ट्विटरले बिबिसीलाई सरकारले पैसा दिने मिडिया
नेपालअखबार, एजेन्सि। सामाजिक सञ्जाल ट्विटरले बेलायती प्रसारण संस्था (बिबिसी) लाई सरकारले पैसा दिने मिडिया भनेपछि बिबिसीले आपत्ति जनाएको छ।
बिबिसीका अनुसार ट्विटरले बिबिसीको भेरिफाइड खाता @BBC लाई सरकारले पैसा दिने मिडिया भनेर लेबल गरेको छ।
एक वक्तव्य जारी गर्दै बिबिसीले आफू एक स्वतन्त्र संस्था भएकाले सरकारले पैसा दिने भनी ट्विटरले लगाइदिएको लेबल हटाउनु पर्ने भनेको छ।
यसबारे ट्विटरका अधिकारीहरूसँग पनि कुरा भइरहेको बिबिसीले जनाएको छ।
‘बिबिसी स्वायत्त हो र यो सधैँ स्वायत्त रहेको छ। हामीलाई बेलायती जनताले लाइसेन्स शुल्कका माध्यमबाट पैसा दिन्छन्,’ बिबिसीले भनेको छ।
पछिल्लो समय भेरिफाइड खाता चलाउन ट्विटरले पैसा लिन थालेको छ। यसअघि नै उसले विभिन्न व्यक्ति र संस्थाका खातालाई विभिन्न लेबल लगाउन थालेको थियो। त्यसमा मिडियाका खाता पनि छन्।
चीनको पिपुल्स डेलीलाई ट्विटरले चिनियाँ राज्...










