विश्व

नेपालअखबार,काठमाडौं । इजराइलले पछिल्ला ७२ घण्टामा ६ देशहरूमा हमला गरेको छ। यसमा गाजा (प्यालेस्टाइन) सहित सिरिया, लेबनान, कतार, यमन र ट्युनिसिया रहेका छन्। यी आक्रमणहरूमा २०० भन्दा बढीको मृत्यु भएको छ र १००० भन्दा बढी घाइते भएका छन्। यी आक्रमण सोमबारदेखि बुधबारबीच भएका हुन्। इजराइलले यी देशहरूमा रहेका आतंककारी केन्द्रहरूलाई लक्ष्य बनाइरहेको जिकिर गरेको छ। इजरायलको यो कदमको अमेरिकी राष्ट्रपति डोनाल्ड ट्रम्पले नेतन्याहूसँग असन्तुष्टि व्यक्त गरेका छन्। तर नेतन्याहूले कतारको राजधानी दोहामा हमास अधिकारीहरूलाई लक्षित गरेर गरिएको भन्दै आफ्नो कदमको बचाउ गरेका छन्। उनले यसलाई ९/११ पछि अमेरिकाले गरेको कारबाहीसँग तुलना गर्दै भने, ‘इजराइलले पनि त्यही गरेको हो जुन अमेरिकाले गरेको थियो ।’ इजरायलको यो हमलाले अमेरिकाको भूमिकामाथि पनि प्रश्न उठेको छ । यसबीच अरब नेताहरू ऐक्यबद्धता जनाउन खाडी राष्...

नेपालअखबार,काठमाडौँ ।  संयुक्त राष्ट्रसंघका महासचिव एन्टोनियो गुटेरसले संयमता अपनाउन आग्रह गरेका छन्। महासचिव गुटरेसले सामाजिक सञ्जालमार्फत संयमता अपनाएर रचनात्मक बाटो तय गर्न आग्रह गरेका हुन्। उनले आफूले नेपालमा विकसित घटनालाई नजिकबाट नियालिरहेको उल्लेख गरेका छन्। 'नेपालको अवस्थालाई मैले नजिकबाट नियालिरहेको छु। हिंसालाई थप बढ्नबाट रोक्नका लागि गहन अनुसन्धान, संयम र रचनात्मक बाटो तय गरेर संवाद गर्न आग्रह गर्दछु,' उनले भनेका छन्। उनले मानव अधिकार कानुनको पालना गर्न पनि आह्वान गरेका छन्। जीवन र सम्पत्तिको सम्मान गर्दै शान्तिपूर्ण तरिकाले विरोध प्रदर्शन गर्न पनि उनले आग्रह गरेका छन्।...

नेपालअखबार,काठमाडौं । रूसले पहिलोपटक युक्रेनको सरकारी भवनलाई निशाना बनाएको छ। शनिबार राति रूसले युक्रेनको राजधानी र अरू सहरहरूमा सरकारी भवनहरूलाई लक्ष्य गरी हवाई हमला गरेको अन्तर्राष्ट्रिय सञ्चारमाध्यमहरूले जनाएको छ। कुन-कुन भवनमा लक्ष्य गरेको भनेर नखुलाए पनि विभिन्न सरकारी भवनहरूमा क्षति पुगेको भनिएको छ। युक्रेनको वायु सेनाका अनुसार शनिबार रूसले गरेको आक्रमण अहिलेसम्मकै ठूलो हवाई हमला हो। जसमा ८१० वटा ड्रोन, चारवटा ब्यालिस्टिक मिसाइल र ९ वटा क्रुज मिसाइल प्रहार गरेको थियो। अधिकांश ड्रोन र मिसाइललाई युक्रेनको हवाई रक्षा प्रणालीले खसाले पनि ५४ ड्रोन र ९ वटा मिसाइलले युक्रेनका विभिन्न स्थानमा आक्रमण गरेको वायुसेनाले बताएको छ। पछिल्लो समय युद्धविरामबारे अमेरिकाले प्रयत्न गरिरहेको छ। अलास्कामा ट्रम्पसँग पुटिनले वार्ता गरेयता रूसले युक्रेनमा अझै आक्रामक भएर हमला गरेको छ। दस दि...

नेपालअखबार,काठमाडौं । जापानी प्रधानमन्त्री शिगेरु इशिबाले सत्तारूढ दललाई विभाजित हुनबाट जोगाउन राजीनामा दिएका छन्। सत्तारुढ लिबरल डेमोक्र्याटिक पार्टीले (एलडीपी) लगातार दोस्रो राष्ट्रिय चुनावमा नराम्रो पराजय भोगेपछि उनलाई राजीनामा दिन दबाब बढिरहेको थियो। इशिबाले टोकियोमा आइतबार साँझ पत्रकार सम्मेलन गरेर आफ्नो निर्णय घोषणा गरे भनेर जापानबाट प्रकाशन हुने एनएचकेले जनाएको छ। एलडीपीले पार्टी नेतृत्वको चुनाव दुई वर्ष अगावै गर्ने कि नगर्ने भनेर सोमबार मतदान गर्ने तयारी गरेको थियो। स्थानीय मिडियाका सर्वेक्षणहरूले चाँडो चुनावको पक्षमा जनमत बढेको देखाएकाले यो मतदान प्रधानमन्त्रीप्रति अविश्वासको प्रस्तावमा परिणत हुने सम्भावना थियो। उनले राजीनामा नदिए पार्टी विभाजित हुने खतरा समेत रहेको थियो। उनले राजीनामा दिएपछि यो मतदान रद्द हुनेछ भनेर क्योडो न्युजले जनाएको छ। गत अक्टोबरमा प्रधानमन्त्...

नेपालअखबार । अमेरिकी राष्ट्रपति डोनाल्ड ट्रम्पले रक्षा मन्त्रालयको नाम फेर्ने कार्यकारी आदेशमा हस्ताक्षर गरेका छन्। शुक्रबार ह्वाइट हाउसको ओभल अफिसमा पत्रकार सम्मेलन गरेर राष्ट्रपति ट्रम्पले रक्षा मन्त्रालयको नाम परिवर्तन गरी ‘युद्ध मन्त्रालय’ राख्ने कार्यकारी आदेशमा हस्ताक्षर गरेका हुन्। कार्यकारी आदेशमा हस्ताक्षरसँगै रक्षा मन्त्रालयको दोस्रो नाम युद्ध मन्त्रालय रहने र रक्षामन्त्री पिट हेगसेथ अब युद्धमन्त्री रहने भएका छन्। कार्यकारी आदेश तत्काल कार्यान्वयन गरिने ह्वाइट हाउसले जनाएको छ। सोअनुसार रक्षामन्त्री, रक्षा मन्त्रालय र मातहतका अधिकारीलाई आधिकारिक पत्राचार, सार्वजनिक सञ्चार, औपचारिक सन्दर्भ र कार्यकारी शाखा भित्र गैर-वैधानिक कागजातहरूमा ‘युद्ध मन्त्री’, ‘युद्ध मन्त्रालय’, र ‘युद्ध उपमन्त्री’ जस्ता ओहोदा प्रयोग गर्न अधिकार दिन्छ। पेन्टागनका अधिकारीहरूले रक्षामन्त्री  हेगस...

नेपालअखबार,रफाह । इजरायली सेनाले गाजा सहरमा एउटा अग्लो भवन ध्वस्त पारेको छ । सुसी टावर नाम गरेको त्यो भवनलाई लक्षित गरिएको यो लगातार दोस्रो दिन हो । रक्षामन्त्री इजरायल काट्जले माइक्रो ब्लगिङ वेबसाइट एक्समा भवन भत्किएको भिडियो शेयर गरेका छन् । सो भवनलाई हमासले प्रयोग गरिरहेको इजरायल रक्षा बल (आईडीएफ)को भनाइ थियो । तर हमासले भने यो दाबीलाई अस्वीकार गरेको छ । आक्रमणमा कोही हताहत भएका छन् कि छैनन् भन्ने कुरा स्पष्ट भएको छैन । शनिबारको आक्रमण अघि इजरायलले प्यालेस्टिनीहरूलाई दक्षिणको एउटा क्षेत्रमा सर्न अपील गर्ने पर्चाहरू खसालेको थियो । गाजाको दक्षिण क्षेत्रलाई इजरायलले मानवीय क्षेत्र भन्छ । सुसी टावर पछिल्ला केही दिनहरूमा ध्वस्त भएको दोस्रो सबैभन्दा अग्लो भवन हो । शुक्रबार सामाजिक सञ्जालमा एउटा भिडियो शेयर गरिएको थियो, जसमा सहरको अल–रिमल क्षेत्रमा रहेको मुशताहा टावर ठुलो विस्फोट पछि ...

नेपालअखबार,लन्डन । बेलायतमा प्यालेस्टाइन एक्सन नाम गरेको समूहमाथि प्रतिबन्ध लगाइएपछि सोको विरोधमा भएको प्रदर्शनमा ४२५ भन्दा बढी व्यक्ति पक्राउ परेका छन् । प्रतिबन्धको विरोधमा सयौं मानिसहरू मध्य लन्डनमा रहेको पार्लियामेन्ट स्क्वायरमा भेला भएका थिए । धेरैजसो प्रदर्शनकारीहरूले हातमा प्लेकार्ड बोकेका थिए जसमा ‘म नरसंहारको विरोध गर्छु, म प्यालेस्टाइन एक्सनलाई समर्थन गर्छु ।’ भनेर लेखिएको थियो । महानगरीय प्रहरीले बताएअनुसार पक्राउ परेका अधिकांश व्यक्तिहरू प्रतिबन्धित सङ्गठनका समर्थक हुन् । २५ भन्दा बढी व्यक्तिहरूलाई प्रहरी अधिकारीहरूमाथि आक्रमण गरेको र सार्वजनिक व्यवस्था खलल पारेको अपराधमा पक्राउ गरिएको बताइएको छ । सरकारले आतंकवाद ऐन अन्तर्गत जुलाईमा प्यालेस्टाइन एक्सनमाथि प्रतिबन्ध लगाएको थियो । यस कानुन अन्तर्गत, सङ्गठनको सदस्यता लिनु वा संगठनलाई समर्थन गर्नु अपराध हो । यो अपराध गरे...

नेपालअखबार,जुरिच । युरोपेली सङ्घ (ईयू) ले गुगललाई विज्ञापन प्रविधि (एड टेक) क्षेत्रमा वर्चस्व दुरुपयोग गरेको आरोपमा २.९५ अर्ब युरो जरिवाना गरेको छ। युरोपेली आयोगले शुक्रबार गरेको निर्णयअनुसार गुगलले आफ्नै विज्ञापन प्रविधिलाई प्राथमिकता दिँदै प्रतिद्वन्द्वी कम्पनीहरूको पहुँचलाई कमजोर बनाएको र यसले प्रतिस्पर्धा कानुन उल्लङ्घन गरेको ठहर गरेको हो। गुगलले भने आयोगको निर्णयलाई ‘गलत’ भन्दै अपिल गर्ने जनाएको छ। कम्पनीकी नियामक मामिला प्रमुख ली–एन मुलहोल्याण्डले भनिन्, ‘यो जरिवाना अन्यायपूर्ण छ। यसले हजारौँ युरोपेली व्यवसायलाई प्रभावित पार्छ, जसले उनीहरूको आम्दानी घटाउँछ।’ अमेरिकी राष्ट्रपति डोनाल्ड ट्रम्पले समेत युरोपेली संघको निर्णयलाई ‘धेरै अन्यायपूर्ण’ भन्दै सामाजिक सञ्जालमा कडा प्रतिक्रिया दिएका छन्। उनले यसविरुद्ध अमेरिकी प्रशासनले अनुसन्धान सुरु गर्न सक्ने र युरोपेली सामानमा नया...

अमेरिकी राष्ट्रपति डोनाल्ड ट्रम्पले रक्षा मन्त्रालयको नाम परिवर्तन गरी युद्ध मन्त्रालय (डिपार्टमेन्ट अफ वार) राख्ने तयारी गरेका छन्। पेन्टानगनको नाम फेर्ने कार्यकारी आदेशमा शुक्रबार नै राष्ट्रपति ट्रम्पले हस्ताक्षर गर्ने तयारी रहेको विभिन्न अन्तर्राष्ट्रिय सञ्चारमाध्यमहरूले जनाएका छन्। ट्रम्पले यसलाई अमेरिकी सेनालाई कडा र आक्राम छवि प्रदान गर्ने नवीनतम प्रयास भनेका छन्। अन्तर्राष्ट्रिय समाचार संस्था एशोशियटेड प्रेसले ह्वाइट हाउसका एक अधिकारीले ट्रम्पले पेन्टागनको दोस्रो नाम युद्ध मन्त्रालय रहने गरी कार्यकारी आदेशमा हस्ताक्षर गर्नेछन्। यो नापलाई औपचारिक रूपमै परिवर्तन गर्न भने संसदबाट अनुमोदन हुनुपर्छ। ट्रम्पले संसदमा उक्त प्रस्ताव पेस गर्ने तयारी गरेको पनि एपीले ह्वाइट हाउसका ती अधिकारीलाई उद्धृत गरेर लेखेको छ। ‘युद्ध मन्त्रालय’ सन् १७८९ मा स्थापना भएको थियो। त्यो वर्ष अमेरि...

नेपालअखबार,काठमाडौं । प्रधानमन्त्री केपी शर्मा ओली शाङ्घाई सहयोग संगठन (एससिओ) प्लस को शिखर सम्मेलनमा सहभागी हुन पुगेका छन् । उक्त समारोहमा उनलाई चिनियाँ राष्ट्रपति सी जिनपिङले स्वागत गरे । प्रधानमन्त्री ओली र धर्मपत्नी राधिका शाक्यलाई चिनियाँ राष्ट्रपति सी र धर्मपत्नी पेङ लियुआनल् स्वागत गरे । शाङ्घाई सहयोग संगठन (एससिओ) प्लस को शिखर सम्मेलनमा सहभागी हुन प्रधानमन्त्री ओली हिजो त्यसतर्फ प्रस्थान गरेका थिए ।...