Thursday, November 19

समाचार

मधेशमा आज चौठचन्द्र पर्व मनाइँदै
धर्म/संस्कृति, समाचार, समाज

मधेशमा आज चौठचन्द्र पर्व मनाइँदै

नेपालअखबार, जनकपुरधाम । तराई-मधेशका जिल्लामा आज चन्द्रमाको पूजा गरी चौठचन्द्र (चौरचन) पर्व मनाइँदैछ । छठपछिको महत्वपूर्ण पर्वका रूपमा लिइने चौठचन्द्रमा व्रतालुहरू दिनभर उपवास बसेर साँझ गणेश र चन्द्रमाको विधिपूर्वक पूजा गर्ने परम्परा छ । सूर्यास्तपछि घर–आँगन गोबरले लिपेर चामलको पिठोबाट आकर्षक अरिपन बनाइन्छ । अरिपनमा पूजाका सामग्री राखेर गणेश र चन्द्रमाको पूजा गरिन्छ । माटोका नयाँ भाँडामा दही, केरा, मिठाई, खीर, पुरी तथा विभिन्न परिकार चढाउने चलन छ । पूजापछि गणेश र चन्द्रमासम्बन्धी धार्मिक कथा सुन्ने परम्परा पनि रहेको छ । व्रतालुहरूले चन्द्रमालाई अर्घ्य दिएपछि पूजामा चढाइएको प्रसाद ग्रहण गर्ने तथा आफन्त र इष्टमित्रलाई बाँड्ने गर्छन् । परिवारको सुख, समृद्धि र मनोकांक्षा पूरा हुने धार्मिक विश्वासका कारण यो पर्व विशेष श्रद्धाका साथ मनाइन्छ । धार्मिक मान्यताअनुसार प्रख्यात ज्योतिष ...
बाँदरको सास्तीपछि बेसार खेतीतर्फ किसान
कृषि, समाचार, समाज

बाँदरको सास्तीपछि बेसार खेतीतर्फ किसान

नेपालअखबार, भोजपुर । बाँदरले अन्नबाली नष्ट गरेर हैरानी पारेपछि भोजपुरका किसानहरू वैकल्पिक बालीका रूपमा बेसार खेतीतर्फ आकर्षित हुन थालेका छन्। मकै, कोदो, धान र फलफूल बाँदरबाट बचाउन कठिन भएपछि स्थानीयवासी बेसार खेतीमा लागेका हुन्। विशेषगरी तल्लो भेग र जङ्गल आसपासका क्षेत्रमा बाँदरको त्रास बढी हुने भएकाले ती स्थानमा बेसार खेती विस्तार भइरहेको भोजपुर नगरपालिका-५ बोखिमका किसान नवराज फुँयालले बताए। ‘मकै र कोदोजस्ता खेती बाँदरबाट जोगाउनै मुस्किल छ,’ फुँयालले भने, ‘बेसारको गानो बाँदरले नखाने भएकाले यो बाली हाम्रा लागि उत्तम विकल्प बनेको छ।’ बेसार खेतीबाट किसानले आम्दानी पनि राम्रो गरिरहेका छन्। स्थानीय किसान मैयानानी न्यौपानेका अनुसार उत्पादन भएको बेसार स्थानीय बजारमै सहजै बिक्री हुने गरेको छ। हाल स्थानीय बजारमा बेसारको पीठो प्रति कुरुवा १०० देखि १२० रुपैयाँसम्ममा बिक्री भइरहेको छ। उत्...
बहुला खोलामा बाढी आएपछि भेरी करिडोर अवरुद्ध
समाचार, समाज

बहुला खोलामा बाढी आएपछि भेरी करिडोर अवरुद्ध

नेपालअखबार,  सुर्खेत । जाजरकोटको नलगाड नगरपालिका-१ र २ को सीमामा पर्ने बहुला खोलामा आएको बाढीले भेरी करिडोर सडक अवरुद्ध भएको छ। बहुला खोलामा आएको बाढीले सडकको विभिन्न भाग कटान गर्नुका साथै नलगाड-१ तर्फका केही घुम्तीमा समेत क्षति पुगेको स्थानीयवासी मोतीराम हमालले जानकारी दिए। सडकमा बाढी र पहिरोका कारण यातायात सेवा ठप्प भएको छ। खहरे खोलामा आएको बाढीले सडक च्यातिएपछि यातायातका साधन सञ्चालन गर्न नसकिने अवस्था रहेको हमालले बताए। भेरी करिडोर जाजरकोट, रुकुम पश्चिम र डोल्पालाई जोड्ने प्रमुख सडक भएकाले सडक अवरुद्ध हुँदा यात्रु तथा स्थानीयवासीलाई समस्या भएको छ। यसैबीच, सोमबारको अविरल वर्षापछि गएको पहिरोका कारण नलगाड नगरपालिका–२ डाँडागाउँको खर्कमा हजारी खत्रीको एक हल गोरु मरेका छन्। वर्षा र पहिरोका कारण आसपासका क्षेत्रमा समेत क्षति पुगेको स्थानीयवासी नारायणप्रसाद गौतमले जानकारी दिए।उनका अन...
बाढीले पक्की पुल बगाएपछि फड्के तथा तुइन निर्माण
प्रशासन, समाचार, समाज

बाढीले पक्की पुल बगाएपछि फड्के तथा तुइन निर्माण

नेपालअखबार, रसुवा । रसुवा–नुवाकोट सडकखण्डमा वैकल्पिक फड्के तथा तुइन निर्माण गरी पैदल आवागमन सञ्चालनमा ल्याइएको छ। फलाखु खोलामा रहेको पक्की पुल तथा स्याफ्रुबेँसीस्थित भोटेकोशी नदीमाथिको पक्की पुल बाढीले बगाएपछि सो सडकखण्डमा आवतजावत अवरुद्ध भएको थियो। ‘आवागमनलाई तत्काल सहज बनाउन वैकल्पिक संरचना निर्माण गरिएको हो,’ सशस्त्र प्रहरी बलका प्रहरी उपरीक्षक तुलबहादुर भण्डारीले भने, ‘पहिलो चरणमा पैदल यात्राका लागि आवागमन सहज बनाउन बेत्रावतीमा बाँस तथा काठ प्रयोग गरी फड्के निर्माण गरिएको छ। स्याफ्रुबेँसीमा फलामे तुइन जडान गरिएको छ।’ भण्डारीका अनुसार स्याफ्रुबेँसीमा तुइन निर्माण सम्पन्न भए पनि दायाँबायाँको पदमार्ग व्यवस्थित गर्ने काम भइरहेको छ। यो संरचना एक–दुई दिनभित्र पूर्ण रूपमा सञ्चालनमा आउनेछ। बेत्रावतीमा फड्के निर्माण भएपछि नुवाकोटतर्फबाट गेर्खु, छापटार, केराघारी हुँदै बेत्रावतीसम्म...
आज हरितालिका तीज, पशुपति लगायतका शिवालयहरूमा व्रतालुहरूको घुइँचो
धर्म/संस्कृति, समाचार, समाज

आज हरितालिका तीज, पशुपति लगायतका शिवालयहरूमा व्रतालुहरूको घुइँचो

नेपालअखबार, काठमाडौं । भाद्र शुक्ल तृतीयाका दिनमा मनाइने हरितालिका तीज पर्व आज मनाइँदैछ । आजको दिन व्रतालुले शिव–पार्वतीको विशेष पूजा आराधना गर्दछन् । यसो गर्दा परिवारमा सुख, शान्ति र कल्याण हुने धार्मिक विश्वास छ । सत्य युगमा आजैको दिन निराहार व्रत बसी पार्वतीले महादेव स्वामी पाएकी कथा छ । त्यसैले आजको दिन निराहार व्रत बसेर विधिपूर्वक शिवपार्वतीको पूरा गरे मनोकामना पूरा हुने विश्वास छ । यही विश्वासका साथ व्रतालुहरुको आज बिहानैदेखि पशुपतिनाथ मन्दिर लगायतका शिवालयहरुमा घुइँचो लागेको छ । तीजका अवसरमा आज बिहान ३ बजेदेखि नै पशुपतिनाथका चारैढोका खोलिएका छन् ।पशुपति मन्दिर प्रवेश गरी बढीमा दुई घण्टामा भक्तजनले दर्शन गरेर फर्कीसक्ने गरी लामको व्यवस्था मिलाएको पशुपति क्षेत्र विकास कोषले जनाएको छ । सामान्यतया आधा घण्टामा भक्तजनले दर्शन गरिसक्ने गरी स्वयंसेवकलगायत सुरक्षाकर्मी र कर्मचारीलाई...
देउवा पक्षले खटायो जिल्लाहरूमा केन्द्रीय प्रतिनिधि
राजनीति, समाचार

देउवा पक्षले खटायो जिल्लाहरूमा केन्द्रीय प्रतिनिधि

नेपालअखबार,काठमाडौं । नेपाली कांग्रेसको संस्थापनइतर पक्षले १५ औं महाधिवेशनअन्तर्गत वडा अधिवेशनलगायत गर्न जिल्लाहरूमा केन्द्रीय प्रतिनिधि खटाएको छ। निवर्तमान सभापति शेरबहादुर देउवा पक्षले १५ औं महाधिवेशन तयारी समिति बनाएर समानान्तर गतिविधि गरेका छन्। पूर्वमहामन्त्री शशांक कोइराला संयोजक रहेको समितिले समानान्तर महाधिवेशन गर्न कार्यतालिका जारी गरिसकेको छ। जसअनुसार असोज १५ गते वडा अधिवेशनको कार्यतालिका छ। केन्द्रीय प्रतिनिधिहरू जिल्ला पुगेर विभिन्न समितिहरू गठन गर्न भूमिका खेल्नेछन् र अधिवेशन कार्यहरू प्रारम्भ गरिने बताइएको छ। तेह्रथुममा केन्द्रीय प्रतिनिधि बनाइएकी पूर्वमन्त्री सीता गुरूङले भने अहसमति जनाएकी छन्। उनले कांग्रेस चुनाव चिह्न र चार तारे झण्डा जता छ आफू त्यहीँ रहने उल्लेख गरेकी छन्। देउवा पक्षले गर्न लागेको अधिवेशनमा निवर्तमान कार्यवाहक सभापति पूर्णबहादुर खड्का भन...
भरतपुरमा गुडिरहेको कारमा आगो लाग्नुको कारण खोज्दै प्रहरी
समाचार, समाज

भरतपुरमा गुडिरहेको कारमा आगो लाग्नुको कारण खोज्दै प्रहरी

नेपालअखबार,काठमाडौं । चितवनको भरतपुर महानगरपालिका–९ स्थित बसन्तचोकमा गुड्दागुड्दैको कारमा कसरी आगो लाग्यो भन्नेबारे प्रहरीले अनुसन्धान गरिरहेको छ । भदौ २६ मा बिहान ६ बजेतिर पूर्व–पश्चिम राजमार्गको सर्भिसलेनमा पूर्वबाट पश्चिमतर्फ आउँदै गरेको बा.प्रदेश–०१–०३० च ५५७९ नम्बरको ईभी कार गुडिरहेको बेला अचानक आगलागी भएको थियो । कारमा आगलागी हुँदा चालक ५६ वर्षीय अमर पराजुलीको मृत्यु भएको थियो । भरतपुर महानगरपालिका–१२ घर भएका पराजुलीले आफ्नै घरमा किराना पसल सञ्चालन गर्दै आएका थिए । आयोन ब्राण्डको ईभी कार गुडिरहेको बेला अचानक आगलागी भएपछि चालक बाहिर निस्कन नसकेको र गाडीभित्रै उनले ज्यान गुमाएका थिए । कारमा आगलागी हुनुको कारणबारे अनुसन्धान भइरहेको जिल्ला प्रहरी कार्यालय चितवनका डीएसपी चन्द्रभूषण यादवले बताए । उनले भने, ‘प्राविधिकहरूसँग पनि समन्वय गरेर अनुसन्धान गरिरहेका छौँ ।’ मृतकको चितवनस्थि...
बृहत् आँखा शिविर : एक हजार चार सय लाभान्वित
समाचार, समाज, स्वास्थ्य

बृहत् आँखा शिविर : एक हजार चार सय लाभान्वित

नेपालअखबार, सिन्धुपाल्चोक । रोटरी क्लब अफ धुलिखेलद्वारा जिल्लाका चारवटा पालिकामा एकैपटक आयोजित निःशुल्क बृहत् आँखा शिविरमा एक हजार ४०० जनाको नेत्र परीक्षण गरिएको छ । चौतारा सागाँचोकगदी नगरपालिका–५ मेलम्ची नगरपालिका–११, बाह्रबिसे नगरपालिका–३ र इन्द्रावती गाउँपालिका–५ मा आयोजिते शिविरमा नेत्र परीक्षण गरिनाका साथै औषधि पनि वितरण गरिएको थियो । शिविरमा १०० जनाको मोतिविन्दुको शल्यक्रिया पनि गरिएको क्लबका शिविर संयोजक अशोककुमार श्रेष्ठले जानकारी दि । शनिबार आयोजित उक्त शिविरमा रोटरी क्लब अष्ट्रेलिया, आरसिसी सिन्धुपाल्चोकलगायत संस्थाले सहयोग गरेका थिए ।...
इन्डोनेसियामा २४० यात्रु बोकेको जहाज बेपत्ता, जाभा सागरमा सम्पर्कविहीन
विश्व, समाचार, समाज

इन्डोनेसियामा २४० यात्रु बोकेको जहाज बेपत्ता, जाभा सागरमा सम्पर्कविहीन

नेपालअखबार,काठमाडौं । इन्डोनेसियामा २४० जना सवार एउटा यात्रुवाहक जहाज आइतबार बेपत्ता भएको छ। उक्त जहाज जाभा सागरमा पुगेपछि सम्पर्कविहीन भएको हो। भर्गो ट्रान्सपोर्ट ८ नामक उक्त जहाज पूर्वी जाभाको सुराबायाबाट बोर्नियो टापुस्थित दक्षिण कालीमन्तन प्रान्तको राजधानी बन्जारमासिन जाँदै थियो। अधिकारीहरूले बेपत्ता जहाजको खोजी कार्य सुरु गरेका छन्। बन्जारमासिनस्थित सर्च एन्ड रेस्क्यु अफिसका अनुसार, यात्राका क्रममा जहाजको सञ्चार प्रणालीमा खराबी आएको थियो। त्यसपछि जहाजसँग कुनै सम्पर्क हुन सकेको छैन। उद्धार अधिकारीहरूका अनुसार, प्रारम्भिक जानकारीमा जहाजको अन्तिम लोकेसन जाभा सागरमा बन्जारमासिनको एउटा बन्दरगाहबाट करिब १४८ किलोमिटर टाढा देखिएको थियो। उद्धार टोलीहरूले उक्त क्षेत्रमा जहाजको तीव्र खोजी गरिरहेका छन्। हालसम्म जहाजमा सवार यात्रुहरू हताहत भएको कुनै जानकारी प्राप्त भएको छैन। यसअघि पनि ...
हुथीले एन्थ्रोपिकको क्लड कोडको सहयोगमा गरे क्षेप्यास्त्र विकास
विश्व, समाचार

हुथीले एन्थ्रोपिकको क्लड कोडको सहयोगमा गरे क्षेप्यास्त्र विकास

नेपालअखबार, काठमाडौं । इरानसँग मिलेर काम गर्ने यमनको हुथी समूहले क्षेप्यास्त्र विकास गर्न अमेरिकी कम्पनी एन्थ्रोपिकको आर्टिफिसियल इन्टेलिजेन्स प्रणाली ‘क्लड कोड’ प्रयोग गरेको छ। एन्थ्रोपिकले बिहीबार सार्वजनिक गरेको सुरक्षा प्रतिवेदनअनुसार उत्तरी यमनमा सक्रिय एउटा समूहले क्लड कोडको सहयोगमा एकैपटक तीनवटा क्षेप्यास्त्र परियोजनामा काम गरिरहेको थियो। एन्थ्रोपिकले उक्त समूहलाई हुथी भनेर किटान गरेको छैन। रोयटर्सका अनुसार प्रतिवेदनमा प्रयोगकर्ताहरू हुथी थिए वा थिएनन् भन्ने खुलाइएको छैन। तर उत्तरी यमनको अधिकांश भूभाग र राजधानी सना हुथीको नियन्त्रणमा छन्। हुथीसँग यसअघि नै निर्देशित रकेट, क्रुज तथा ब्यालिस्टिक मिसाइल चलाउने अनुभव र प्राविधिक संरचना छ। त्यसैले एसोसिएटेड प्रेस, फाइनान्सियल टाइम्स र अन्य अन्तर्राष्ट्रिय सञ्चारमाध्यमहरूले उक्त समूह हुथीसँग सम्बन्धित हुन सक्ने बलियो सम्भावना र...