०, दर्ता नम्बर ९ एन–एजेके, स्थानीय समय २२ः२० मा विमानस्थलमा अवतरण भएको हो । यो नयाँ विमानको प्रवेशसँगै हिमालय एअरलाइन्ससँग तिन एअरबस ए३२०–२१४ र एक एअरबस ए३१९–११५ गरी चारवटा विमान हुने भएका छन् । हालै समावेश गरिएको एअरबस ए३१९–११५ छोटो देखि मध्यम दूरीको उडान भर्ने एअरबस ए–३२० परिवारकै विमान हो । एअरबस कम्पनीद्वारा निर्मित यो विमान न्यारो–बडी, दुई इन्जीनयुक्त जेट विमान हो जसले व्यावसायिक यात्रीहरुलाई ल्याउने लाने गर्छ ।...

सरकारले वैदेशिक रोजगारीमा जाने कामदारको श्रम स्वीकृति तत्कालका लागि स्थगन गरेको छ। चीनबाट फैलिएको कोरोना भाइरस को संक्रमण विश्वव्यापी बनेसँगै सरकारले सो निर्णय गरेको जनाइएको छ। कोभिड–१९ को सन्त्रास कम नभएसम्म श्रम स्वीकृति प्रदानको कार्य हाललाई स्थगन गरिएको श्रम, रोजगार तथा सामाजिक सुरक्षामन्त्री रामेश्वर राय यादवले जानकारी दिए। अत्यावश्यकबाहेक अन्य कामका लागि विदेश नजान सरकारले आग्रह गरिसकेको अवस्थामा सो संक्रमण जोखिम रहेका मुलुकमा नेपाली कामदार नपठाउन लागिएको उनले बताए। ‘सरकारले पनि अत्यावश्यक काममा बाहेक विदेश नजान आग्रह गरेको छ, सर्वोच्च अदालतले पनि प्रभावित मुलुक सँगको हवाई उडान स्थगन गर्न आदेश दिएको छ’, मन्त्री यादवले भने, ‘त्यही कारण हामीले केही समयका लागि श्रम स्वीकृति प्रदान गर्न स्थगित गरेकै हो।’ कोरोनाको सन्त्रास हटेपछि श्रम स्वीकृति प्रदान गर्ने काम नियमित हुने उनले जा...

गाेरखा । बरिष्ठ हास्य कलाकारद्धय मदकृष्ण श्रेष्ठ र हरिवंश आचार्यले सदरमुकाममा रहेको समता शिक्षा निकेतनको भवन शिलन्यास गरेका छन् । गोरखा नगरपालिका ६ दरवारमार्गमा रहेको समता विद्यालयको भवन निर्माणका लागि सोमबार मह जोडीले संयुक्त रुपमा शिलन्यास गरेका हुन् । समता ट्रष्टका संस्थापक उत्तमकुमार सञ्जेलको अध्यक्षतामा भएको शिलन्यास कार्यक्रममा गोरखा नगरपालिकाका उपप्रमुख विनाकुमारी श्रेष्ठको प्रमुख आतिथ्यता रहेको थियो । कार्यक्रमलाई सम्बोधन गर्दै कलाकार मदकृष्ण श्रेष्ठले समता स्कुल सरकारी र नीजि भन्दा फरक रहेको बताए । ‘समता नेपालको शिक्षा क्षेत्रको विकासका लागि महाअभियान हो, सरकारी र बोर्डिङ स्कुलभन्दा यो विलकुल फरक छ’ उनले भने ‘असल संस्कार सहितको निस्वार्थ शिक्षा दिन यो स्कुल खोलिएको हो ।’ असल र सर्वसुलभ शिक्षाका लागि देशैभर समता ट्रष्टले स्कुल र कलेज स्थापनाको अभियान चलाएको बताउदै उनल...

गोरखा नगरपालिका वडा नम्बर २ मा हरेको महालक्ष्मी महिला बचत तथा ऋण सहकारी संस्थाको १० औं साधारण सभा सम्पन्न भएको छ । संस्थाका अध्यक्ष रञ्जिता थापाको अध्यक्षतामा भएको साधारण सभामा वडाध्यक्ष रहमतुल्ला मियाँको प्रमुख आतिथ्यता रहेको थियो । कार्यक्रममा संस्थाको गतिविधी तथा प्रगती प्रतिवेदन सचिव जुना परियार र आर्थिक प्रतिवेदन कोषाध्यक्ष इश्वरी भट्टले प्रस्तुत गरेका थिए । कार्यक्रममा वडाध्यक्ष रहमतुल्ला मियाँ, सोड नेपालका अध्यक्ष ज्ञान प्रसाद श्रेष्ठ, जिल्ला समन्वय समितिका सदस्य लक्ष्मी थापा मगर, महालक्ष्मी माध्यामिक विद्यालयका ब्यवस्थाप समितिका अध्यक्ष डिलबहादुर अधिकारी, शिक्षक अर्जुन रेग्मी, मिलन महिला बचत तथा ऋण सहकारी संस्थाका अध्यक्षभुवन कुमारी बाँनिया, स्थानीय बुद्धिजिवी हिरालाल बोहोरा, देवि महिला समुहका अध्यक्ष तारा विक लगायतले बोलेका थिए । त्यस्तै कार्यक्रमकै अवसरमा सोड नेपालका अध्य...

गोरखा । त्रिपक्षिय लगानीमा गोरखा नगरपालिकामा बिभिन्न नौ योजना सम्पन्न भएका छन् । गोरखा नगरपालिका, कतार रेडकृसेन्ट र युएनडिपीको संयुक्त लगानीमा वडा नम्बर २, ४ र ६ मा बिभिन्न योजना निर्माण भएका हुन् । शिक्षा, स्वास्थ्य, खानेपानी, सिञ्चाई लगायतका क्षेत्रमा लगानी भएका सो आयोजनाहरुको बिहिबार उद्घाटन भएको छ । योजनाहरुको गोरखा नगरपालिकाका प्रमुख राजनराज पन्त र नेपालका लागि कतारका राजदुत युसूव विन मोहम्मद अल हैलले संयुक्त रुपमा उद्घाटन गरेका हुन् । गोरखा नगरपालिका २ ताप्लेमा निर्माण सम्पन्न भएको कोखे आहाले शहरी स्वास्थ्य चौकी, मदरसा भवन, २ र ४ मा सम्पन्न दुई खानेपानी आयोजना, सिञ्चाई र गोरखा अस्पतालमा निर्माण भएको फोहोर ब्यवस्थापन गृहको संयुक्त रुपमा उद्घाटन भएको हो । ९ योजनामा गोरखा नगरपालिकाले १ करोड ५९ लाख ७५ हजार १ सय ४०, कतार रेडकृसेन्टले १ करोड ३४ लाख ७१ हजार ७ सय २१ र यूएनडिपीले ५...

काठमाडौं– नेपाली बजारमा सुनको मुल्य आज बुधवार ५ सयले घटेको छ । मङगलवार प्रतितोला ८० हजारमा कारोबार भएको सुनको मुल्य आज ७९ हजार ५०० मा कारोबार भइरहेको नेपाल सुनचाँदी व्यवसायी महाँसघले जनाएको छ । त्यस्तै तेजावी सुन प्रतितोला ७९ हजार २०० मा कारोबार भइरहेको छ । त्यस्तै,चाँदी भने मङगलवारको तुलनामा २० रुपैयाले घटेर ९ सय ५ रुपैयामा कारोबार भइरहेको छ ।...