विश्व

नेपालअखबार,काठमाडौं । विश्व स्वास्थ्य सङ्गठनले गाजामा ध्वस्त बनेको स्वास्थ्य क्षेत्रको पुनर्निर्माणका लागि कम्तिमा सात अर्ब डलर आवश्यक पर्ने बताएको छ । विश्व स्वास्थ्य संगठनका प्रमुख टेड्रोस एड्हानोम गेहब्रेयससले भने, ‘इजरायली आक्रमणमा गाजामा भएका आक्रमणमा अस्पतालहरूसमेत निशानामा परेका थिए ।’ ‘अहिले गाजामा पूर्ण क्षमता काम गर्ने अस्पतालहरू छैनन् र ३६ मध्ये १४ वटाबाट सेवा दिइएको छ’, उनले भने । ‘गाजामा अत्यावश्यक औषधि, उपकरण र स्वास्थ्यकर्मीको गम्भीर अभाव छ । ध्वस्त बनेको गाजा स्वास्थ्य प्रणालीको पुनर्निर्माणको लागि कम्तिमा सात अर्ब खर्च हुनेछ’, उनले थपे ।...

नेपालअखबार,काठमाडौं । अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबीच दक्षिण कोरियामा भेटवार्ता हुने भएको छ । ३० अक्टोबरमा भेटवार्ता हुने ह्वाइट हाउसले पुष्टि गरेको हो । दक्षिण कोरियामा अक्टोबर ३१ देखि नोभेम्बर १ सम्म  एशिया प्यासिफिक इकोनोमिक कोअपरेशन (एपेक) सम्मेलन हुँदैछ । यो सम्मेलनमा राष्ट्रपति ट्रम्प सहभागी हुनेछन् । त्यसै क्रममा सम्मेलन सुरु हुनु एक दिनअघि चीनका राष्ट्रपति सी जिनपिङसँग भेटवार्ता गर्नेछन्। दुवै नेताबीचको यो भेटको सम्भावना पहिले नै देखिएको भए पनि अमेरिका-चीनबीच बढ्दो तनावका कारण यसबारे अनिश्चितता थियो। ट्रम्पले दोहोर्‍याएर राष्ट्रपति पद सम्हालेपछि दुवै नेताको पहिलो भेटवार्ता हुनेछ । ह्वाइट हाउसका अधिकारीहरूका अनुसार, दुवै नेताबीचको वार्तामा व्यापार, ऊर्जा सहकार्य र युक्रेन युद्धलगायत विषयमा छलफल हुने अपेक्षा गरिएको छ ।...

नेपालअखबार,काठमाडौं । पाकिस्तान र अफगानिस्तानबीच युद्धविराम गर्ने सहमति भएको छ। कतारको दोहामा दुई देशका प्रतिनिधिबीच भएको लामो छलफलपछि आइतबार युद्धविराम गर्ने सहमति भएको कतारी विदेश मन्त्रालयले जनाएको छ। कतार र टर्कीको मध्यस्थतामा भएको वार्तामा तत्काल युद्धविराम गर्ने र स्थायी शान्ति कायम गर्नका लागि दुवै देशले संयन्त्र गठन गर्ने सहमति भएको पनि कतारी विदेश मन्त्रालयले जारी गरेको विज्ञप्तीमा उल्लेख छ। झन्डै १३ घन्टासम्म चलेको वार्तमा पाकिस्तानबाट रक्षामन्त्री ख्वाजा आसिफ र गुप्तचर प्रमुख जनरल असीम मलिकले नेतृत्व गरेका थिए भने अफगानिस्तानबाट रक्षामन्त्री मौलवी मुहम्मद याकुब र राष्ट्रिय गुप्तचर एजेन्सीका प्रमुख सहभागी थिए। कतारी विदेश मन्त्रालयले यो सहमतिले सीमाक्षेत्रमा तनाव कम गर्ने र क्षेत्रीय स्थिरताका लागि आधार तयार पार्ने आशा व्यक्त गरेको छ। अक्टोबर ११ देखि १५ सम्म स्पिन ...

नेपालअखबार,काठमाडौं । अमेरिकी राष्ट्रपति डोनाल्ड ट्रम्पका नीतिहरूको विरोध गर्दै देशव्यापी प्रदर्शन भएको छ। शनिबार अमेरिकाको ५० वटै राज्यका मुख्य मुख्य सहरहरूमा ट्रम्प प्रशासन विरोधी प्रदर्शन भएका हुन्। प्रदर्शनलाई 'नो किङ्स' नाम दिइएको छ। गत जुनमा 'नो किङ्स' भन्ने नारासहितको प्रदर्शन भएको थियो। शनिबारको प्रदर्शनलाई यसकै दोस्रो संस्करण भनिएको छ। अन्तर्राष्ट्रिय समाचार संस्था रोयटर्सका अनुसार शनिबार देशभरि २६ सय भन्दा बढी स्थानहरूमा प्रदर्शन र र्‍याली सम्पन्न भएका थिए। प्रदर्शनमा लाखौं मानिसहरूले सहभागिता जनाएका थिए भने प्रदर्शन शान्तिपूर्ण रूपमै सम्पन्न भएको भनेर अमेरिकी मिडियाहरूले लेखेका छन्। न्यूयोर्कमा मात्रै एक लाखभन्दा बढी मानिसहरूले मार्च गरेको बताइएको छ। यस आन्दोलनका आयोजकहरूले यो प्रदर्शन लोकतन्त्र र नागरिक स्वतन्त्रताको संरक्षणका लागि गरिएको बताएका छन्। प्रदर्...

नेपालअखबार,लण्डन । जेफ्री एपस्टिनसँगको सम्बन्ध र यौन दुर्व्यवहारको आरोपलाई लिएर लामो समयदेखि दबाबमा रहेका बेलायती राजकुमार एन्ड्रयूले ड्यूक अफ योर्क लगायत सबै शाही उपाधि र सम्मानहरू त्याग्ने घोषणा गरेका छन्। एक व्यक्तिगत विज्ञप्ति जारी गर्दै एन्ड्रयूले राजा र परिवारसँगको छलफलपछि यो निर्णय लिएको बताएका छन्। उनले आफ्नो विरुद्धका आरोपहरूको निरन्तरताले राजा र शाही परिवारको काममा अवरोध पुर्‍याएको निष्कर्ष निकालेको उल्लेख गरेका छन्। यद्यपि, उनले आफूमाथि लागेका आरोपहरूलाई कडा रूपमा इन्कार गरिरहने अडान दोहोर्‍याएका छन्। यो निर्णय राजा चार्ल्स र राजकुमार विलियमसँगको परामर्शमा भएको हो। यससँगै एन्ड्रयू अब ड्यूक अफ योर्क रहने छैनन्, यद्यपि उनी राजकुमारको रूपमा भने चिनिइरहनेछन्। उनले ब्रिटनको सबैभन्दा पुरानो र वरिष्ठ सम्मान अर्डर अफ द गार्टरको सदस्यता पनि त्यागेका छन्। यसअघि नै 'कार्यकारी शाही'क...

नेपालअखबार, रफाह । हमास र इजरायल बीचको युद्धविराम पछि, गाजाका मानिसहरू आफ्नो घर फर्किरहेका छन् र चाहिने सरसामानहरू जम्मा गर्न हतारिइरहेका छन् । सहायता सामग्री बोकेका ट्रकहरू गाजामा आइपुगेका छन् । सहायता एजेन्सीहरूले यस्ता ट्रकको संख्या बढाउन अनुरोध गरेका छन् । शान्ति सम्झौता पछि, हमासले दुई वर्ष अघि इजरायलबाट बन्धक बनाएर ल्याइएका २० जना जीवित बन्धकहरू इजरायललाई सुम्पिसकेको छ । मृत बन्धकहरूको सबै शव फिर्ता भइसकेको छैन । इजरायलले हमासलाई युद्धविराम उल्लङ्घन गरेको आरोप लगाउँदै बन्धकहरूको अवशेष फिर्ता गर्न ढिलाइ गरिरहेको बताएको छ । यद्यपि, वार्तामा संलग्न कूटनीतिक स्रोतहरूका अनुसार, हमासले बन्धकहरूको शव फिर्ता गर्न अवरोध गर्ने इजरायलको आरोपलाई अस्वीकार गरेको छ । बुधबार हमासले चार बन्धकहरूको शव फिर्ता ग‍रेको थियो । जसमध्ये एक शव बन्धकको नभएको इजरायलले भनेको छ । अवशेषहरूमध्ये एउटा...

नेपालअखबार,काठमाडौं । अमेरिकी राष्ट्रपति डोनाल्ड ट्रम्पले भारतले अब रूसबाट तेल नकिन्ने दाबी गरेका छन्। बुधबार ह्वाइट हाउसमा पत्रकारहरूसँगको कुराकानीमा ट्रम्पले भारतका प्रधानमन्त्री नरेन्द्र मोदीले रूसबाट तेल नकिन्ने आश्वासन दिएको बताएका हुन्। 'अबदेखि भारतले रूसबाट तेल किन्दैन। मेरा साथी मोदीले रूसी तेल अब भारतले किन्दैन भन्ने कुराको सुनिश्चितता मसँगको कुराकानीमा गर्नुभएको छ,' ट्रम्पले पत्रकारहरूसँग भने। उनले लामो समयदेखि भारतको सत्तामा रहेका मोदीको तारिफ गर्दै उनलाई महान् व्यक्ति समेत भने। यसरी नै चीनलाई पनि रूसबाट तेल नकिन्नका लागि मनाउन सकिने ट्रम्पले बताएका छन्। रूसबाट तेल किनेकै कारण ट्रम्पले भारतलाई २५ प्रतिशत भन्सार लगाएका छन्। तेल किनिरहे भन्सार बढाएर ५० प्रतिशत पुर्‍याउने धम्की ट्रम्पले यसअघि नै दिएका थिए अमेरिकाले भन्सार बढाएपछि भारतले चीनसँग सम्बन्ध सुधारको नीति...

नेपालअखबार,काठमाडौँ । इटालीका एक ७० वर्षीय पुरुषलाई आधा शताब्दीभन्दा बढी समयदेखि पूर्ण रूपमा दृष्टिविहीन भएको नाटक गरेको आरोपमा मुद्दा लगाइएको छ । यस समयमा उनले अपाङ्गता भत्ता भनेर दस लाख युरो भन्दा बढी पैसा लिए । यो घटना भिन्सेन्जाको हो । ५३ वर्षसम्म ती व्यक्तिले आँखा नदेख्ने व्यक्तिलाई दिइने राज्यले दिने दस लाख युरोभन्दा बढी रकम लिए । यस घटनाले एक पटक फेरि इटालीको अनुदान र अशक्तता भुक्तानीको प्रमाणीकरण संयन्त्रमाथि सारा विश्वको ध्यान खिचेको छ । ती व्यक्तिको नाम खुलाइएको छैन । तर पाँच दशक अघि कामसँग सम्बन्धित घटनाका कारण ती व्यक्तिलाई पूर्ण रूपमा दृष्टिविहीन घोषित गरिएको थियो । त्यसबेलादेखि उनले दस लाख युरोभन्दा बढी भत्ता लिए । भिन्सेन्जा प्रान्तीय कमाण्डको वित्त प्रहरीले क्रस–चेक गर्ने क्रममा उनमाथि शङ्का उत्पन्न भयो । वृद्धलाई पछ्याउने र भिडियो–रेकर्ड गर्ने क्रममा उनले खत...

नेपालअखबार, काठमाडौं । इजरायल–हमास युद्धका कारण प्रभावित गाजा क्षेत्रमा ७० अर्ब अमेरिकी डलर बराबरको क्षति पुगेको अनुमान गरिएको छ । त्यसको पुनर्निर्माणमा २० अर्ब डलर आवश्यक पर्ने अनुमान समेत गरिएको छ । संयुक्त राष्ट्रसंघ, युरोपेली संघ र विश्व बैंकले संयुक्त रूपमा गरेको मूल्यांकनबाट सो अनुमान गरिएको हो । संयुक्त राष्ट्रसंघको विकास कार्यक्रम (युएनडीपी) का प्यालेस्टाइन विशेष प्रतिनिधि याको सिलियर्सले मंगलबार पत्रकारहरुसँग भने, ‘गाजाको करिब ८४ प्रतिशत क्षेत्र क्षतिग्रस्त भएको छ र गाजा शहरजस्ता ठाउँमा ९२ प्रतिशतसम्म क्षति देखिन्छ । पुनर्निर्माणको विशाल अभियानका लागि आगामी तीन वर्षमा २० अर्ब डलर आवश्यक पर्नेछ ।’ उनका अनुसार, गाजाको पुनर्निर्माणका लागि अरब मुलुकहरूसँगै युरोपेली देश र अमेरिकाबाट पनि सम्भावित आर्थिक सहयोगका संकेत प्राप्त भएका छन् । २१ लाख मानिसहरूलाई मानवीय सहायता युएनडीपील...

नेपालअखबार, काठमाडौं । रूसका विदेश मन्त्री सर्गेई लाभरोभले संयुक्त राष्ट्र संघको तर्फबाट प्रतिबन्धहरू लगाइए पनि रूसले इरानलाई सैन्य सहयोग जारी राख्ने बताएका छन् । उनले यसका लागि रूसले अन्तर्राष्ट्रिय कानुनहरूको पालना गर्ने पनि बताए । उनले भने, ‘हामी यी प्रतिबन्धहरूलाई मान्दैनौं ।’ संयुक्त राष्ट्र सुरक्षा परिषद्ले सैन्य हतियारसँग सम्बन्धित प्रतिबन्धहरू लगाएको थियो, जुन अक्टोबर २०२० मा समाप्त भइसकेको थियो। यस अन्तर्गत इरानमाथि हतियारको खरिद-बिक्रीसँग जोडिएको कुनै कानुनी प्रतिबन्ध थिएन, तैपनि सुरक्षा परिषद्ले यी प्रतिबन्धहरूलाई फेरि लागू गर्नका लागि मतदान गरेको छ। अमेरिकाले प्रतिबन्धको पक्षमा मतदान गर्दा चीन र रूसले यसको विरोध गरेका छन् । रूसले आधिकारिक रूपमा यी प्रतिबन्धहरूलाई नमान्ने बताएको छ। बीबीसीका अनुसार, लाभरोभले रोयटर्ससँग भनेका छन्, ‘संयु...