विश्व

नेपाल अखबार, उजेन्सि। संयुक्तराज्य अमेरिकाको एक अदालतले शरीरलाई घातक मानिएको टेलकम पाउडर बिक्री गरेको आरोपमा औषधि उत्पादक जोन्सन एन्ड जोन्सन कम्पनीविरुद्ध दुई अर्ब १० करोड डलर जरिवाना भुक्तानी गर्न आदेश दिएको छ। यद्यपी मिजौरी पुनरावेदन अदालतले जरिमानाको अंकलाई आधा घटाएर फैसला सुनाएको थियो। प्रारम्भिक मुद्दामा करिब ४ अर्ब ४० करोड जरिमाना माग दाबी गरिएको थियो। अदालतको आदेशमा जोन्सनले जानाजान क्यान्सर रोग लगाउन सक्ने तत्व अस्वेस्टोस मिश्रित टेलकम पाउडर उपभोक्तालाई बिक्री गरेको उल्लेख छ। अदालतको आदेशमा टेलकम पाउडरको प्रयोगबाट शरीरमा क्यान्सर लागेको भन्दै जोन्सनविरुद्ध मुद्दा दायर गरिएको प्रसंग राख्दै अदालतले आदेशमा मानिसको स्वास्थ्यसँग पैसा वा जरिमानालाई दाँज्न नसकिने जनाएको छ। सन् २०१९ मा पनि क्यालिफोर्नियाको अदालतले एक बालिकालाई जोन्सनको टेलकम पाउडरका कारण क्यान्सर भएको भन्दै दशौं लाख अमेर...

नेपाल अखबार, एजेन्सि। अमेरिकाले भारतको सरकारी एयरलाइन्स एयर इन्डियामाथि प्रतिबन्ध लगाएको छ। भारतबाट अमेरिका जाने र अमेरिकाबाट भारत फर्कने दुवै फ्लाइटमा प्रतिबन्ध लगाएको बीबीसीले जनाएको छ। रेस्क्यू उडानको पैसा लिएपछि अमेरिकाले एयर इन्डियाले यात्रुमाथि भेदभाव गरेको भन्दै उडानमा प्रतिबन्ध लगाएको हो। कोरोना भाइरस प्रकोपबीच हाल अमेरिकामा कयौं भारतीय नागरिकहरु फसेका छन्। उनीहरुलाई उद्धार गर्नका लागि भारतले एयर इन्डियाको विमान पठाउने गरेको छ। तर एयर इन्डियाले आफ्ना नागरिकको टिकटको पैसा लिएको थाहा पाएपछि अमेरिकाको ट्रान्सपोर्टेसन विभागले एयर इन्डियाले रेस्क्यू फ्लाइट नगराएको बताएको छ। विभागले विमान उडानको सुविधामा तत्कालको लागि प्रतिबन्ध लगाएपछि पनि एयर इन्डियाले प्रतिक्रिया जनाएको छैन।...

नेपाल अखबार, एजेन्सि ।  विश्वभरी महामारीका रुपमा फैलिएको कोरोना भाइरसबाट दक्षिण अफ्रिकामा ३५ सयभन्दा बढी स्वास्थ्यकर्मी सङ्क्रमित भएका छन्। देशका स्वास्थ्य मन्त्री ज्वेली एमखिजाले दिएको जानकारी अनुसार देशभरी कुल तीन हजार ५८३ जना स्वास्थ्यकर्मी सङ्क्रमित भएका छन्। तीमध्ये ३४ स्वास्थ्यकर्मीको मृत्यु भएको छ। “आफ्नै मृत्यु हुनेबेलासम्म पनि स्वास्थ्य सेवा गर्नु भएका र सेवा गर्ने क्रममा सङ्क्रमित भएर मृत्यु भएका सबै स्वास्थ्यकर्मीहरुको आत्माको शान्तिको कामना गर्दछु,” मन्त्री एमखिजाले भनेका छन्। इस्टर्न केप प्रान्तको उइतेन्हामा निर्माण गरिएको तीन हजार तीन सय शय्याको पहिलो चरणको फिल्ड अस्पतालको शुभारम्भ गर्दै उनले यस्तो जानकारी दिएका हुन्। सङ्क्रमित भएका स्वास्थ्यकर्मीमध्ये एक हजार ९९३ जना भने सङ्क्रमणमुक्त भएको सरकारी अधिकारीहरुले जनाएका छन्। दक्षिण अफ्रिकामा कोरोना भाइरसबाट सङ्क्रमित भएर मृत्य...

नेपाल अखबार, एजेन्सि। पुरुषमा कोरोनाका कारण मृत्यु हुने खतरा महिलाकोभन्दा धेरै भएपनि शरीरमा एन्टिबडी बन्ने विषयमा भने उनीहरु अगाडि नै छन् । बेलायतको सबैभन्दा ठूलो स्वास्थ्य एजेन्सी एनएचएसका अनुसार कोरोनाद्वारा संक्रमित पुरुषमा महिलाको तुलनामा धेरै एन्टीबडी बन्ने गर्छ । हालै यसबारे अनुसन्धान भएको छ । अनुसन्धानको लक्ष्य कोरोना सर्भाइभरको ब्लड प्लाज्मालाई संक्रमित व्यक्तिमा चढाइए एन्टिबडीले भाइरससँग लड्न कत्तिको सहयोग गर्छ भनेर पत्ता लगाउनु थियो । उनीहरुमा प्रतिरोधी क्षमताको स्तर कति बढ्छ भनेर पनि थाहा पाउने कोसिस गरिएको थियो । एनएचएसले सुरु गरेको थियो थेरापी प्रोग्रामः एनएचएसले हालै कोरोनाका बिरामीका ब्लड एण्ड ट्रान्सप्लान्ट प्रोग्राम सुरु गरेका थिए । ट्रायलको क्रममा संक्रमित पुरुषमा ४३ प्रतिशत र महिलामा २९ प्रतिशत एन्टीबडी विकसित भयो । एनएचएसले कोरोना संक्रमणबाट निको भएकाहरुलाई ब्लड प्लाज्म...

नेपाल अखबार,  एजेन्सि। बेइजिङमा कोरोनाभाइरस संक्रमणको नयाँ क्लस्टर फेला परेको बेला चर्चित खाना डेलिभरी गर्ने प्लाटफर्मका एक ‘डेलिभरी म्यान’ कोभिड–१९ पोजेटिभ पाइएपछि उनी सुपरस्प्रेडर बनेको चिन्ता व्यक्त गरिएको छ । चिनियाँ स्वास्थ्य अधिकारीहरुले मंगलबार थप २९ जनामा कोरोनाभाइरसको संक्रमण देखिएको जनाएका थिए । यसमध्ये १३ जना बेइजिङका रहेका छन् । त्यहाँ २४९ जना संक्रमितको उपचार भइरहेको छ । चिनियाँ स्वास्थ्य आयोगका अनुसार २९ जना संक्रमित मध्ये ७ जना लक्षणबिनाका संक्रमित रहेका छन् । सोमबारसम्म ९९ जना लक्षणबिनाका संक्रमित निगरानीमा थिए । मे महिनाको अन्त्यतिर संक्रमणको नयाँ क्लस्टर फेला परेसँगै अहिले लाखौँ जनताको वृहत परीक्षण भइरहेको छ । जुन ११ देखि २२ सम्मा बेइजिङमा मात्र २४९ जना नयाँ संक्रमित फेला परेका छन् । बेइजिङका अधिकारीहरुले संक्रमणको फैलावटलाई नियन्त्रणमा लिएको बताइरहँदा चीनको चर्चित फुड डे...

नेपाल अखबार, एजेन्सि। हल्का र मध्यम खाले कोराना संक्रमित बिरामीको उपचारका लागि ग्लेनमार्क फर्माक्युटिकल्सले ‘फाबिफ्लु’ (Favipiravir) नामक एन्टिभाइरल औषधी बजारमा ल्याएको छ । कोभीड–१९ विरुद्ध लड्नका लागि भारतमा पहिलोपटक तयार भएको यस औषधीको बजार मुल्य  १ सय ३ भारु प्रति चक्की राखिएको छ । ग्लेनमार्क फर्माक्युटिकल्सका अनुसार २ सय एमजी ट्याबलेटमा यो औषधी उपलब्ध हुनेछ र ३४ वटा ट्याबलेटसहितको स्ट्रिपको अधिकतम मुल्य ३५ सय भारु पर्नेछ । कोभीड–१९ को उपचारका लागि सरकारबाट स्विकृतिप्राप्त यो पहिलो भारतीय औषधी हो । कम्पनीका अनुसार फाबी फ्लु डाक्टरको प्रेस्किप्सनअनुसार प्रयोग गर्नुपर्ने औषधी हो । जसअनुसार पहिलो दिनमा १८ सय एमजीको डोज दुई पटक र त्यसपछि १४ दिनसम्म निरन्तर ८ सय एमजी डोज दैनिक दुईपटक प्रयोग गर्नुपर्नेछ । ‘हरेक बिरामीलाई न्युनतम दुई स्ट्रिप्सको हिसाब गरेर झन्डै ८२ हजार ५ सय बिरामीका लागि पहिल...

नेपाल अखबार, काठमाडौं । भारतमा कोरोना भाइरस (कोभिड–१९) बाट संक्रमित हुनेको संख्या १४ हजार नाघेको छ । भारतको स्वास्थ्य मन्त्रालयका अनुसार अहिलेसम्म कोरोना भाइरसको कारण १४ हजार ११ जनाको मृत्यु भएको छ । पछिल्लो २४ घण्टामा मात्र भारतमा कोरोना भाइरसको कारण ३१२ जनाको मृत्यु भएको छ । भारतमा कोरोना भाइरसबाट संक्रमित हुनेको संख्या पनि चार लाख ४० हजार नाघेको छ । अहिलेसम्म भारतमा कोरोना भाइरसबाट संक्रमित हुनेको संख्या चार लाख ४० हजार २१५ पुगेको छ । पछिल्लो २४ घण्टामा मात्र भारतमा कोरोना भाइरसका १४ हजार ९९३ नयाँ संक्रमित थपिएका हुन् । भारतको सबैभन्दा प्रभावित महाराष्ट्रमा एक लाख ३५ हजारभन्दा धेरै संक्रमित फेला परिसकेका छन् भने ६ हजारभन्दा धेरैको मृत्यु भइसकेको छ । दोस्रो स्थानमा रहेको दिल्लीमा ६२ हजारभन्दा धेरै संक्रमित फेला परेका छन् भने दुई हजार २३३ जनाको मृत्यु भइसकेको छ । तामिलनाडुमा पनि ६२ हजारभन...

नेपाल अखबार, एजेन्सि। संयुक्त राज्य अमेरिकामा कोरोना संक्रमणको कारण ज्यान गुमाउनेको संख्या एक लाख २२ जार नाघेको छ। वल्र्डओमिटरका अनुसार मंगलबार बिहानसम्म अमेरिकामा एक लाख २२ हजार ६ सय दुई जनाको कोरोना संक्रमणको कारण ज्यान गएको छ। यो मंगवलबार बिहान पौने सात बजेसम्मको तथ्यांक हो। कोरोना संक्रमणबाट अमेरिका सबैभन्दा धेरै आक्रान्त छ। त्यहाँ अहिलेसम्म संक्रमितको संख्या २३ लाख ८७ हजार दुई सय ३९ पुगेको छ। सोमबार त्यहाँ ३० हजार पाँच सय भन्दा धेरैमा संक्रमण पुष्टि भएको छ भने तीन सय ५५ जनाले ज्यान गुमाएका छन्। विश्वभर अहिलेसम्म कोरोना संक्रणबाट ज्यान गुमाउनेको संख्या चार लाख ७३ हजार चार सय ५४ पुगेको छ। ९१ लाख ७९ हजार एक सय आठ जना संक्रमित भएका छन्। सोमाबार विश्वभर एक लाख ३७ हजार दुई सय आठ जना नयाँ संक्रमित थपिएका छन् भने तीन हजार आठसय ५८ जनाको ज्यान गएको छ।...

नेपाल अखबार, श्रीलङ्का । श्रीलङ्काका मुसलमान समुदायले प्रशासनमाथि कोरोनाभाइरसको बहानामा आफूहरुमाथि भेदभावपूर्ण व्यवहार गरिएको आरोप लगाएका छन् । उनीहरुका अनुसार कोभिड–१९ काकारण भएको मृत्युको मामिलामा प्रशासनले शवको जबर्जस्ती दाहसंस्कार गरिरहेको छ जबकी यस्तो गर्न पूर्ण रुपमा प्रतिबन्ध छ । इस्लाममा मृतकलाई गाडिने गरिन्छ । मे ४ तारिखमा ४४ वर्षकी फातिमा रिनोजालाई कोभिड–१९ संक्रमणको भएको हो कि भन्ने शंका लागेपछि अस्पताल भर्ना गरिएको थियो । फातिमा तीन सन्तानकी आमा हुन् र श्रीलङ्काको राजधानी कोलोम्बोमा बस्छिन् । उनलाई सास फेर्न समस्या भइरहेको थियो र प्रशासनले उनलाई कोरोना संक्रमण भएको हो कि भन्ने शंका थियो । फातिमाका श्रीमान् मोहम्मद शफिकका अनुसार जनु दिन फातिमालाई अस्पताल भर्ना गरियो त्यसै दिन प्रशासनले उनको परिवारलाई एक तरिकाले आफ्नो कब्जामा लिएको थियो । उनी भन्छन्, ‘प्रहरी अधिकारी र सैन्य अधिका...

नेपाल अखबार, काठमाडौं । विश्व स्वास्थ्य संगठन (डब्ल्यूएचओ)का अनुसार पछिल्लो २४ घण्टामा विश्वभर कोरोना भाइरस (कोभिड–१९) का अहिलेसम्मकै सबैभन्दा धेरै नयाँ संक्रमित फेला परेका छन् । पछिल्लो २४ घण्टामा विश्वभर एक लाख ८३ हजार नयाँ संक्रमित फेला परेका छन् । यीमध्ये ६० प्रतिशत उत्तर र दक्षिणी अमेरिकामा छन् । पछिल्लो समय विश्वका धेरैजसो मुलुकले बिस्तारै लकडाउन खुकुलो पार्दै गइरहेको समयमा डब्ल्यूएचओले यस्तो तथ्यांक सार्वजनिक गरेको हो । अमेरिका कोरोना भाइरसबाट सबैभन्दा प्रभावित भएको मुलुक हो । अहिलेसम्म अमेरिकामा समग्रमा २२ लाख ७९ हजारभन्दा धेरै संक्रमित फेला परिसकेका छन् । त्यस्तै दोस्रो सबैभन्दा प्रभावित मुलुक ब्राजिलमा पनि कोरोना भाइरसबाट संक्रमित हुनेको संख्या करिब ११ लाख पुगेको छ । विश्वभर कोरोना भाइरसबाट संक्रमित हुनेको संख्या ८९ लाख नाघिसकेको छ । मृत्यु हुनेको संख्या पनि चार लाख ६७ हजारभन्दा ...