विदेश

नेपाल अखबार, एजेन्सि। क्यालिफोर्नियाकी सिनेटर कमला ह्यारिसलाई मंगलबार राष्ट्रपति पदका प्रत्यासी जो बाइडेनले उपराष्ट्रपतिका रुपमा उभ्याएका छन् । आफुले चुनाव जितेमा ह्यारिसलाई उपराष्ट्रपति बनाउने घोषणा उनले गरेका हुन् । आगामी चुनावमा रिपब्लिकनतर्फका प्रत्यासी वर्तमान राष्ट्रपति डोनाल्ड ट्रम्पलाई ७८ वर्षका बाइडेनले चुनौती दिदैंछन् । ५५ वर्षीया ह्यारिस अहिले सिनेट सदस्य छिन् । उनी यसअघि क्यालिफोर्नियाको महाधिवक्ता बनिसकेकी छिन् । अमेरिकी इतिहासमा यसअघि दुुई पटकमात्रै महिलाहरु उपराष्ट्रपतिको उम्मेदवार थिए । सन् १९८४ मा डेमोक्रेटिकबाट गेराल्डिन फेरारो र २००८ मा रिपब्लिकनबाट सारा पालिनलाई उपराष्ट्रपतिको उम्मेदवारका रुपमा उभ्याइएको थियो । तर, यी दुुबै अवसरमा आफ्नो पार्टी पराजित भएकाले उनीहरुले सफलता हासिल गरेनन् । तमिलनाडुकी आमा र अफ्रिकन पिता कमला ह्यारिसको पहिचान भारतीय–अमेरिकनका रुपमा छ । उनकी ...

नेपाल अखबार,न्युयोर्क। गिरिजा प्रसाद कोइराला फाउण्डेशन अमेरिकाले कोभिड १९ को महामारी सुरु भए लगत्तै समुदायलाई स्वस्थ र पोषिलो खानामा पहुँच दिलाउने उद्धेश्यले आफै वितरण गर्दै आएको निशुल्क खाधन्न वितरण कार्यक्रम बाह्रौँ र अन्तिम पटक जुन २३, २०२० बेलुका भव्यताका साथ सम्पन्न गरेको हामी सबैलाई थाहा नै छ। तर यस फाउण्डेशनको कृयाकलाब अथवा गतिविधिहरु न्युयोर्क शहरको मेयर कार्यालय, ब्रुक्लीनबोरो प्रेसिडेन्टको कार्यालय, क्वीन्सबोरो प्रेसिडेन्टको कार्यालय, न्युयोर्क राज्यका सेनेटरहरु, न्युयोर्क राज्यका ऐसेमब्लीमेम्बरहरु र न्युयोर्क शहरका सिटी काउन्सील मेम्बरहरुले प्रत्यक्ष अवलोकन गर्नु भएको जानकारीका साथ वहाँहरुकै अनुरोधमा फाउण्डेशनले फेरि निशुल्क खाधन्न वितरण कार्यक्रम सुरु गर्ने जमर्को गरेको छ। यस फाउण्डेशन ले विभिन्न समुदायका ६००० जना भन्दा बढी मा सेवा पुराएको अनुमान छ। यसै क्रममा भोलि मंगलवार, अगस...

नेपाल अखबार, एजेन्सि। बिहारका मुख्यमन्त्री नीतिश कुमारले बाढी नियन्त्रणका लागि नेपालले सहयोग नगरेको आरोप लगाएका छन्। विभिन्न राज्यमा आएको बाढीको बारेमा छलफल गर्न भारतीय प्रधानमन्त्री नरेन्द्र मोदीले आयोजना गरेको भर्चुअल मिटिङमा उनले बाढी नियन्त्रणमा नेपालले सहयोग नगरेको आरोप लगाएका भारतीय समाचार एजेन्सी पिटिआईले जनाएको छ। ‘नेपालका विभिन्न क्षेत्रमा भिषण वर्षाको कारण उत्तरी बिहारमा बाढीले नराम्रोसँग क्षति पुर्यावएको छ’, मोदीसँग नीतिशकुमारले भने, ‘नेपाल र भारतबीच भएको सम्झौताअनुसार बिहारको जलस्रोत विभागले सीमा क्षेत्रमा बढी व्यवस्थापनको कार्य गर्दै आएको छ। तर विगत केही वर्षदेखि यस विषयमान नेपालले पूर्ण रुपमा सहयोग प्राप्त गर्न सकेका छैनौं।’ मोदीले बाढीको विषयमा छलफल गर्न आसाम, बिहार, उत्तर प्रदेश, महाराष्ट्र, कर्नाटक र केरलाका मुख्यमन्त्रीहरुको बैठक राखेका थिए। बिहारमा डुबानको राम्रो व्यवस्थ...

नेपाल अखबार, एजेन्सि। भारतको आन्ध्र प्रदेशको विजयवाडामा स्वर्ण प्यालेस नामको एक होटलमाा अगलागी भएको छ । कोभिड संक्रमितहरुलाई राख्नका लागि एक नीजि अस्पतालले यो होटलको प्रयोग केयर सेन्टरको रुपमा गर्दै आएको थियो । आन्ध्र प्रदेशको गृहराज्य मन्त्री मेकाथोटी सुचरिताले आगो बिजुलीको तार सर्ट भएका कारण लागेको हुनसक्ने आशंका व्यक्त गरेका छन् । यस्तै आन्ध्र प्रदेश सरकारका सल्लाहकार एस राजीव कृष्णाले ट्वीट गर्दै मुख्यमन्त्रीले दुर्घटनामा प्रभावित व्यक्तिहरुको उपचारका लागि उनीहरुको मद्दत गर्ने आश्वासन दिएको जानकारी दिए । विजयवाडा प्रहरी कमिश्नरले दुर्घटनामा हालसम्म सातजनाको मृत्यु भएको जानकारी दिएका छन् । विजयवाडा प्रहरी विभागले आगलागीका बेला होटलमा करिब ५० जना रहेको बताएको छ । आगोबाट बच्नका लागि चारजना अस्पताल भवनबाट हाम फालेको बताइएको छ । यद्यपि, यी चारजनाको अहिलेसम्म पनि जानकारी पाउन सकिएको छैन...

नेपाल अखबार, एनेन्सि । वरिष्ठ लोकगायक तथा अमेरिकाको मेरिल्याण्ड तथा पेन्सेलभेनिया राज्यका लागि नेपाल सरकारको महावाणिज्यदूत प्रेमराजा महत र उनकी जीवन संगीनी कविता केसी महत कोरोना भाइरसबाट संक्रमित भएका छन् । वरिष्ठ लोकगायक महतले अगस्त ७, शुक्रबार दिउँसो करिब ३ बजे सामाजिक सन्जाल फेसबुकमार्फत् आफू र पत्नी दुवै संक्रमित भएको जानकारी दिएका छन् । उनले ध्यान राख्दाराख्दै दुर्भाग्यबस कोरोना संक्रमण हुनबाट जोगिन नसकेको उल्लेख गरेका छन् । उनले हाल आफ्नै घरको एउटा–एउटा कोठामा आइसोलेसनमा बसेको जानकारी दिएका छन् । उनले छोरा डा. सरगम महतको निरीक्षण र निगरानीमा बसेको बताएका छन् । कोरोना संक्रमणबाट जोगिन समयमै सतर्कता अपनाउन र यदि संक्रमण भइहाल्यो भने पनि गोप्य नराखी सबैलाई जानकारी दिन महतले आह्वान गरेका छन् । यसो गरेमा देश, समुदाय, स्वास्थ्यकर्मी र विश्व स्वास्थ्य संगठनप्रति नै सहयोग पुग्ने महतको भनाइ छ...

नेपाल अखबार, एजेन्सि । ‘ये रिश्ता हे प्यार के ’ टेलिश्रृङ्खालाका अभिनेता समिर शर्माले मुम्बईस्थित आफ्नो घरमा आत्महत्या गरेका छन् । ४४ वर्षका समिर शर्मालाई बुधबार राती मलाड पश्चिममा अहिंसा मार्गस्थित नहा सिएचएस बिल्डिङमा आफ्नो घरमा झुण्डिएको अवस्थामा फेला पारिएको हो । मलाड प्रहरीका अनुसार समिरले यसै वर्ष फेब्रुअरीमा अपार्टमेन्ट भाडामा लिएका थिए । रातीको ड्युटीमा खट्ने क्रममा चौकीदारले शव देखे र वरिपरिका मानिसलाई जानकारी दिए । शवको स्थिती हेर्दा प्रहरीले अभिनेताले दुई दिनअघि नै झुण्डिएर आत्महत्या गरेको हुनसक्ने आशंका गरेका छन् । घटनास्थलबाट कुनै सुसाइड नोट भने भेटिएको छैन । समिरले दिल क्या चाहता हे बाट टिभीमा डेब्यू गरेका थिए । उनी कहानी घर घरकीमा पनि देखिएका थिए ।...

नेपाल अखबार, एजेन्सि। भारतको गुजरातस्थित कोरोना अस्पतालमा आगलागी हुँदा आत्तिएर ८ संक्रमितको मृत्यु भएको छ। अहमवाद सहरको नवरंगपुरस्थित सहरमा रहेको श्रेय अस्पतालमा बिहान ३ बजेतिर अचानक आगलागी भएको अहमदाबादका अतिरिक्तम मुख्य अग्निनियन्त्रक राजेश भट्टले बीबीसीलाई जानकारी दिएका छन्। अधिकारीका अनुसार अस्पतालका कर्मचारीले पीपीई किट लगाएर काम गरिरहेका थिए, सर्ट सर्किटका कारण आगो लागेको हो। आगो एक घण्टामै नियन्त्रणमा लिइयो तर आत्तिएर ८ बिरामीको मृत्यु भएको बीबीसी हिन्दीले जनाएको छ।...

नेपाल अखबार, एजेन्सि। घरेलु कामदारको रुपमा भारतको हैदराबादस्थित एक घरमा कार्यरत नेपाली जोडी आइतबार राती २ करोड भारु मूल्य बराबरको पैसा, गहना र विद्युतीय उपकरणसहित फारर भएको आरोप लागेको छ । भारतीय मिडिया द न्यू इन्डियन एक्सप्रेसका अनुसार यो नेपाली जोडीले घरका पूरा परिवार एक कार्यक्रममा गएका बेला नगद, गहना र सर–सामान लिएर फरार भएको हो । यो जोडी उक्त घरको परिसरमा नै बनेको अर्को घरमा बस्ने गर्दथे । माल्काजगिरीका डिसीपी रक्षिता के मूर्तीका अनुसार फरार नेपाली जोडीको खोजीमा एक विशेष समूह गठन गरिएको छ । ‘हामीले प्राविधिक प्रमाण जुटाएका छौं र अनुसन्धान थालेका छौं,’ उनले भनिन् । घर–जग्गा व्यवसायी ए नरसिम्ह रेड्डीका छोराको जुलाई २९ मा विवाह भयो । विवाहको रिसेप्सनका लागि पूरा परिवार आइतबार राती फलाकनुमा प्यालेस पुगेका थिए । घरको पूरा जिम्मेवारी उनीहरुले नेपाली जोडीलाई सुम्पिएका थिए । जब मध्य राती उनीह...

नेपाल अखबार, एजेन्सि । लेबनानको राजधानी बेरुतमा विष्फोटक पदार्थ राखिएको गोदाम घरमा ठूलो विष्फोट भएको छ । लेबनानका स्वास्थ्यमन्त्रीले विष्फोटबाट कम्तिमा ७० जनाको मृत्यु भएको र करिब चार हजार जना घाइते भएको बताएका छन् । यो घटनापछि लेबनानका प्रधानमन्त्री हसन दिआबले बुधबार राष्ट्रिय शोक घोषणा गरेका छन् । घटनालाई भयावह भन्दै उनले दोषी जो भए पनि उन्मुक्ति नपाउने बताएका छन् । गोदाममा विष्फोटक पदार्थ असुरक्षित तरिकाले राखिएकाले यो घटना भएको बताइएको छ । गोदाममा सन् २०१४ देखि विष्फोटक पदार्थ भण्डारण गरेर राखिएको बताइएको छ । त्यहाँ २ हजार ७ सय ५० टन विष्फोटक पदार्थ नाइट्रेट रहेको थियो । राष्ट्रपति माइकल इयोनले ट्वीट गरेर भनेका छन्, ‘२ हजार ७ सय ५० टन विष्फोटक पदार्थ नाइट्रेट असुरक्षित तरिकाले भण्डारण गर्नु अस्वीकार्य छ ।’ सामाचार एजेन्सी एएफपीसँग एक प्रत्यक्षदर्शीले बताएअनुसार गोदाम घर वरपरका भौतिक स...

नेपाल अखबार, एजेन्सि। चीनको दक्षिण पश्चिम युनान प्रान्तमा आइतबारसम्ममा सलहले १० हजार ३८९ हेक्टरभन्दा बढी क्षेत्रको बालीनाला सखाप पारेको स्थानीय अधिकारीहरुले बताएका छन्। कृषि अनुसन्धान निकायहरुका अनुसार सलहले युनानका नौ वटा जिल्लामा बालीमा व्यापक क्षति गरेका छन््। मौसफ सफा भएको र तापमान अनुकूल भएसँगै सलहको बथान तिब्र गतिमा सक्रिय भएका पाइएको छ। स्थानीय अधिकारीहरुले सलह फैलिन नदिन ड्रोन मार्फत विषादी छर्कनेक्रम जारी रहेको छ। यहाँ गत जुन २८ मा पहिलो पटक सलह देखिएको थियो। सलह नियन्त्रण गर्न ८० हजारभन्दा बढी मानिस परिचालित भएका छन्। विज्ञहरुको भनाईमा चीनमा सलह प्रवेशको क्रम विस्तारै घट्न थालेको छ, तर सलहको संख्या ठूलै भएकाले नियन्त्रणमा ल्याउन निकै कठिन रहेको छ। हालैमात्र सलह फट्यांग्राले भारतका बालिनालीमा पनि ठूलो क्षति पुर्याएको थियो। रासस/सिन्ह्वा...