समाचार

मोहसिन अलि मियाँगोरखा । पृथ्वीनारायण शाहकालिन पोशाक सहित टर्च र राष्ट्रिय झण्डा बोकेर नेपाली सेनाको टोली गोरखाबाट काठमाण्डौका लागि पैदल निस्किएको छ । तत्कालिन राजा पृथ्वीनारायण शाहले राज्य एकिकरणको क्रममा प्रयोग गरेको बाटोको पहिचान गर्दै एकिकरण पदमार्ग निर्माणका लागि नेपाली सेनाले पदयात्रा सुरु गरेको हो । ‘युनिफिकेसन ट्रेल’ का रुपमा सो मार्गलाई विकास गर्ने भन्दै सेनाले पदयात्रा सुरु गरेको हो । शुक्रबार बिहान साढे ८ बजे गोरखा दरबारको हनुमान चौतारीबाट सेनाको टोली त्यसतर्फ निस्किएको हो । टोलीलाई एक विशेष कार्यक्रमका बिच पश्चिम पृतनाका पृतनापति गोकुल भण्डारी, गोरखा नगरपालिकाका प्रमुख राजनराज पन्त, प्रमुख जिल्ला अधिकारी देवेन्द्र लामिछाने, भीमसेन थापा गाउँपालिकाका अध्यक्ष इश्वर पाण्डे लगायतले टर्च र झण्डा हस्तान्तरण गर्दै बिदाई गरेका हुन् । टर्च, नेपालको झण्डा बोकेर पृथ्वीनारायण शा...

मोहसिन अलि मियाँगोरखा । ‘साह्रै मिजासिला थिए अर्जुन’ गहभरी आँशु बनाउदै ठूलीआमा नन्दकुमारी थापाले भनिन् ‘राम्ररी बस्नुस् है भन्दै १२ दिनअघि विदा भएर गएका, अहिले यस्तो खबर सुन्नुप¥यो ।’ गोरखा नगरपालिका ५ रिप ढाडगाउँका अर्जुन थापा जम्बु कस्मिरको लाइन अफ कन्ट्रोलको भिडन्तमा मारिएपछि अहिले उनको गाउँ शोकमा डुबेको छ । कैयौं सपना बोकेर ४ बर्षअघि भारतिय सेनामा भर्ती भएका थापा बुधबार कश्मिरमा गोली हानाहानमा मारिएका थिए । उनको मृत्युको खबरले सन्नटा छाएको रिप पुग्दा अर्जुनको घरमा ताला नलागेपनि ढोका भने खुल्ला थिएन । पल्लो घरमा छिमेकी जम्मा भएका थिए । तर बोल्ने हिम्मत कसैसंग थिएन । उमेरले भरखर २५ काटेका अर्जुनले बिहे पनि यसै साल गरेका थिए । ‘अस्ति भरखरै असार २२ गते दुलेगौंडाबाट दुलही ल्याएका’ ठूलिआमा नन्दकुमारीले सम्झिइन् ‘आमा नभएर होला, मलाई आमालाई जस्तै माया ग¥थ्यो, साह्रै हसिला बाबु ।’ ...

पुस १४ गते बसेको मन्त्रीपरिषद बैठकको निर्णय सरकारले बिहिबार सार्वजानिक गरेको छ । सञ्चार तथा सूचना प्रविधी मन्त्री एवं सरकारका प्रवक्ता गोकुल बास्कोटाले मन्त्रिपरिषदका निर्णय सार्वजानिक गरेका हुन् । हेर्नुस यस्ता छन् सरकारले सार्वजानिक गरेका १४ निर्णय ।

२० लाख पर्यटक भित्र्याउने र पर्यटनलाई अर्थतन्त्रको मुख्य अङ्गका रूपमा स्थापित गर्ने लक्ष्यसहित बुधबारदेखि नेपाल भ्रमण वर्ष २०२० शुरु भएको छ । अंग्रेजी नयाँ वर्षको अवसर पारेर राजधानीको दशरथ रङ्गशालाबाट बुधबार आैपचारिक कार्यक्रम गरी भ्रमण वर्षकाे सुरुवात गरिएकाे हाे । राष्ट्रपति विद्यादेवी भण्डारीले उद्घाटन कार्यक्रममा भ्रमण वर्षको सुरुवात भएको घोषणा गरेकी थिइन।...

नेपाल आयल निगमले पेट्रोलिम पदार्थको मूल्य वृद्धि गरेको छ। निगमले पेट्रोल र डिजल–मट्टितेलको खुद्रा बिक्री मूल्यमा प्रतिलिटर २–२ रुपैयाँले वृद्धि गरेको हो। हवाई इन्धन र एलपी ग्यासको खुद्रा बिक्री मूल्य भने यथावत रहेको निगयमले जनाएको छ। निगमका निर्देशक एवं प्रवक्ता वीरेन्द्र गोइतले बुधबार बेलुका विज्ञप्ति जारी गर्दै इण्डियन आयल कर्पोरेशनले पछिल्लो पटक पठाएको मूल्य सूचीअनुरूप मूल्य समायोजन गरिएको जनाएका हुन्।...

रोटरी क्लब अफ बज्र मनासलुको बर्ष २०१९/२० को तेस्रो साधारणसभा सम्पन्न भएको छ । क्लबका अध्यक्ष रुषबाबु जोशीको अध्यक्षतामा सभा भएको हो । साधारण सभामा क्लबका बिभिन्न पाँच डाइरेक्टरहरुले आ–आफ्नो प्रतिवेदन प्रस्तुत गरेका थिए । क्लब एडमिनिष्ट्रेशन डाइरेक्टर दामोदर घिमिरे, पब्लिक इमेज डाइरेक्टर विनोद अर्याल, टीआरएफ विदुर बाँनिया, मेम्बरसिप ग्रोथ डाइरेक्टर रामकुमार श्रेष्ठ र सर्भिस प्रोजेक्ट डाइरेक्टर सुजन श्रेष्ठले बर्ष २०१९/२० मा सम्पन्न गरेका आ–आफ्ना बिषयका गतिविधीका बारेमा प्रतिवेदन साधारण सभामा प्रस्तुत गरेका थिए । साथै साधारण सभाले आगामी २०२०/२१ का लागि विष्णु राना मगरको अध्यक्षतामा कार्यसमिति समेत चयन गरेको पब्लिक इमेज डाइरेक्टर विनोद अर्यालले जानकारी दिएका छन् । केहि बर्ष अघि स्थापना भएको क्लबले जिल्लामा बिभिन्न सामाजिक कार्य सञ्चालन गरिरहेको छ ।...

नेपाल जेसीजको महाधिवेशनका लागि चितवन आएका काभ्रे जेसिजका उपाध्यक्ष कृष्ण कुमार मानन्धर मृत फेला परेका छन् । चितवनको रत्ननगर नगरपालिकाको टाँडीमा भएको जेसिजको ४६ औँ महाधिवेसनका लागि आएका मानन्धरको शव इनारमा भेटिएको प्रहरीको भनाई छ । मानन्धरको शव आइतबार बेलुकी रत्ननगर नगरपालिका १ र ९ को सीमा क्षेत्रको एक इनारमा भेटिएको थियो। हाल उनको शव पोष्टपार्टमका लागि अस्पताल पठाइएको छ । पुस ९ गतेदेखि १२ गतेसम्म भएको रत्ननगरमा जेसिजको ४६ औं महाधिवेशन भएको थियो ।...

मुग्लिन – नारायणगढ सडक पुस २३ गतेबाट मात्रै खुल्ला हुने भएको छ । पहिरो रोकथामका लागि भन्दै जिल्ला प्रशासन कार्यालय चितवनले पुष २२ गतेसम्मका लागि बिहान ११ बजेदेखि दिउँसो ३ बजेसम्म बन्द गराउने भएको हो । यसअघि मंसिर २७ गतेबाट १५ दिनका लागि भनेर यो सडक बन्द हुँदै आएको थियो । तर काम नसकिएपछि बन्दको समय थप गरिएको हो ।...

गोरखाको वारपाक केन्द्रबिन्दु भएर गएको २०७२ सालको विनाशकारी भूकम्पपछिको पुनर्निर्माणका क्रममा १४ लाख मासिनले रोजगारी पाएका छन् । पुनर्निर्माण जारी रहेका गोरखा सहित १४ जिल्लामा नेपाली तथा विदेशी श्रमिकले काम गरिरहेका छन् । भूकम्पपछि पुनर्निर्माण जारी रहेको ४ वर्षको अवधिमा १४ लाख २० हजार मानिसले रोजगारी पाएको भुकम्प प्रभावित जिल्लामा काम गदै आएको नेसनल डेमोक्रेटिक इष्टिच्यूट फर इन्टरनेसनल अफेयर्सले उल्लेख गरेको छ । त्यस्तै पुनर्निर्माणमा प्रयोग भएका अधिकांश कामदार विदेशी रहेको राष्ट्रिय पुनर्निर्माण प्राधिकरणले जनाएको छ । पुनर्निर्माणको काममा खटिएका मध्ये झण्डै ७० प्रतिशत कामदार भारत, बंगलादेशबाट आएको प्राधिकरणले जनाएको छ । यसैगरी मठमन्दिर, मस्जिद, गुम्बा तथा पुराना सम्पदा निर्माणमा काम गर्ने चित्रकार र मूर्ति बनाउने श्रमिक नेपालमा नपाएपछि बाहिरबाटै आएको प्राधिकरणले जनाएको छ ।...

त्रिभुवन विश्वविद्यालयले आगामी फागुन १४ गते स्वतन्त्र विद्यार्थी युनियन (स्ववियु) निर्वाचन गर्ने तयारी थालेको छ । यसअघि २०७३ फागुन १८ गते सम्पन्न निर्वाचनमा दुई वर्षे कार्यकाल सकिएका पदाधिकारीको म्याद यही फागुन १३ गतेसम्म मात्र थप गरिएकाले अब फागुन १४ गते नै निर्वाचन गर्नुपर्ने भएको हो । त्रिभुवन विश्वविद्यालय विद्यार्थी कल्याण तथा खेलकुद निर्देशनालयका निर्देशक गङ्गाबहादुर थपाले ११ वर्ष अघिदेखि हुन नसकेको करिब ४ सय आंगिक र सम्बन्धन प्राप्त क्याम्पसमा पनि सोही दिन निर्वाचन गर्ने तयारी थालिएको जानकारी दिए । २०७३ सालमा करिब २ सय ८० क्याम्पसमा मात्र निर्वाचन भएको थियो । हाल करिब एक हजार एक सय सम्बन्धन प्राप्त क्याम्पस छन् ।...