राजनीति

नेपालअखबार, गोरखा। गोरखामा मंसिर ४ मा भएको मतदानमा धाँधली भएको भन्दै एक स्वतन्त्रसहित ६ वटा पार्टीले पुनः मतदानको माग गरेका छन् । नेकपा एमाले, राष्ट्रिय स्वतन्त्र पार्टी, राप्रपा, नेपाल परिवार दल, हाम्रो नेपाली पार्टी, राप्रपा नेपाल र स्वतन्त्र उम्मेदवार विलबहादुर तामाङले पुनः मतदानको माग गरेका हुन् । उनीहरूले निर्वाचन आयोगको ध्यानाकर्षण गराउँदै स्वतन्त्र निष्पक्ष र धाँधलीरहित निर्वाचनको मूल मर्ममाथि प्रहार गर्दै अपवित्र र अराजनैतिक गठबन्धन पक्षधरहरुबाट गोरखा जिल्लाको निर्वाचन क्षेत्र नं. १ र २ का विभिन्न मतदान केन्द्रहरूमा सत्ता र शक्तिको आडमा मृतक, वेपत्ता, विदेशमा रहेका’ तथा अनुपस्थित मतदताहरुको नामबाट मतदान गर्ने, अन्य उम्मेदवारका फर्जि प्रतिनिधि खडा गर्ने, प्रतिनिधिहरूलाई तर्साउने र भौतिक आक्रमण गर्ने, प्रतिनिधिहरूलाई बोल्न नदिने, मतदाताहरूको इच्छा विपरित समातेर लगेर मतदान गर्ने, ध...

नेपालअखबार, भक्तपुर । भक्तपुर–१मा नेकपा एमालेले अग्रता कायम गरेको छ । यसअघि राप्रपाका उम्मेदवार भरतबहादुर खड्काले सुरुवाती अग्रता बनाएका थिए । एमालेका गेलालले ८२२ मत पाएका छन् भने राप्रपाका खड्काले ७७६ मत पाएका छन् ।नेपाल मजदुर किसान पार्टीका प्रेम सुवाल ६८४ मतसहित तेस्रो स्थानमा छन् । नेकपा माओवादी केन्द्रका ५०६ मत ल्याएर चौथो स्थानमा छन् ।...

नेपालअखबार, मुस्ताङ। गण्डकी प्रदेश सभामा मुस्ताङ (क) मा कांग्रेसका नम्डु गुरुङ निर्वाचित भएका छन् । नम्डुले १ हजार ४८ मत ल्याएर प्रदेशसभामा निर्वाचित भएका हुन् । उनका प्रतिस्पर्धी एमालेका इन्द्रधारा विष्टले ७ सय ९३ मत पाएका थिए । उनीहरुबीच  २ सय ५५ मत छ । नम्डु गुरुङ यसअघि स्थानीय चुनावमा लोमान्थाङ गाउँपालिकाको वडा नम्बर ४ को वडाअध्यक्षमा पराजित भएका थिए । यतिबेला उनले ९९ मत ल्याउँदा एमालेका छिरिङ धिण्डु गुरुङले १ सय २६ मत ल्याएका थिए । मुस्ताङ प्रतिनिधिसभातर्फ यसअघि कांग्रेसका योगेश गौचन विजयी भइसकेका छन् । प्रदेशसभा (ख) को मतगणना चलिरहेको छ...

नेपालअखबार, काठमाडाैं । प्रतिनिधि सभाको १ सय ६५ निर्वाचन क्षेत्रमध्ये ३० वटा निर्वाचन क्षेत्रमा मतगणना भइरहेको निर्वाचन आयोगले जनाएको छ। आयोगको संयुक्त निर्वाचन परिचालन केन्द्र (जेईओसी)को विवरण अनुसार अहिले ३० वटा निर्वाचन क्षेत्रमा गणना भइरहेको हो। तीमध्ये भक्तपुर २ मा मतगणना केहीबेर स्थगित भएको थियो। सदर र बदर मतबारे विवाद हुँदा मतगणना स्थगित भए पनि सर्वदलीय समझदारीपछि गणना सुरू गरिएको जेईओसीले जानकारी दिएको छ। यता, इलाममा पनि प्रतिनिधि सभाको मतपत्र प्रदेश सभाको बाकसमा खसेपछि मतगणना हुन सकेको थिएन। अहिले मतगणनाका लागि सर्वदलीय बैठक बसिरहेको छ। सर्वदलीय बैठकमा प्रदेश सभाको बाकसमा खसेका करिब १ सय मतपत्र प्रदेशतर्फै गणना हुने सहमति भएको छ। बाँकी रहेका क्षेत्रमा पनि आजै मतगणना गर्ने तयारी भइरहेको छ।...

नेपालअखबार । धादिङ क्षेत्र नं १ मा नेपाल कम्युनिष्ट पार्टी (एकीकृत समाजवादी) का राजेन्द्र प्रसाद पाण्डे २४३ मतका साथ अगाडि रहेका छन् । ५०५ मत गणना हुँदा एमालेका सूर्य प्रसाद त्रिपाठीले २०५ मतका साथ पाण्डेलाई पछ्याइरहेका छन् । यसैगरी राष्ट्रिय स्वतन्त्र पार्टीका हिमेश पन्तले ३० मत प्राप्त गरेका छन् ।...

नेपालअखबार, सुर्खेत । दैलेखको ठाटीकाँध गाउँपालिकामा मतपेटिका छोडेर मतदान अधिकृत सुत्न गएपछि विवाद भएको छ । मतदान अधिकृतले मतदान सकिएपछि मतपेटिका प्रहरी चौकीमा लगेर छोडेपछि विवाद सिर्जना भएको हो । गाउँपालिकाको २ नम्बर वडाको पिपलचौतारास्थित जनता आधारभूत विद्यालय केन्द्रका मतदान अधिकृत ज्वालाप्रसाद खनालले प्रहरी चौकीमा मतपेटिका छाडेका हुन् । उनले आइतबार राति प्रहरी चौकीमा लगेर मतपेटिका छाडेको बताइएको छ । दैलेखका मुख्य निर्वाचन अधिकृत सरोजनिधि वाग्लेले घटनाको छानबिन भइरहेको बताए । उनले अहिले सर्वदलीय बैठक बसिरहेको र त्यसपछि मात्रै निर्णयमा पुगिने जानकारी दिए । उक्त मतदान केन्द्रमा ७०० मतदाता रहेकोमा ४५८ मत खसेको थियो ।...

नेपालअखबार,पोखरा । हिमाल पारिको जिल्ला मुस्ताङको प्रतिनिधिसभा सदस्य निर्वाचनको मतगणनामा नेपाली कांग्रेसले अग्रता लिएको छ । कांग्रेसका उम्मेदवारले योगेश गौचन थकालीले ५३७ मत ल्याउँदा नेकपा एमालेका प्रेमप्रसाद तुलाचनले ४२१ मत पाउनुभएको छ । त्यसैगरी राष्ट्रिय स्वतन्त्र पार्टीका सुदेश गुरुङले १२ मत ल्याउनुभएको छ ।...

नेपालअखबार । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल (प्रचण्ड)  ले अहिलेको लोकतान्त्रिक–वाम गठबन्धन लामो समयसम्म अघि बढ्ने बताएका छन्  । आफू उम्मेदवार रहेको गोरखा क्षेत्र नं २ का विभिन्न मतदान केन्द्रको अवलोकन गर्न चितवनमा मतदान गरेर आज गोरखा आइपुगेका उनले पत्रकारहरूसँग कुराकानी गर्दै अहिलेको गठबन्धन लामो समयसम्म जाने बताएका हुन् । “यो गठबन्धनलाई लामो समयसम्म अघि बढाउनुपर्छ भन्नेमा गठबन्धनमा आबद्ध सबै दल एकमत छन्,” उनले भने, “भोलि जसको नेतृत्वमा सरकार बने पनि गठबन्धन कायम रहन्छ ।” अध्यक्ष दाहालले आगामी सरकारको नेतृत्व कसले गर्ने भन्ने बारेमा गठबन्धन दलहरू बीचमा अहिले कुनै छलफल नभएकोसमेत बताए । उनले यस पटकको प्रतिनिधिसभा र प्रदेशसभाको निर्वाचन अरू बेलाको जस्तो सामान्य निर्वाचन नभएको भन्दै यसलाई जनमत सङ्ग्रहका रूपमा लिन सकिने बताए । अध्यक्ष दाहालले यो नि...

नेपालअखबार, बागलुङ । बागलुङको जैमिनी नगरपालिका-४ स्थित जनता मावि मतदानस्थलको मतदान स्थगित गरिएको छ । उक्त मतदानस्थलमा मतदान अधिकृतको हस्ताक्षर नभएको मतपत्र भेटिएपछि मतदान स्थगित गरिएको हो ।स्थगित भएको मतदान सञ्चालन गर्न सर्वदलीय बैठक बसिरहेको छ ।

नेपालअखबार, बाजुरा। बाजुराको एक मतदान केन्द्रको मतपेटिकामा आगजनी भएको छ ।  प्रदेश निर्वाचन क्षेत्र (१) अन्तर्गत पर्ने स्वामीकार्तिक गाउँपालिका १ मतदानस्थलको क केन्द्रको प्रदेश समानुपातिक मतपेटिकामा आगजनी भएको हो । मतदान अधिकृत रामकुमार यादवले एकाएक मतपेटिकामा धुवाँ निस्किएको बताए । मतपेटिकामा आगजनी कसले गरेको हो भन्नेबारे खुल्न नसकेको उनको भनाइ छ । उक्त घटनापछि पुनः मतदान गराउने या के गर्ने भन्नेबारे खुलेको छैन ।  ...