विश्व

नेपालअखबार,काठमाडौं। अरब र मुस्लिम राष्ट्रका नेता सोमबार साउदी अरेबियाको राजधानी रियादमा भेला भएका छन् । यो सम्मेलन गाजा र लेबनानमा इजरायलसँग चलिरहेको युद्धमा केन्द्रित रहने साउदी अरेबियाको सरकारी मिडिया एजेन्सी वाफाले जनाएको छ। वाफालाई उद्धृत गर्दै बीबीसी हिन्दीले लेखेको छ, ‘इजरायली आक्रमण सहित प्यालेस्टाइन र लेबनानी क्षेत्रमा बढ्दो हिंसाले अरब र इस्लामिक नेताहरूलाई तत्काल कदम चाल्न बाध्य बनाएको छ, त्यसकारण  सम्मेलनको आयोजना गरिएको हो ।’ प्यालेस्टाइन र लेबनानी क्षेत्रमा इजरायली आक्रमण रोक्न, आम जनताको सुरक्षा र यस क्षेत्रमा शान्ति र स्थिरता स्थापना गर्न अन्तर्राष्ट्रिय समुदायलाई दबाब दिनु यस सम्मेलनको मुख्य प्राथमिकता रहेको बताइएको छ। रियादमा हुन लागेको सम्मेलनमा सहभागी हुन पाकिस्तानका प्रधानमन्त्री शाहबाज सरिफ पनि साउदी अरब पुगेका छन् । उनले एक्समा लेखेका छन्, ‘म रियाद पुगेको छु...

नेपालअखबार,मालाबो । सारा विश्वले यसलाई ‘अर्को सेक्स टेप स्क्यान्डल’  का रूपमा हेरिरहेको छ । तर, वास्तवमा यो इक्वेटोरियल गिनीको नयाँ राष्ट्रपति बन्छ भन्ने वास्तविक ‘नाटक’ को एउटा अंश हुनसक्छ । पछिल्लो हप्ता एक शीर्ष सरकारी अधिकारीले आफ्नो कार्यालय र अन्य ठाउँमा विभिन्न महिलाहरूसँग यौनसम्बन्ध बनाइरहेका १ सय ५० देखि ४ सयवटासम्म भिडियो बाहिरिएका छन् । यो प्रकरण यतिबेला सामाजिक सञ्जालमा भाइरल भइरहेको छ जसले मध्य अफ्रिकाको सानो देशलाई स्तब्ध बनाएको छ । भिडियोमा देखिएका अधिकांश महिला सत्ताको केन्द्रमा रहेका मानिसहरूको पत्नी र आफन्त रहेका छन् । उनीहरू बाल्टासार इबाङ मिस्टर इन्गोंगासँग यौन क्रियाकलापमा संलग्न देखिएका छन् । यो सबै पुष्टि गर्न कठिन भइरहेको छ किनभने इक्वेटोरियल गिनीको समाज निकै सङ्कुचित रहेको छ भने त्यहाँ स्वतन्त्र प्रेसको अस्तित्व नै छैन । केहीले यो प्रकरणको केन्द्रमा रहेका ...

नेपालअखबार, बलुचिस्तान । पाकिस्तानको बलुचिस्तानको क्वेटा सहरको रेलवे स्टेसनमा शनिबार बिहान बम विस्फोट भएको छ । यस विस्फोटमा मृत्यु हुनेको सङ्ख्या २१ पुगेको छ । साथै, अहिलेसम्म कम्तीमा ४६ जना घाइते भएका छन् । अधिकारीहरूले मृतकको सङ्ख्या बढ्न सक्ने आशङ्का पनि व्यक्त गरेका छन् । घटनाको बारेमा जानकारी दिँदै क्वेटाका एसएसपी अपरेसन मुहम्मद बलोचले बीबीसीलाई भने, ‘क्वेटाबाट रावलपिंडीका लागि जाफर एक्सप्रेसका यात्रुहरू रेल आउनको लागि पर्खिरहेका बेला रेलवे स्टेसनमा विस्फोट भएको थियो। उक्त समयमा अधिकांश यात्रु प्लेटफर्ममा उपस्थित थिए।’ मुहम्मद बलोचले भने कि घाइतेहरूलाई क्वेटाको सिभिल अस्पताल र ट्रमा सेन्टरमा रिफर गरिएको छ। रेलवे स्टेसनमा विस्फोट हुनुको कारण भने खुल्न सकेको छैन । बलुचिस्तानका मुख्यमन्त्री सरफराज बुग्तीले क्वेटा रेलवे स्टेसनमा भएको विस्फोटको निन्दा गर्दै घटनाको छानबिन गर्न आदेश...

नेपालअखबार, काठमाडौं । खाद्यान्नदेखि कारबीमासम्मको मूल्य अत्यधिक बढेका कारण रिसाएका अमेरिकी मतदाताले सत्तामा रहेको डेमोक्रयाटिक पार्टीलाई हराएर डोनाल्ड ट्रम्पलाई ह्वाइटहाउसमा फर्काइदिए । आफू सत्तामा रहुञ्जेल मूल्यवृद्धिको समस्या नहरेको तर जो बाइडेनको पालामा त्यसले जनतालाई मारेको भन्दै उनले त्यसमाथि आफूले हमला गर्ने उनले बाचा गरेका थिए । तर, उनी सचेत भएनन् भने उनी आफैंमाथि मूल्यवृद्धिको समस्या पर्नेछ । मूल्यवृद्धिलाई छुमन्तर पार्नेसँगै ट्रम्पले चुनावका क्रममा गैरकानुनी आप्रवासीलाई एकैपटक डिपोर्ट गर्ने तथा आयातमा अतिउच्च कर लगाउने बाचा गरेका छन् । साँच्चै यी काम ट्रम्पले गरे भने त्यसले अत्यधिक मूल्यवृद्धि गराउनेछन् । ट्रम्पले दशौं खर्ब अमेरिकी डलर राष्ट्रिय ऋण बढाउने योजना बनाएपछि बोन्ड बजार अहिलेसम्मकै उच्च बिन्दूमा पुगिसकेको छ । बोन्डको प्रतिफल तीव्र रुपमा बढेको छ, जसले घर तथ...

नेपालअखबार,वासिङटन डीसी ।  अमेरिकी राष्ट्रपति चुनावको नतिजा आएपछि पूर्व राष्ट्रपति बाराक ओबामा र उनकी पत्नी मिशेल ओबामाले डोनाल्ड ट्रम्प र उपराष्ट्रपतिका उम्मेदवार जेडी भान्सलाई बधाई दिएका छन् । ओबामा दम्पतीले नतिजाको प्रतिक्रिया दिँदै भने, ‘चुनावको क्रममा लाखौं अमेरिकीहरूले राष्ट्रपतिलाई मात्र होइन नेतालाई पनि मतदान गरे । अब नतिजाहरू आइसकेका छन् र हामी राष्ट्रपति ट्रम्प र सिनेटर भान्सलाई उनीहरूको जितका बधाई दिन्छौँ ।’ ‘स्पष्ट रूपमा यो हामीले अपेक्षा गरेको नतिजा होइन । धेरै विषयमा ट्रम्पसँग हाम्रो गहिरो मतभेद छ । तर लोकतन्त्रको मतलब यही हुन्छ कि हामीले सोचेको सधैँ सही हुन सक्दैन र सत्ता हस्तान्तरणका लागि शान्तिपूर्वक तयार रहनु पर्छ’ उनीहरूले भनेका छ । डेमोक्रेटिक पार्टीका उम्मेदवार ह्यारिसका लागि ओबामा दम्पतीले भने, ‘हामीलाई कमला ह्यारिस र उनको पार्टनर टिम वाल्जप्रति गर्व छ । यी दुवै...

नेपालअखबार, फ्लोरिडा । रिपब्लिकन पार्टीका राष्ट्रपतिका उम्मेदवार डोनाल्ड ट्रम्प फ्लोरिडामा आफ्ना समर्थकहरूलाई सम्बोधन गरेका छन्। उनी श्रीमती मेलानिया ट्रम्प र चुनावी अभियानका कर्मचारीसँग स्टेजमा पुगेका थिए । ट्रम्पले भने, ‘हामी हाम्रो देशलाई पुनः प्राप्ति गर्न मद्दत गर्नेछौँ। यो अमेरिकाको लागि "स्वर्ण युग" हुनेछ।’ उनले थपे, ‘यो अमेरिकी जनताका लागि ठुलो जीत हो। जसले हामीलाई अमेरिकालाई फेरि महान् बनाउन सक्षम बनाउँछ।’ ट्रम्पको अभियानको नारा थियो– मेक अमेरिका ग्रेट अगेन । यसको मतलब अमेरिकालाई फेरि महान् बनाउनु हो। ट्रम्पले आफ्नो जितको पनि घोषणा गरेका छन् । यद्यपि यसको औपचारिक घोषणा भने भइसकेको छैन । ट्रम्पले भने, ‘अमेरिकाले हामीलाई अभूतपूर्व र शक्तिशाली बहुमत दिएको छ।’ ट्रम्पले फ्लोरिडामा रहेको चुनावी मुख्यालयमा आफ्ना समर्थकहरूलाई सम्बोधन गरेका हुन्। उनको कुरा सुन्न यहाँ ठुलो सङ...

नेपालअखबार,काठमाडाैँ ।‘गुगलले हामीलाई इन्टरनेटबाट गायब नै बनाइदिएको थियो’, यो भनाइ हो शिवौन राफ र उनका पति एडम राफको । यो दम्पतीले सन् २००६ मा राम्रो पारिश्रमिक भएको जागिर छाडेर मूल्य तुलना गर्ने वेबसाइट फाउन्डेमको सुरुआत गरेका थिए । तर, फाउन्डेममा सर्च इन्जिनको एउटा अटोमेटिक स्पम फिल्टर्सका कारण गुगलले सर्च जरिवाना लगायो, जसको असर फाउन्डेमको व्यवसायमा पर्‍यो । वास्तवमा उक्त जरिवानाका कारण इन्टरनेटमा मूल्य तुलना अर्थात् प्राइस कम्पेरिजन तथा कम्पेरिजन शपिङ जस्ता सर्च रिजल्टहरुको सूचीमा फाउन्डेम निकै पछाडि परेको थियो । उसैपनि स्टार्टअप सुरु गर्ने संस्थापकहरुका लागि स्टार्टअपको सुरुआतको पहिलो दिन रोमान्चकता तथा आशंकाहरुले भरिएको हुन्छ । तर, शिवौन र एडमका लागि यो त्यसभन्दा पनि निकै खराब थियो । उनीहरुले यति खरा होला भन्ने अनुमान नै गरेका थिएनन् । वास्तवमा फाउन्डेममाथि गुगल सर्...

नेपालअखबार,काठमाडौँ । अमेरिकाले डाइभर्सिटी भिसा (डीभी) भर्ने समय दुई दिन थप गरेको छ । नेपालस्थित अमेरिकी दूतावासले डाइभर्सिटी भिसा कार्यक्रम २०२६ का लागि प्रवेश अवधि ५ नोभेम्बर २०२४ बाट ७ नोभेम्बर २०२४ सम्म बढाइएको सोमबार एक सूचनामार्फत जानकारी गराएको हो । आवेदकहरूले डीभी भर्दा विभिन्न निर्देशनहरू पालना गर्नुपर्ने पनि सूचनामार्फत सुझाएको छ ।  जसमा आवेदकले परिवारका सबै सदस्यहरू उल्लेख गर्नुपर्ने,  पछिल्लो ६ महिनामा खिएको फोटो मात्र प्रयोग गर्नुपर्ने र आफ्नो डीभी–२०२६ पुष्टिकरण नम्बर जतन गरेर राख्नुपर्ने उल्लेख छ । दूतावासले डीभीका आवेदन दिन कुनै शुल्क नलाग्ने र आवेदन https://dvprogram.state.gov/ बाट मात्र भर्न सकिने स्पष्ट गरेको छ ।...

नेपालअखबार,काठमाडौं । रुसको एक अदालतले युट्युबमा रुसी सरकारी सञ्चार माध्यमलाई प्रतिबन्ध लगाएको आरोपमा गुगलमाथि भयंकर परिमाणको जरिवाना तोकेको छ । जरिवानाको रकम अति धेरै छ कि गन्न पनि गाह्रो छ । बीबीसीका अनुसार रुसको अदालतले २८ अक्टुबरको दिन २.५ अण्डसिलियन रुबल अर्थात् २५ डेसिलियन अमेरिकी डलर जरिबानाको फैसला गरेको हो । अदालतले जरिबाना रकम तिर्न गुगललाई ९ महिनाको समयसीमा दिएको छ । यदि ९ महिनाभित्र पनि तिर्न नसकेमा जरिबाना रकम दैनिक डबल हुने अदालतले जनाएको छ । रुसी अदालतले गन्न पनि गाह्रो हुने रकम जरिवानाको फैसला गुगलविरुद्ध चार वर्षसम्म चलेको कानुनी लडाइँ पछि गरेको हो । गुगलले रुसका केही सञ्चार माध्यमहरुमाथि प्रतिबन्ध लगाएको थियो । ती सञ्चार माध्मयको सूचीमा रुसका सरकारी सञ्चार माध्यम पनि थिए । रुसको राष्ट्रवादी भनिने च्यानल जारग्रेडलाई गुगलले युट्युबबाट हटाइएको थियो । जारग्रेड च्यानल...

नेपालअखबार, काठमाडौं । स्पेनमा आएको बाढीमा परी ९५ जनाको मृत्यु भएको छ । कयौं व्यक्तिहरु बेपत्ता छन् । मंगलबार स्पेनको पूर्वी प्रान्त भ्यालेन्सिया र त्यस आसपासका क्षेत्रमा भएको मुसलधारे वर्षापछि बाढीपहिरो आएको थियो । भारी वर्षाका कारण पुल, भवन लगायतका भौतिक संरचनामा क्षति पुगेको छ । बस्तीहरु डुबानमा परेपछि मानिसहरु ज्यान जोगाउन घरका छत र रुखमा चढेका थिए । देशको स्थिति खराब भएपछि स्पेनका प्रधानमन्त्री पेड्रो सान्चेजले तीन दिन राष्ट्रिय शोक घोषणा गरेका छन् । सरकारी अधिकारीहरुका अनुसार खोज तथा उद्धार कार्य जारी रहेकाले मृतकको संख्या अझै बढ्न सक्ने अनुमान छ । भ्यालेन्सियामा मात्रै ९२ जनाको मृत्यु भएको तथ्यांक छ । भ्यालेन्सियाको पश्चिमी तटीय क्षेत्रमा ७ वर्षीय ब्रिटिश नागरिकसहित अरु तीन जना पनि मृत फेला परेको बीबीसीले जनाएको छ ।मिडिया रिपोर्टहरुका अनुसार स्पेनमा बाढीका कारण सन् १९७३ पछि...