विश्व

नेपालअखबार,काठमाडौं । बंगलादेशका अन्तरिम सरकार प्रमुख मोहम्मद युनुसले आगामी फेब्रुअरीमा आम निर्वाचन गर्ने घोषणा गरेका छन्। विद्यार्थी आन्दोलनपछि सत्ता परिवर्तन भएको एक वर्ष पुगेको अवसरमा आयोजित 'दोस्रो मुक्ति' उत्सवको अन्त्यमा सम्बोधन गर्ने क्रममा युनुसले उक्त घोषणा गरेका हुन्। उनले आगामी फेब्रुअरीमा रमजानअघि नै निर्वाचन गरिसक्नेसमेत बताएको बिबिसीले जनाएको छ। युनुसले यसअघि सन् २०२६ को जुनमा आम निर्वाचन गर्ने प्रस्ताव गरेका थिए। तर अब रमजानअघै नै निर्वाचन गराउने तयारी गरेका हुन्। मंगलबार बंगलादेश नेशनलिस्ट पार्टी (बिएनपी), जमात-ए-इस्लामी र विद्यार्थीहरूले स्थापना गरेको नेशनल सिटिजन पार्टी (एनसिपी) का प्रतिनिधिहरू पनि उपस्थित रहेका समारोहमा फेब्रुअरीमै चुनाव गर्ने घोषणा गरेका हुन्। 'धेरै वर्षदेखि हामीले मत दिन पाएका छैनौं। यसपटक सबैले मत हाल्न पाउनेछन्। कसैलाई पनि छुटाइने छैन,...

नेपालअखबार,काठमाडौं ।अमेरिकी राष्ट्रपति डोनाल्ड ट्रम्पले रूसी राष्ट्रपति भ्लादिमिर पुटिनसँग चाँडै भेटवार्ता हुने बताएका छन्। युक्रेन युद्ध अन्त्य गर्नका लागि आफ्ना दूत र तेस्रो देशहरूबाट मध्यस्थता गर्दा सफलता नमिलेपछि ट्रम्प आफैले रुसी राष्ट्रपतिसँग भेटवार्ता गर्ने बताएका हुन्। अन्तर्राष्ट्रिय समाचार संस्था रोयटर्सका अनुसार आगामी साता नै ट्रम्पले पुटिनसँग प्रत्यक्ष वार्ता हुने भनेका छन्। मस्कोमा आफ्ना विशेष दूत स्टिभ विट्कोफ र पुटिनबीच तीन घन्टा लामो वार्ता भएपनि त्यसबाट युद्धविरामको ब्रेकथ्रू हुने संकेत नदेखिएपछि ट्रम्प आफैले पुटिनसँग वार्ता गर्ने भनेका हुन। उनले यसबारेमा युरोपेली नेताहरूलाई बुधबार नै टेलिफोन गरी जानकारी दिइसकेका छन्। युरोपेली नेताहरूसँगको टेलिफोन संवादमा पनि ट्रम्पले आगामी साता नै पुटिनसँग प्रत्यक्ष भेतवार्ता हुनसक्ने भनेका छन्। उनले बुधबार मस्कोमा भएको वा...

नेपालअखबार,काठमाडौँ। ब्राजिलको सर्वोच्च अदालतले पूर्वराष्ट्रपति जैर बोल्सोनारोलाई नजरबन्दमा राख्न आदेश दिएको छ। कू गर्ने प्रयास गरेको आरोप लागेका बोल्सोनारोलाई सर्वोच्चले सोमबार नजरबन्दमा राख्ने आदेश दिएको अन्तर्राष्ट्रिय समाचार संस्था रोयटर्सले जनाएको छ। सर्वोच्चले तोकेका सर्तको पालना नगरेको भन्दै न्यायाधीश एलेक्जान्द्रे डी मोरेसले घरमै नियन्त्रणमा राख्न आदेश दिएका हुन्। यसअघि सर्वोच्चले बोल्सोनारो विदेश भाग्न सक्ने भन्दै विदेशी अधिकारीसँग सम्पर्क गर्न, सामाजिक सञ्जाल चलाउन, दूतावासलाई सम्पर्कको प्रयास गर्न पनि रोक लगाएको थियो। अदालतले बोल्सोनारोको फोन नियन्त्रणमा लिन, वकिल बाहेकसँग भेटघाट गर्न र अदालतको अनुमति प्राप्त व्यक्तिसँग मात्रै भेट्न पाउने आदेश दिएको छ। उक्त आदेशपछि उनलाई ब्रासिलियास्थित निवासमा प्रहरीले नियन्त्रणमा लिएको छ। उनको फोन पनि प्रहरीले नियन्त्रणमा लिएको ...

नेपालअखबार,काठमाडौं । हमासले हतियार बिसाउन पुन: अस्वीकार गरेको छ । प्यालेस्टाइन सम्प्रभू देश नबनेसम्म हतियार नबिसाउने हमासको स्पष्टोक्ति छ । गाजा क्षेत्रमा इजरायल र हमासबीचको युद्ध रोक्ने प्रयास भइरहेका बेला हमासले आफ्नो युद्धविराम नरोक्ने जवाफ दिएको बीबीसीले जनाएको छ । अमेरिकी राष्ट्रपति डोनाल्ड ट्रम्पले युद्धविराम प्रस्ताव राखेका थिए । त्यसमा इजरायलले युद्धविरामका लागि हमासले हतियार त्याग्नुपर्ने सर्त राखेको थियो । इजरायलले युद्धविरामका लागि सशस्त्र प्यालेस्टिनी समूह हमासले हतियार त्याग्नुपर्ने प्रमुख सर्त राख्दै आएको छ । इजरायल र हमास आआफ्नो अडानमा कायम रहेकाले युद्धविरामका लागि पछिल्लो समय भइरहेको वार्ता पनि रोकिएको छ ।केही दिन अगाडि अरब दशहरुले हमासले हतियार बिसाउने र गाजाको नियन्त्रण छोड्न अनुरोध गरेका थिए । त्यो भन्दा पहिले फ्रान्स, क्यानडा, बेलायतसमेत केही पश्चिमा देशहरुले प्याल...

नेपालअखबार,काठमाडौं । पाकिस्तानले जेलमा रहेका पूर्वप्रधानमन्त्री इमरान खानको पार्टीका १०८ नेता-कार्यकर्ताहरूलाई जेल सजाय सुनाएको छ। उनीहरूलाई सन् २०२३ मा सेनाविरुद्ध प्रदर्शनमा सहभागी भएको आरोपमा सजाय सुनाइएको हो। मे २०२३ मा भ्रष्टाचारको आरोपमा अदालतमा पेशीको क्रममा सुरक्षाकर्मीहरूले इमरान खानलाई गिरफ्तार गरेपछि देशभर हिंसात्मक प्रदर्शनहरू सुरु भएका थिए। बिहीबार आएको यो फैसला इमरान खानको पार्टी पाकिस्तान तहरीक-ए-इन्साफ (पीटीआई) का लागि ठूलो झट्का मानिएको छ। सजाय सुनाइएकामध्ये पाकिस्तानको नेशनल असेम्बलीमा विपक्षी नेता उमर अय्यूब खान पनि छन्, जसलाई १० वर्षको जेल सजाय सुनाइएको छ। विपक्षी नेताहरूले आतंकवादविरुद्धको अदालत (एण्टी टेररिज्म कोर्ट) को यो निर्णयको आलोचना गरेका छन्। यो फैसलाले पीटीआईका ६ सांसदलाई अयोग्यसमेत ठहर गरेको छ ।...

नेपालअखबार,काठमाडौं । फ्रान्स र बेलायतपछि क्यानडाले पनि प्यालेस्टाइनलाई मान्यता दिने घोषणा गरेको छ । क्यानडाका प्रधानमन्त्री मार्क कार्नीले आगामी सेप्टेम्बरमा हुने राष्ट्रसंघ महासभामा प्यालेस्टाइनलाई राज्यको मान्यता दिने बताउनुभएको हो । तर प्यालेस्टिनी प्राधिकरण अत्यावश्यक सुधारका लागि प्रतिबद्ध हुनुपर्ने र गाजामा हमासको कुनै भूमिका हुन नहुने उहाँले स्पष्ट पार्नुभएको छ । गाजामा भोकमरीसहितको जटिल वास्तविकता हेर्दा प्यालेस्टिनी राज्यको सम्भावना आँखैअगाडि मेटिँदै गएको भन्दै उहाँले चिन्ता व्यक्त गर्नुभएको छ । बेलायतले पनि इजरायलले युद्धविरामको प्रतिबद्धता नजनाए प्यालेस्टाइनलाई राज्यको मान्यता दिने बताएको छ । गत साता फ्रान्सका राष्ट्रपति इम्यानुएल म्याक्रोंले पनि प्यालेस्टाइनलाई राज्यको मान्यता दिने बताउनु भएको थियो । राष्ट्रसंघका १९३ सदस्य राष्ट्रमध्ये १ सय ४७ वटाले औपचारिक रूपमा प्या...

नेपालअखबार,काठमाडौं । अमेरिका र चीनबीच भन्सार युद्धविरामका लागि स्वीडेनमा भएको वार्ता बिना कुनै निष्कर्ष टुंगिएको छ। विश्वका सबभन्दा ठूला अर्थतन्त्र भएका यी दुई देशले एकअर्कालाई लगाएको उच्च भन्सार ९० दिनका लागि थाँती राखेका छन्। सो समय अगस्ट १२ मा सकिँदैछ। त्यसअघि नै त्यसलाई लम्ब्याउन दुई देशले वार्ता गरिरहेका छन्। यस क्रममा स्वीडेनको राजधानी स्टकहोममा दुई दिनसम्म चलेको वार्ता बिना कुनै निष्कर्ष टुंगिएको हो। दुई देश युद्धविराम लम्ब्याउन सहमत भए पनि कति समयका लागि लम्ब्याउने भन्नेमा सहमति हुन नसकेको हङकङबाट प्रकाशित हुने साउथ चाइना मर्निङ पोस्टले लेखेको छ। अमेरिकी वार्ता टोलीको नेतृत्व गरेका अर्थमन्त्री स्कट बेसेन्टले वार्ता रचनात्मक भएको बताएको द न्युयोर्क टाइम्सले उल्लेख गरेको छ। यद्यपि, युद्धविराम तन्काउने अन्तिम निर्णय भने अमेरिकी राष्ट्रपति डोनाल्ड ट्रम्पले गर्ने उनले जानकारी ...

नेपालअखबार,वासिङ्टन डीसी । अमेरिकाका २१ राज्यहरूले राष्ट्रपति डोनाल्ड ट्रम्पको प्रशासन विरुद्ध एउटा ठुलो कानुनी कदम चालेका छन् । यी राज्यहरूका महान्यायाधिवक्ताहरूले सोमबार प्रशासनमाथि संयुक्त मुद्दा दायर गरेका छन् । पूरक पोषण सहायता कार्यक्रम (स्न्याप)का लाभार्थीहरूको व्यक्तिगत जानकारी उपलब्ध गराउन भनेर अमेरिकी कृषि मन्त्रालय (यूएसडीए)लाई प्रशासनले गरेको मागको विरोध गर्दै यो मुद्दा हालिएको हो । मुद्दा सन फ्रान्सिस्कोको संघीय अदालतमा दायर भएको छ । यो डेटा निर्वासन जस्ता आप्रवासी विरोधी कार्यमा प्रयोग हुने डर यी राज्यहरूलाई छ । गोपनीयता र मानव अधिकार सङ्गठनहरूले पनि यो कदमलाई खतरनाक भनेका छन् । ट्रम्प प्रशासनले हालै यूएसडीएमार्फत सबै राज्यहरूलाई स्न्याप योजनाबाट लाभान्वित नागरिकहरूको जन्म मिति, ठेगाना र नागरिकता स्थिति जस्ता व्यक्तिगत डेटा उपलब्ध गराउन माग गरेको थियो । डेटा दिँ...

काठमाडौं । गाजामा इजरायलले खाद्यान्न आपूर्तिमा अवरूद्ध गर्दा बालबालिकाहरू नुन खाएर भोक मेट्न बाध्य भएका छन् । इजरायल–हमास युद्ध सुरु भएको २२ महिनामा हालसम्म भोकमरीका कारण १२४ जनाको मृत्यु भइसकेको छ, जसमध्ये ८१ जना बालबालिका छन्। केवल जुलाई महिनामै भोकका कारण ४० जनाको मृत्यु भएको छ, तीमध्ये १६ बालबालिका छन्। गाजामा रिपोर्टिङ गरिरहेका पत्रकारहरूका अनुसार त्यहाँ ५० ग्रामको बिस्कुटको मूल्य एक हजार रुपैयाँ भन्दा बढी पर्ने अवस्था छ । नगद पैसा झिक्नका लागि ४५ प्रतिशतसम्म कमिसन दिनुपर्छ। इजरायलले विदेशी पत्रकारहरूलाई प्रवेश निषेध गरेका कारण त्यहाँबाट स्थानीय सञ्चारकर्मीहरूले रिपोर्टिङ गरिरहेका छन् । बालबालिका लगायतका मानिसहरू नुन चाटेर र पानी पिएर पेट भर्नुपर्ने बाध्यतामा छन्। एक पत्रकारका अनुसार २१ महिनामा उनको तौल ३० किलोले घटेको छ, उनी थकान र रिंगटासँग जुधिरहेका छन्। कुपोषणले ज...

नेपालअखबार,काठमाडौं । एक अमेरिकी नागरिकले गाजामा स्पष्ट रूपमा आफूले युद्ध अपराध देखेको बताएका छन् । बीबीसीसँगको कुराकानीमा उनले मानवीय रूपमा यस्तो क्रूरता र निर्दोष नागरिकमाथि दमन कहिल्यै नदेखेको बताएका छन् । अमेरिकी सुरक्षा ठेकेदार समेत रहेका उनले बीबीसीलाई बताएअनुसार, उनले मे र जुन २०२५ मा जीएचएफसँग काम गर्ने क्रममा स्पष्ट रूपमा युद्ध अपराध देखेको बताए । एन्थोनी अगुइलार नामका ती पूर्वसैनिकले भने, ‘आईडीएफ (इजरायली सेना) र अमेरिकी ठेकेदारहरूले खाद्य वितरण स्थलहरूमा सर्वसाधारणमाथि गोली, तोप, मोर्टार र ट्यांक प्रयोग गरेको उनले देखेका छन्। उनले भने, ‘मेरो समग्र सैन्य करियरमा मैले कहिल्यै पनि यस्तो स्तरको क्रूरता र निरपराध जनतामाथि अनावश्यक बल प्रयोग देखेको थिइनँ।’ जीएचएफले भने यी दाबीहरू अस्वीकार गर्दै यसलाई ‘एक असन्तुष्ट पूर्वकर्मचारीबाट आएका झुटा आरोप’ भनेको छ । एक तिहाइ न...