विश्व

नेपालअखबार,काठमाडौं । अमेरिकी राष्ट्रपति डोनाल्ड ट्रम्पले गाजामा शान्ति कायम गर्न नयाँ २१ बुँदे योजना अघि सारेका छन्। वासिङ्टनले सार्वजनिक गरेको यो योजना अरब तथा मुस्लिम मुलुकका नेताहरूसँग दिइएको हो। समाचार एजेन्सी एएफपीका अनुसार, संयुक्त अरब इमिरेट्स, साउदी अरब, कतार, इजिप्ट, जोर्डन, टर्की, इन्डोनेसिया र पाकिस्तानलाई यसबारे जानकारी दिइएको छ। अमेरिकाले यो पहलले इजरायलसहित सम्पूर्ण मध्यपूर्वका देशहरूको चासो सम्बोधन गर्ने दाबी गरेको छ। युद्धविराम, बन्धक मुक्त र सहायता प्रस्ताव यो प्रस्तावमा गाजामा स्थायी युद्धविराम, प्यालेस्टिनी क्षेत्रमा रहेका बन्धकहरूको रिहाइसहित इजरायली सेनाको फिर्ती र मानवीय सहायताको अबाध आपूर्ति सुनिश्चित गर्ने प्रावधान राखिएको छ। कूटनीतिक स्रोतका अनुसार अरब र मुस्लिम नेताहरूले यसलाई सकारात्मक रूपमा लिएका छन्। उनीहरूले गाजामा इजरायली कारबाही र कब्जा गर्ने प्...

नेपालअखबार, रफाह । इजरायली आक्रमणमा बुधबार गाजापट्टीमा दर्जनौँ मानिसको मृत्यु भएकाे छ । इजरायली गोलीबारीमा ८० भन्दा बढी प्यालेस्टिनीहरू मारिएको स्थानीय अस्पतालहरूले बताएका छन् । आपतकालीन कार्यकर्ताहरुका अनुसार गाजा सहरको दराज क्षेत्रको फिरास बजार नजिकै घरबारविहीन परिवारहरूको लागि बनाइएको भवन र पालहरूमा रातभर गरिएको आक्रमणमा महिला र बालबालिकासहित कम्तीमा २० जनाको मृत्यु भएको छ । यी आक्रमणमा हमासका दुई लडाकुहरूलाई निशाना बनाइएको इजरायली सेनाले बताएको छ । मृतकको सङ्ख्या आफ्नो जानकारीसँग मेल नखाने पनि सेनाले बताएको छ । यसैबिच, इजरायली ट्याङ्क र सेनाहरू सहरको भित्री भागमा अगाडि बढिरहेका छन् । यो क्षेत्र हमासको अन्तिम गढ भएको इजरायलले भनिरहेको छ । जमिनबाट भइरहेका कारबाहीको उद्देश्य हमासद्वारा बन्धक बनाइएकाहरूलाई मुक्त गर्नु र प्यालेस्टिनी सशस्त्र समूहको निर्णायक पराजय सुनिश्चित गर्नु भए...

नेपालअखबार,न्युयोर्क । नासाले सन् २०२६ को फेब्रुअरी महिनामा चार जना अन्तरिक्ष यात्रीलाई चन्द्रमाको परिक्रमा गराउने १० दिने यात्रामा पठाउने तयारी गरेको छ। अमेरिकी अन्तरिक्ष एजेन्सीले यसअघि अप्रिलको अन्त्यसम्ममा प्रक्षेपण गर्ने प्रतिबद्धता जनाए पनि अब त्यो समयसीमाभन्दा अगाडि नै मिसन सुरु गर्ने योजना बनाएको हो। कुनै पनि देशले चालक दलसहितको चन्द्रमा मिसन गराएको यो ५० वर्षमा पहिलो पटक हुनेछ। नासाले प्रणालीहरूको परीक्षण गर्न चार अन्तरिक्ष यात्रीलाई त्यहाँ पठाएर फर्काउनेछ। आर्टेमिस २ मिसन आर्टेमिस २ मिसन आर्टेमिस कार्यक्रमको दोस्रो प्रक्षेपण हो, जसको लक्ष्य अन्तरिक्ष यात्रीहरूलाई चन्द्रमामा अवतरण गराउने र अन्ततः त्यहाँ दीर्घकालीन मानव बस्ती स्थापना गर्नु हो। नासाका कार्यवाहक उप-सह प्रशासक लाकेशा हकिन्सले यो मिसन मानवको अन्तरिक्ष अन्वेषणमा एक महत्त्वपूर्ण क्षण हुने बताइन्। उनले प्रक्षेपण...

नेपालअखबार, गाजा । प्यालेस्टाइनलाई धेरै देशहरूले राष्ट्रको रुपमा मान्यता दिएपछि प्यालेस्टाइनका राष्ट्रपति महमूद अब्बासले संयुक्त राष्ट्र सङ्घको महासभामा आफ्नो सम्बोधनको क्रममा हमासलाई आफ्ना हतियारहरूसहित आत्मसमर्पण गर्न अपिल गरेका छन् । अमेरिकाले अब्बास र अन्य प्यालेस्टिनी अधिकारीहरूको भिसा रद्द गरेको थियो जसले गर्दा प्यालेस्टिनी राष्ट्रपति भिडियो लिङ्क मार्फत संयुक्त राष्ट्र सङ्घको महासभालाई सम्बोधन गर्न बाध्य भए । आफ्नो सम्बोधनमा अब्बासले स्थायी युद्धविरामको आवश्यकतामा जोड दिएका छन् । गाजाको प्रशासनमा हमासको कुनै भूमिका नहुने पनि उनले बताए । उनले हमासलाई प्यालेस्टिनी प्राधिकरणलाई आफ्नो हतियार आत्मसमर्पण गर्न समेत आग्रह गरे । ‘हामी हतियार बिनाको सङ्गठित राष्ट्र चाहन्छौँ’ अब्बासले भने । यस क्रममा उनले २०२३ को अक्टोबर ७ मा हमासले दक्षिणी इजरायलमा आक्रमण गरेको घटनाको पनि निन्दा गरे ...

नेपालअखबार,गाजा । गाजा सहरको साबरा क्षेत्रमा इजरायली सेनाले गरेको आक्रमणमा एकै परिवारका कम्तीमा २५ जनाको मृत्यु भएको छ। इजरायलले गाजा पट्टीमा आफ्नो आक्रमणलाई तीव्र पारेको छ। आइतबार बिहानै इजरायली युद्धक विमानहरूले साबरा क्षेत्रमा घरहरूको समूहमा बमबारी गरेको थियो। गत अगस्टको अन्त्यमा इजरायली ट्याङ्कहरूले यस क्षेत्रलाई ध्वस्त पार्ने र कब्जा गर्ने योजनाका साथ अघि बढ्न थालेका थिए। आक्रमणपछि कम्तीमा १७ जनाको उद्धार गरिएको छ भने अन्य ५० जनासम्म भग्नावशेषमुनि फसेको हुनसक्ने अनुमान गरिएको छ। मानिसहरू र आपत्कालीन उद्धारकर्ताहरूले आफ्नो हातले भग्नावशेष हटाएर उद्धार कार्य जारी राखेका छन्। प्यालेस्टिनी परिवारले भग्नावशेषमा फसेका अन्य सदस्यहरूलाई बाहिर निकाल्न मद्दतका लागि तत्काल अपिल गरेका छन्। परिवारका सदस्यहरूले भग्नावशेषबाट अझै पनि आवाजहरू सुनिरहेको बताएका छन्। एक परिवारका सदस्यले भने, ...

नेपालअखबार,नयाँ दिल्ली । अमेरिकाले दक्ष कामदारका लागि जारी गरिने एच-वानबी भिसामा शुल्क बढाएर १ लाख डलर पुर्‍याएपछि यसबाट उत्पन्न हुने मानवीय परिणामबारे भारतले चिन्ता व्यक्त गरेको छ। भारतले यस कदमबाट हजारौँ भारतीय कामदारहरू र तिनका परिवारहरूमा नकारात्मक असर पर्ने बताएको हो। अमेरिकी राष्ट्रपति डोनाल्ड ट्रम्पले शुक्रबार एक कार्यकारी आदेशमा हस्ताक्षर गर्दै नयाँ भिसा शुल्क सेप्टेम्बर २१ देखि लागू हुने घोषणा गरेका थिए। यो शुल्क हालको शुल्कभन्दा ६० गुणाभन्दा बढी हो। यो निर्णयले भारत र अमेरिकाबिच जारी व्यापार तनावलाई थप बढाएको छ। हालै, ट्रम्पले रुसी तेल खरिद गरेको भन्दै भारतमाथि कडा आयात शुल्क (ट्यारिफ) लगाएका थिए, जसपछि दुई देशबिच व्यापार वार्ता जारी छ। के भन्यो भारत सरकारले? भारतको विदेश मन्त्रालयले अमेरिकाको यो निर्णयले परिवारहरूलाई विच्छेद गर्न सक्ने र यसको ‘मानवीय परिणाम’ हुने ब...

नेपालअखबार, काठमाडौँ । गाजा सहरमा जारी आक्रमणका कारण हजारौँ नागरिकहरू आफ्नो ज्यान जोगाउन विभिन्न उपायबाट सुरक्षित स्थानतर्फ जाँदै गरेको संयुक्त राष्ट्रसङ्घले जनाएको छ । संयुक्त राष्ट्रसंघको मानवीय सहायता समन्वय कार्यालय (ओछा) का अनुसार, यतिबेला गाजामा भइरहेका स्थल र हवाई आक्रमणका कारण धेरैजसो नागरिक गम्भीर संकटमा परेका छन् । बालबालिका, वृद्ध, महिला लगायत सबैले कठिन परिस्थितिको सामना गरिरहेका छन् । ओछाले दिएको जानकारीअनुसार आक्रमणसँगै गाजाको दक्षिण भागतर्फ विस्थापित हुने नागरिकहरूको संख्या तीव्र रूपमा बढिरहेको छ । धेरैजसो मानिसहरू गाडी, टेम्पो, साइकल र पैदल नै यात्रा गर्दै सुरक्षित ठाउँ खोजिरहेका छन् । यस्ता यात्रामा उनीहरूलाई न त पिउने पानी,न त खानपिनको व्यवस्था, न त ओत लाग्ने ठाउँ उपलब्ध छ । ‘हामीका सहकर्मीहरूले रातभरि हिंडेर आइपुगेका थकित, भोकाएका र पीडामा परेका नागरिकहरू देखेका...

नेपालअखबार,काठमाडौं । गजामा इसराइलले जमिन र आकाशबाट आक्रमण तीव्र पारेपछि त्यहाँबाट मानिसहरू भाग्न थालेका छन्। विश्वका अधिकांश देशहरूको विरोधका बाबजुद इसराइलको मन्त्रिपरिषद्ले गजामा जमिन र आकाशबाट आक्रमण तीव्र पार्ने र हमासलाई सधैँका लागि अन्त्य गर्ने निर्णय गरेको थियो। इसराइली रक्षामन्त्री इसराइल कात्जले गजा जलिरहेको भनेका छन्। सुरूवातमा गजाका बासिन्दाहरू इसराइलले बम हानिरहेपनि आफ्नो थातथलो छाडेर कतै नजाने बताउँदै आएका थिए। तर इसराइली सेनाले जमिन र आकाशबाट अन्धाधुन्ध आक्रमण गर्न थालेपछि मानिसहरू गजा सहर छाडेर भाग्न थालेको विभिन्न अन्तर्राष्ट्रिय सञ्चारमाध्यमहरुले जनाएका छन्। कतारी टेलिभिजन नेटवर्क अलजजिराका अनुसार इसराइली हमलाबाट आइतबार मात्रै गजामा ९१ जनाको मृत्यु भएको छ। इसराइली सेनाले लगातार मानिसहरूलाई गजा छाड्न आह्वान गर्दै आइरहेको छ। पछिल्लो साता गजाका ठुल्ठूला आवास...

नेपालअखबार,लण्डन । बेलायतका राजा चार्ल्सले अमेरिकी राष्ट्रपति ट्रम्पसँगको राजकीय भ्रमणको अवसरमा आयोजित रात्रिभोजमा ‘विश्वका केही जटिल द्वन्द्वहरूको समाधान खोज्ने’ ट्रम्पको व्यक्तिगत प्रतिबद्धताको प्रशंसा गरेका छन्। उनले ‘अत्याचार’ विरुद्ध युक्रेनलाई सहयोग गर्न अमेरिकाको समर्थनको पनि आह्वान गरे। जवाफमा, राष्ट्रपति ट्रम्पले अमेरिका र बेलायतबिचको विशेष सम्बन्धको प्रशंसा गर्दै ‘विशेष’ शब्दले मात्र यो सम्बन्धको पूर्ण व्याख्या गर्न नसकिने बताए।विन्डसर क्यासलमा १६० जना पाहुनाका लागि आयोजित भव्य रात्रिभोजमा चार्ल्सले दुई देशबिचको गहिरो सम्बन्ध र सांस्कृतिक, व्यापारिक र सैन्य सम्बन्ध कायम राख्नुपर्ने आवश्यकतामा जोड दिए। ‘हाम्रा मानिसहरूले हामीले मन पराउने मूल्यमान्यताका लागि सँगै लडेका छन् र मरेका छन्,’ चार्ल्सले भने। राजकीय भ्रमण बिहीबार पनि जारी रहनेछ, जसमा रानी क्यामिला र वेल्सकी राजकुमारी...

नेपालअखबार, गाजा । इजरायलले गाजा सहरलाई कब्जा गर्ने उद्देश्यले ठुलो स्थल आक्रमण सुरु गरेपछि हजारौँ प्यालेस्टिनीहरू सहर छोड्न बाध्य भएका छन्। इजरायली सेनाले गाजा सहरको 'हमासको अन्तिम गढ’ मानिने क्षेत्रमा ३ हजार हमास लडाकुलाई परास्त गर्ने र आफ्ना बन्धकहरूलाई मुक्त गर्ने लक्ष्य राखेको बताएको छ। रातभरको भारी बमबारीका बिच हमासद्वारा सञ्चालित स्वास्थ्य मन्त्रालयले तीनवटा अलग–अलग आक्रमणमा बाल अस्पताललाई निशाना बनाइएको बताएको छ। मन्त्रालयका अनुसार यी आक्रमणका कारण अस्पतालका आधा बिरामी र उनीहरूका परिवार भाग्न बाध्य भएका छन्। इजरायली सेनाले भने यस रिपोर्टको अनुसन्धान गरिरहेको जनाएको छ। यसअघि, इजरायली सेनाले दुई दिनमा गाजा सहरमा १५० भन्दा बढी ’आतङ्कवादी लक्ष्यहरू’ मा आक्रमण गरेको घोषणा गरेको थियो। कतारद्वारा कडा निन्दा इजरायलको यस कारबाहीको कतारले कडा निन्दा गरेको छ। कतारको विदेश मन्त...