विश्व

नेपालअखबार,काठमाडौं । अमेरिकाले रूस-युक्रेन युद्धलाई आगामी हिउँदमा मत्थर पार्न र बृहत् शान्ति सम्झौताका लागि पुनः वार्ता सुरू गर्न खोजेको युक्रेनी राष्ट्रपति भोलोदिमिर जेलेन्स्कीले बताएका छन्। अमेरिकी राष्ट्रपति डोनाल्ड ट्रम्पका विशेष दूत स्टिभ विटकफ र ज्वाइँ ज्यारेड कुश्नरले युद्ध अन्त्य गर्ने विषयमा पहिले रूसी राष्ट्रपति भ्लादिमिर पुटिनसँग र पछि जेलेन्स्कीसँग कुरा गरेका थिए। त्यसबारे अमेरिकी अनलाइन एक्सियससँग कुरा गर्दै हिउँदअघिका साताहरूले कूटनीतिको लागि एउटा अवसर प्रदान गर्ने जेलेन्स्कीले विश्वास व्यक्त गरेका छन्। पुटिनले युक्रेनलाई कमजोर बनाउन अर्को हिउँदको सहारा लिइरहेका छन् भन्ने कुरामा आफू विश्वस्त रहेको उनले बताए। तर पुटिन अक्टोबरमा हुने अमेरिकी संसदीय चुनावअघि ट्रम्पलाई चिढ्याउन चाहँदैनन् भन्ने कुरा उनले थपे। ‘मेरो बुझाइमा पुटिनलाई ट्रम्पको आवश्यकता छ। उनी ट्रम्पलाई चिढ्...

नेपालअखबार,काठमाडाैँ।  दक्षिण इरानको एउटा विवाह समारोहमा मंगलबार भएको बमबारी निशाना चुकेर भएको भनेर अमेरिकी रक्षा मन्त्रालयले छानबिन गरिरहेको छ। चार जनाको मृत्यु र कम्तीमा ६८ जना घाइते हुने गरी एक घरमाथिको आक्रमण सञ्चार कम्प्लेक्सलाई निशाना लाउँदा भएको भनेर अमेरिकी अधिकारीको हवाला दिँदै द वाशिङ्टन पोष्टले जनाएको छ। अमेरिकी सेनाले तटीय सहर कुहेस्ताकमा रहेको एउटा सञ्चार कम्प्लेक्सलाई लक्षित हवाई आक्रमण गरेको थियो। सर्वसाधारण बस्ने क्षेत्रमा रहेको उक्त कम्प्लेक्सको केही भाग इरानी सेनाले आफ्ना गतिविधि सञ्चालन गर्न प्रयोग गर्ने गरेको सूचनाको आधारमा आक्रमण गरिएको ती अधिकारीले बताए। अमेरिकी नौसेनाका जेटहरूले त्यहाँ रहेको सञ्चार टावरमा निशाना लगाएर छ वटा बम खसालेका थिए। तर तीमध्ये एउटा बमको भने निशाना चुकेर विवाह समारोहमा खसेको थियो। आफूले प्रमाणीकरण गरेका फुटेज अनुसार सो बम टावरबाट लग...

नेपालअखबार,काठमाडाैँ। मेक्सिकोको मध्य क्षेत्रमा पर्ने मेक्सिको राज्यको टेमास्काल्सिङ्गो नगरपालिकामा धार्मिक पर्वका क्रममा भण्डारण गरेर राखिएको पटाका पड्किँदा कम्तीमा १० जनाको मृत्यु भएको छ भने ६४ जना घाइते भएका छन् । राज्य सरकारले दिएको जानकारीअनुसार शनिबार राति करिब साढे ९ बजे स्थानीय समयअनुसार एउटा चर्चमा उक्त विस्फोट भएको हो । विस्फोटका कारण चर्चको छानोको केही भाग र नजिकैको पर्खाल भत्किँदा केही मानिस भग्नावशेषमा पुरिएका थिए । घटनास्थलमै आठ जनाको मृत्यु भएको थियो । घाइतेहरूलाई उपचारका लागि आसपासका अस्पतालमा लगिएको छ । घटनापछि उद्धार तथा सुरक्षाका लागि नागरिक सुरक्षा टोली, सशस्त्र सेना र राज्य प्रहरी परिचालन गरिएको थियो । घटनास्थलमा बाँकी रहेको विस्फोटक सामग्रीको जाँच गरी थप जोखिम हुन नदिन विशेषज्ञमार्फत त्यसलाई सुरक्षित रूपमा निष्क्रिय पार्न आवश्यक सुझाव दिइएको अधिकारीहरूले बताए...

नेपालअखबार,काठमाडाैँ। इरानले होर्मुज जलडमरूमा प्रवेश गर्न खोजिरहेको अमेरिकी पानीजहाजमाथि आफूले आक्रमण गरेको दाबी गरेको छ । अमेरिका र इरानबीच पुनः सैन्य तनाव बढिरहेका बेला इरानले यस्तो दाबी गरेको हो । इरानका अनुसार अमेरिकी पानीजहाज होर्मुज जलडमरू प्रवेश गर्न खोजेपछि त्यसलाई लक्षित गरी आक्रमण गरिएको थियो । तर, इरानको उक्त दाबीलाई अमेरिकाले तत्काल पुष्टि गरेको छैन। यो घटना अमेरिकी सेनाले इरानी तेल ट्यांकर तीनवटामाथि आक्रमण गरेको जनाएको एक दिनपछि भएको हो । अमेरिकी सेनाका अनुसार आफ्ना नौसैनिक युद्धपोतलाई लक्षित गरी गरिएको मिसाइल आक्रमणको जवाफमा ती तेल ट्यांकरमाथि कारबाही गरिएको थियो। फेरि चर्कियो अमेरिका–इरान तनाव अमेरिका र इरानबीचको पछिल्लो युद्ध फेब्रुअरी २८ मा अमेरिका र इजरायलले इरानमाथि गरेको आक्रमणपछि सुरु भएको थियो । जुन महिनामा युद्धविराम घोषणा भए पनि दुवै पक्षबीच पूर्ण रूप...

नेपालअखबार, काठमाडौँ । अमेरिकी राष्ट्रपति डोनाल्ड ट्रम्पका विशेष दूत स्टिभ विटकफ र उनका ज्वाइँ ज्यारेड कुश्नरले युक्रेन युद्ध अन्त्य गर्ने विषयमा रूसी राष्ट्रपति भ्लादिमिर पुटिनसँग तीन घण्टा लामो वार्ता गरेका छन्। मस्कोस्थित क्रेमलिनमा शनिबार भएको भेटमा विटकफ र कुश्नरले युक्रेनमा जारी युद्ध अन्त्य गर्ने अमेरिकी प्रस्ताव तथा सम्भावित समाधानका उपायबारे पुटिनसँग छलफल गरेको अमेरिकी अनलाइन एक्सियसले जनाएको छ। जाडोयाम नजिकिँदै गर्दा दुवै पक्षबीच सैन्य गतिविधि बढेपछि रूस-युक्रेन वार्ता पुनः सुरू गराउने प्रयास स्वरूप अमेरिकी टोली मस्को पुगेको हो। विटकफ र कुश्नर आइतबार युक्रेनको राजधानी किभ जाने तयारीमा छन्। उनीहरूको किभ भ्रमणलाई सहज बनाउन रुस र युक्रेन छोटो समयका लागि हवाई आक्रमण रोक्न सहमत भएको पनि एक्सियसले जनाएको छ। वार्ताको सुरुवातमै पुटिनले रुस–युक्रेनबीचको मध्यस्थतामा अमेरिकी ...

नेपालअखबार, बग्दाद । मध्यपूर्व युद्धको कारण इराकमा पेट्रोल आपूर्ति घटेको कारण शनिबार बगदादमा इन्धन स्टेशनहरूमा लामो लाइन लागेको जनाइएको छ । पछिल्लो समयमा क्षेत्रीय शत्रुता बढ्दै जाँदा, बगदाद र अन्य प्रान्तहरूमा सरकारद्वारा सञ्चालित इन्धन स्टेशनहरू बाहिर लामो लाइनहरू लागेको जनाइएको छ । इराकको पेट्रोलको औसत दैनिक खपत तीन करोड ३० लाख लिटर छ, तर अधिकारीहरूका अनुसार मानिसहरू अभावका कारण माग बढेर तीन करोड ८० लाख पुगेको छ । क्षेत्रीय घटनाहरू र चलिरहेको द्वन्द्वले इराकी बन्दरगाहहरूमा तिनीहरूको आगमनमा ढिलाइ गर्दै ट्याङ्कर आवागमनमा चुनौतीहरू निम्त्याइरहेको ऊर्जा मन्त्रालयले जनाएको छ । मन्त्रालयले नागरिकहरूलाई आवश्यक पर्ने मात्रा मात्र इन्धन किन्न र भण्डारणका लागि भीडभाड नगर्न आग्रह गरेको छ भने ऊर्जा मन्त्री बासेम मोहम्मद खुदैरले “पेट्रोलको अस्थायी अभाव” लाई सम्बोधन गरिरहेको र आपूर्ति स्थ...

नेपालअखबार, काठमाडाैँ। राष्ट्रपति डोनाल्ड ट्रम्पको युद्धको ६ महिनामा नयाँ युद्ध भड्काउने धम्कीको बावजुद इरानले बिहीबार कुवेतमा अमेरिकी सैन्य आधारमा आक्रमण गरेको छ। देशभरका स्थलमा व्यापक अमेरिकी बमबारीमा कम्तिमा १९ जना इरानी मारिएपछि अमेरिकी सेना इरानमा कुनै पनि समयमा आक्रमण गर्न तयार रहेको ट्रम्पले बताए। तेहरानले भने कुवेत, जोर्डन, संयुक्त अरब इमिरेट्स, बहराइन र इराकको स्वायत्त कुर्दिस्तान क्षेत्रसहित मध्यपूर्वमा विभिन्न अमेरिकी सैन्य लक्ष्यमा आक्रमण गरेर आक्रमणको बदला लिएको छ। निरन्रको द्वन्द्वले युद्धलाई बढवा दिएको छ भने इरानले स्ट्रेट अफ हर्मुजमा तेल निर्यात मार्गमा आफ्नो पकड कायम राख्ने प्रयासलाई अमेरिकाले इरानी बन्दरगाहको प्रति–अवरोधलाई दबाब दिइरहेको छ। सुरक्षा प्रमुख मोहसेन रेजाईले संयुक्त राज्य अमेरिकालाई चेतावनी दिँदै इरानले युद्धमा “नयाँ रणनीति” अपनाएको बताए। कुवेतको सेनाले ...

नेपालअखबार, काठमाडौं । अमेरिकाले मंगलबार इरानका विभिन्न सैन्य संरचनालाई लक्षित गर्दै ठूलो हवाई हमला गरेपछि इरानले पनि मध्यपूर्वमा रहेका अमेरिकी सैन्य संरचनामाथि जबाफी आक्रमण गरेको छ। पछिल्लो घटनाक्रमले केही सातादेखि तुलनात्मक रूपमा शान्त रहेको अमेरिका–इरान द्वन्द्वलाई फेरि गम्भीर रूपमा चर्काएको छ। अमेरिकी आक्रमणपछि इरानले जोर्डन, बहराइन र इराकमा रहेका अमेरिकी सैन्य संरचनालाई लक्षित गरी मिसाइल र ड्रोन आक्रमण गरेको जनाएको छ। यससँगै विश्वको प्रमुख तेल आपूर्ति मार्ग स्ट्रेट अफ हर्मुजमा तनाव थप बढेको छ। यस घटनाक्रमको प्रभाव विश्व बजारमा समेत देखिएको छ। मंगलबार अन्तर्राष्ट्रिय कच्चा तेलको मूल्य प्रतिब्यारेल ४ डलरभन्दा बढीले बढेर पाँच सातायताकै उच्च बिन्दुमा पुगेको अन्तर्राष्ट्रिय समाचार संस्था रोयटर्सले लेखेको छ। युद्ध सुरु भएपछि इरानले स्ट्रेट अफ हर्मुजबाट हुने तेल ढुवानी प्रभ...

नेपालअखबार, दुबई । हालैका हप्ताहरूमा मत्थर भएको इरान र अमेरिकाबिचको आक्रमण पुनः भड्किएको छ । अमेरिकी राष्ट्रपति डोनाल्ड ट्रम्पले सोमबार इरानमाथि थप कडा कारबाही गर्ने चेतावनी दिएका छन् । आइतबार अमेरिकाले इरानको लाराक द्वीपमा आक्रमण गरेको थियो । यसको प्रतिकारमा इरानले सोमबार राति जोर्डनमा रहेका दुई अमेरिकी सैन्य आधारलाई लक्षित गरी क्षेप्यास्त्र प्रहार गर्यो । लाराकमा स्ट्रेट अफ होर्मुजमा समुद्री सुरुङ बिछ्याउन तयारी गरिरहेका इरानी प्रक्षेपण प्रणालीलाई निशाना बनाइएको अमेरिकी पक्षको दाबी छ । घटनापछि ट्रम्पले इरानलाई कडा जवाफ दिने भनेका छन् । रानमाथि कडा प्रहार गरिने र यसको जवाफ दिइने ट्रम्पले बताएको भन्दै फक्स न्युजले समाचार छापेको छ । पछिल्लो आक्रमण–प्रत्याक्रमणले प्रतिबन्ध, नाकाबन्दी र आर्थिक दबाब मार्फत बढ्दो रूपमा लडिएको द्वन्द्व कति छिटो सैन्य कारबाहीमा परिणत हुन सक्छ भन्ने कुरालाई ...

नेपालअखबार,काठमाडौं । दक्षिण कोरियाको एक अदालतले युनिफिकेसन चर्चकी प्रमुखलाई पूर्व-प्रथम महिलासँग जोडिएको घुस काण्डमा दुई वर्षको जेल सजाय सुनाएको छ। सोमबार सियोल सेन्ट्रल डिस्ट्रिक्ट कोर्टले ८३ वर्षीया हान हाक-जालाई राजनीतिक आर्थिक सहयोग सम्बन्धी कानुन उल्लङ्घन गरेकोमा एक वर्ष र अनुचित लाभ तथा भ्रष्टाचारका लागि छुट्टै एक वर्ष गरी कुल दुई वर्षको सजाय सुनाएको हो। दक्षिण कोरियाका तत्कालीन राष्ट्रपति युन सोक योलकी पत्नी किम क्योन हीलाई ब्रान्डेड गहना तथा बहुमूल्य सामानहरू र युन निकट मानिने एक सांसदलाई रकम हस्तान्तरण गर्न चर्चका एक अधिकारीलाई निर्देशन दिएको आरोप उनीमाथि थियो। स्वास्थ्यको कारण देखाउँदै अधिकारीहरूले बुधबार सम्मका लागि उनको हिरासत स्थगित गरेकाले हानलाई तुरून्तै नियन्त्रणमा भने नलिइएको फाइनान्सियल टाइम्सले जनाएको छ। अदालतले भनेको छ, 'युनिफिकेसन चर्चको वित्तीय शक्ति प्रय...