राजनीति

नेपालअखबार,काठमाडौं । राप्रपा परित्याग गरेका धवल शम्शेर र राष्ट्र, राष्ट्रियता, धर्म, संस्कृति तथा नागरिक बचाऊ महाअभियान सञ्चालन गरिरहेका दुर्गा प्रसाईं समूहबीच नयाँ पार्टी खोल्नेबारे समझदारी भएको छ। धवल शम्शेरसहित १८६ जना नेता तथा कार्यकर्ताहरूले बिहीबार सामूहिक रूपमा राप्रपा परित्याग गरेका थिए भने आज राणा र प्रसाईंबीच नयाँ पार्टी खोल्ने सहमति भएको हो। ‘पूर्वसांसद धवल शम्शेर राणा नेतृत्वमा रहेको समूह र दुर्गा प्रसाईं नेतृत्वमा रहेको समूहबीच राजनीतिक दल निर्माण गर्न सहमति गरिएको छ,’ समझदारीमा उल्लेख छ, ‘विचार र सिद्धान्त मिल्ने अन्य राजनीतिक दल, अभियान, संगठन र व्यक्तिहरूलाई साथ लिएर नयाँ राजनीतिक पार्टी घोषणा गर्नेछौं।’ नयाँ निर्माण हुने राजनीतिक दलमा ६० प्रतिशत युवा तथा महिला सहभागिता हुने उनीहरूले बताएका छन्। यस्तो छ सम्झौता-...

नेपालअखबार,काठमाडौं । उज्यालो नेपाल पार्टीका अध्यक्ष कुलमान घिसिङले सरकारले विद्युत्को महशुल घटाउनुपर्ने समयमा उल्टो भ्याट थपेर महँगी बढाउन लागेको आरोप लगाएका छन् । शुक्रबार पार्टीको युवा तथा विद्यार्थी विभागद्वारा आयोजित कार्यक्रममा सम्बोधन गर्दै घिसिङले यस्तो आरोप लगाएका हुन् । आफू विगतमा नेपाल विद्युत् प्राधिकरणमा रहँदा प्राधिकरण घाटामै रहेका बेला पनि विद्युत्को महशुल घटाएको पनि अध्यक्ष घिसिङले स्मरण गरे । उनले तीन पटक गरी २५ प्रतिशत विद्युत्को महशुल घटाएको उनले बताए । त्यसको कुल रकम २५ अर्ब हुन आउने पनि बताए । ‘२५ अर्बको विद्युत् महशुल घटाएर पनि प्राधिकरण नाफामा आयो । घाटामा रहेको प्राधिकरणको विद्युतको महशुल घटाउँदा पनि नाफामा आयो,’ उनले भने । नेपालमा अहिले धेरै जलविद्युत् आयोजना निर्माण भइरहेकाले अब विद्युत् सस्तो हुँदैजाने पनि उनले बताए । तर, यस्तो बेला सरकारले विद्युत् महशुल सस्त...

नेपालअखबार,काठमाडौं । आफूलाई वैकल्पिक राजनीतिक शक्ति र सुशासनको पक्षधर बताउँदै आएको राष्ट्रिय स्वतन्त्र पार्टी (रास्वपा) भित्रै पार्टी नीति र निर्देशनको खुलेआम अवज्ञा भएको आरोप उठेको छ। पार्टीले संघीय सांसदहरूलाई संसदीय जिम्मेवारी र नीति निर्माणमा केन्द्रित हुन लिखित निर्देशन जारी गरिरहँदा भक्तपुर–१ बाट प्रत्यक्ष निर्वाचित सांसद रुकेश रञ्जित भने जिल्ला सचिव पद नछाड्ने अडानमा देखिएका छन्। रास्वपाका महामन्त्री कविन्द्र बुर्लाकोटीको हस्ताक्षरसहित जारी पत्रमा संघीय सांसदहरूले संसद, संसदीय समिति र जनताका गुनासा सुन्ने जिम्मेवारीलाई प्राथमिकतामा राख्नुपर्ने उल्लेख छ। पार्टी संगठनको दैनिक सञ्चालन र स्थानीय तहका जिम्मेवारीमा अल्झिनुभन्दा नीति निर्माण तथा जनप्रतिनिधिको भूमिकामा केन्द्रित हुन आग्रह गरिएको छ। तर, पार्टीको यही स्पष्ट निर्देशनलाई बेवास्ता गर्दै सांसद रञ्जितले आगामी असार २३ गते हुने भ...

नेपालअखबार, काठमाडौँ । इसराइल र लेबननबीच अमेरिकाको मध्यस्थतामा भएको युद्धविराम सम्झौतामा हिजबुल्लाहले असहमति जनाएको छ। प्रारम्भमा युद्धविराममा सहमत हुने संकेत दिएको हिजबुल्लाहले बिहीबार उक्त सम्झौताको सर्त अस्वीकार अमेरिकी अनलाइन एक्सियसले जनाएको छ। अमेरिका, इसराइल र लेबननले बुधबार संयुक्त वक्तव्य जारी गर्दै हिजबुल्लाहले दक्षिणी लेबननको लिटानी नदीको दक्षिण क्षेत्रबाट आफ्ना लडाकु हटाउने र इसराइलमाथिका आक्रमण रोक्ने शर्तमा पूर्ण युद्धविराममा सहमति भएको बताएका थिए। तर हिजबुल्लाहले यसलाई अस्वीकार गरेपछि सम्झौता कागजमै सीमित हुन सक्ने चिन्ता बढेको भनेर एक्सियसले लेखेको छ। यो युद्धविरामले अमेरिका-इरान युद्ध अन्त्य हुने सम्भावना बढाएको थियो। इरानले अमेरिकासँगको कुनै पनि सम्झौताका लागि इसराइल र लेबननबीचको लडाइँको अन्त्यलाई एउटा सर्त बनाउँदै आएको थियो। बिहीबार इसराइल-लेबनन युद्धविराम...

नेपालअखबार,काठमाडौं । अमेरिकी राष्ट्रपति डोनाल्ड ट्रम्पले इरानका सर्वोच्च नेतालाई भेट्न पाउँदा गर्न लाग्ने बताएका छन् । सञ्चारकर्मीहरूसँग कुरा गर्दै ट्रम्पले भने, ‘म मुज्तबा खामेनीलाई भेट्न चाहन्नँ तर यदि भेटेँ भने मलाई गर्व महसुस हुनेछ।’ उनले यदि अमेरिका-इरानबीच कुनै सम्झौता भयो भने सायद म सर्वोच्च नेतालाई भेट्न सक्छु। यदि हाम्रो भेट भयो भने म उनीसँग सम्मानपूर्वक प्रस्तुत हुनेछु। ट्रम्पले आफ्नो सरकारले इरानबाट संवर्धित युरेनियम हासिल गर्न सैनिक पठाउने विषयमा विचार गरेको तर अन्त्यमा यो योजना खारेज गरिएको बताएका छन्। ट्रम्पका अनुसार, यो अपरेसन धेरै जोखिमपूर्ण थियो र यसमा अमेरिकी सैनिकहरूको ज्यान जाने आशङ्का थियो। त्यसैले यसलाई अगाडि बढाइएन। ट्रम्पले इरानबाट संवर्धित युरेनियम हासिल गर्नु भेनेजुएलाका नेता निकोलस मादुरोलाई पक्रने जस्तो छिटो र सजिलो प्रक्रिया नभएको बताएका छन्। ...

नेपालअखबार,काठमाडौं । नेकपा एमालेले संगठन निर्माणमा आफ्नै छोराछोरीलाई जोड्ने अभियान चलाउने भएको छ । राजधानीमा सम्पन्न दुई दिने कार्यशाला गोष्ठीले पार्टीका नेता तथा कार्यकर्ताहरूकै छोराछोरीलाई पार्टीमा आवद्ध गराउने अभियान चलाउने घोषणा गरेको छ । ‘नयाँ पुस्तासँग अन्तरसंवाद कार्यक्रमको आयोजना गरी पार्टी आवद्ध परिवारका छोराछोरीहरूको सम्मेलन सबै कमिटीले आयोजना गर्ने घोषणा गर्दछ,’ संकल्प पत्रमा भनिएको छ । प्रचार विभाग प्रमुख निरज आचार्यका अनुसार एमालेकै नेता–कार्यकर्ताहरूका छोराछोरीलाई पार्टी कमिटीमा आवद्ध गराउन यो अभियान चलाउन लागिएको हो । ‘पार्टीमा आवद्ध नेताहरूकै परिवारबीच चिनजान, घुलमिल र आत्मीय बनाउने कुरालाई प्रोत्साहन गर्न यो अभियान चलाइएको हो,’ आचार्यले भने, ‘यो अभियानले हाम्रै परिवारका सदस्यहरूलाई पार्टी सदस्य बन्न प्रेरित गर्नेछ भने उनीहरूले समाजका अरू क्षेत्रलाई पनि प्रभावित बनाउने...

नेपालअखबार,काठमाडौं । प्रतिनिधिसभा अन्तर्गतको सार्वजनिक लेखा समितिको बैठक स्थगित भएको छ । आज बस्ने भनिएको बैठक स्थगित गरिएको समिति सभापति भरतबहादुर खड्काले जानकारी दिए । राष्ट्रिय स्वतन्त्र पार्टी (रास्वपा)को जिल्ला जिल्लामा चुनाव हुँदै गरेको र रास्वपाका सांसदहरू समितिमा अनुपस्थित हुने अवस्थाका कारण बैठक स्थगित गरिएको जनाइएको छ ।‘कोरम नपुग्ने अवस्थामा बैठक नराखौं भनेर स्थगित गरिएको हो’ सभापति खड्काले भने ।...

नेपालअखबार,काठमाडौँ । इरानी आक्रमणपछि कुवेतले सबै उडानहरू स्थगित गरेको छ। अमेरिकाले इरानमाथि प्रहार गरेपछि जबाफमा इरानले कुवेतमा हमला गरेको छ। इरानले बुधबार कुवेतको एकमात्र अन्तर्राष्ट्रिय विमानस्थलमा ड्रोन आक्रमण गरेको छ। सो हमलाले विमानस्थलको भवनमा ठूलो क्षति पुग्नुका साथै धेरै मानिसहरू घाइते भएको कुवेतले जनाएको छ। त्यसपछि कुवेतले सो विमानस्थल बन्द गरेर सबै उडानहरू स्थगित गरेको हो। कुवेती विदेश मन्त्रालयका अनुसार विमानस्थल बाहेक अन्त समेत भएको इरानी आक्रमणका कारण एक जनाको मृत्यु भएको छ। अमेरिकी सेनाले बुधबार बिहान इरानबाट प्रहार गरिएका मिसाइल र ड्रोनहरू खसाल्ने मात्रै नभएर स्ट्रेट अफ होर्मुज नजिकका लक्ष्यहरूमा पनि आक्रमण गरेको छ। इरानसँगको युद्धको नेतृत्व गरिरहेको अमेरिकी सेन्ट्रल कमान्डले केही समय अघि जारी गरेको विज्ञप्ति अनुसार अमेरिकी सेनाले इरानका धेरै वटा ब्यालिस्टिक ...

नेपालअखबार,काठमाडौँ । राष्ट्रपति रामचन्द्र पौडेलले जातीय भेदभाव तथा छुवाछूत उन्मूलन राष्ट्रिय दिवसका अवसरमा शुभकामना व्यक्त गरेका छन् । राष्ट्रपति पौडेलले आज (बिहीबार) शुभकामना सन्देश जारी गर्दै दिवसका अवसरमा सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि र सामाजिक सद्भावका लागि हार्दिक शुभकामना व्यक्त गरेका छन् । उनले भनेका छन्, “यस दिवसले मानव मर्यादा, समानता र सामाजिक न्यायको संरक्षण तथा प्रवर्द्धन गर्दै विभेदहीन, समावेशी र सभ्य समाज निर्माणप्रति हामी सबैलाई थप प्रतिबद्ध बन्न प्रेरणा प्रदान गरेको छ ।” विसं २०६३ जेठ २१ गते नेपाल सरकारले मुलुकलाई ‘जातीय छुवाछूत मुक्त राष्ट्र’ घोषणा गरेको दिनको स्मरणमा प्रत्येक वर्ष जेठ २१ गतेलाई ‘जातीय भेदभाव तथा छुवाछूत उन्मूलन दिवस’का रूपमा मनाउँदै आएका छौँ । राष्ट्रपति पौडेलले नेपालको संविधानमा बहुजातीय, बहुभाषिक, बहुधार्मिक, बहु...

नेपालअखबार,काठमाडौँ ।  संघीय संसदअन्तर्गत आज राष्ट्रिय सभाको बैठक बस्दैछ। बैठक आज मध्याह्न सवा १२ बजे बस्नेछ। बैठकमा अध्यक्षले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको बेहोरा जानकारी गराउने, अर्थमन्त्री डा. स्वर्णिम वाग्लेले आर्थिक वर्ष २०८३/०८४ को राजश्व र व्ययको वार्षिक अनुमानमाथि सामान्य छलफल गरियोस् भन्ने प्रस्ताव प्रस्तुत गर्ने कार्यसूची छ। आर्थिक वर्ष २०८३/०८४ को राजश्व र व्ययको वार्षिक अनुमानमाथि सामान्य छलफल प्रारम्भ हुने, अर्थमन्त्री डा. स्वर्णिम वाग्लेले प्रतिनिधि सभाबाट सन्देशसहित प्राप्त वैकल्पिक विकास वित्त परिचालन विधेयक, २०८२ माथि विचार गरियोस् भन्ने प्रस्ताव प्रस्तुत गर्ने कार्यसूची रहेको छ।...